uïïun  102, 

mrayur  2005

(Octobre  2005)

Amezwaru

 (Page d'accueil) 

Tamazight

lirkam d tuäut n tisunawin

tinnçmit n usuvvl

Dda Azaykou

Wen i yccin tiri nnes

Timnadvin seg telwat

Idrim n biblghu

A tamurt

Neccin nxes ad nili

I bu tiwan

Iklan d irkan

Français

Quelques souvenirs

Le myghe d'Imi n Lchil

L'association Amghar

Tamazight négligée

Pour la formation de grands pôles

Communiqué du CMA

Je ne suis pas un folklore

Nouvelle association à Tinghir

Zahra Ben Zennad victime d'un accident

Condoléances

العربية

ليركام وسقوط الأقنعة

خشيم موظف بليركام؟

ومات موذروس

هيرو واللهو في العتمة

خريطة الطريق الأمازيغية

متى ترسم الأمازيغية؟

في أفق مؤتمر جمعيات الشمال

القضاء والقدر والمازيغية

عندما يعجز الخفاش عن التفريخ في عش النسر

جامعة بالريف ممنوعة على الريفيين

الداروينية اللغوية والبقاء للأصلح

الاشتقاق في الأمازيغية

المرأة الأمازيغية عبر التاريخ

هل يرفض مجتمعنا الحداثة؟

رد على الأستاذ بلال التليدي

الريف يكسر طابو الكنكريس العالمي الأمازيغي

التلفزة تقدم الإسلام كدين إرهاب وانتقام

فاطمة ملال

ألبوم جديد للفنان عمر  نآيت سعيد

سعيد الزروالي يصدر ألبومه الأول

التقرير العام لدورة الجامعة الصيفية

سلام على روح أزايكو

رحيل الفنان أزروال حسن

المؤتمر الليبي للأمازيغية

عنوان جديد

تصحيح

بلاغ جمعيات تفعيل الدسترة بالريف

جمعية أزمز الثقافية

تعزية

تهنئة

 

dda azayku, idsen ikettayen idrusen
Yura t : Hha Oudadess (Rrebadê)

Dda Azayku! Mayd ttinix? Mayd ktix? Mayd ttux? Tagudvi tsul teggudey; awengim urta isgunfi. Ad inix ghas aynna isiflufel wul.
 tatvfi ne ughejdim! Se wass nghedd amuyd n idv. Ar nttek akkw tiseggwin i iskkinen. Yini ku yan aynna ira; irar t wayyadv gher abrid. Mec akkw nemsenkas, nefru tt s “Hiwa swingem, swingem“. Yiwt digsent, ar i yi ttinit “Azemz d iddan, win taskla d igherfan; awer tteksud. Ghar ggann. Ad neswingem, neg tawwuri ifulkin; pat ad tessadd.” Nghedd adday nemyafa g inmuggaren n Imazighen, isawel kra n yiwn inigh ac “Amaghuz n tamazight ayd iga wa”. Tinit i yi “Upu, ur ixwcen. Dghi, ur izdvar ad yakez uggar; isul ad yakez.”. Sulx rix ad sawlex xef tirut n uwengim nnec maca ur yad ssinex mayd tterrux. Meqqarv seghzefx awal ur as ttekkax attayen. Nnix yat taguri tamazight ayd t immalen:
Nnan agharvas yaggug
Nezdvar asen.
Nemyassan g 1967. Ar neqqarv g tasdawt (l’université); nekk tittvanet d ceyy amezruy. Ilin idsen imeddukkal akkw ten g (Fac. Des lettres). Ar awen ttisellix, da tsawalem. Ur ghuri mayd awen ttinix xef tittvant; d mayd iss tteggam! Ar smunex iwaliwen nnun xef taskla, xef umezruy, atg… Seg akud ann ayd ucix idd izvri xef umezruy nnex iga aqbur. Ktix adday temyasayem ar tsawalet xef tamazirt s temghwer d addur.
Allig ad x tgit aselmad ne umezruy. Tawit ax d tiswingimin tisgrawalin. Yat digsent tiwi c s tin imughan. Ilint Snat yadven izvilen. Tamzwarutt idd Tariq Uzayyan, nezdvar ad nini, yan seg icirran n Tihyya (Dihya). Tissenat idd llan sin n id Ouqba aynna d yiwin tarwayt g idsen arraten xef umezruy nnex. Unna iran ad yisin ugar xef tizrvitin ad nnec igherv “Histoire du Maroc ou les interprétations possibles; Centre Tarik Ben Ziyad, 2002). D ad diges yaf, inger wiyyadv, amagradv nna s ittisin anamek n Amezvmud (Masmoudi), Asnagh (Zenagi) de Aznat (Zenati).
Ad nsawel imiqq xef izlan, timedyazin d isefra. Da zwaren, neghrvad i umedyaz ameqqrvan Moha Lbazz ad as nessefeld imal ass. Ur yuddeji mayd ur ax inni seg tinna issen. Ar t nessistin, ar x itterara. Inna ax awed izlan n wudayen n Gheris. Ur ssinex, gher deghi, aynna ikka ku yan dignex da isiggil. Aynna ktix, nra akkw ad nakez, ar nsemmerwas awaliw d wayedv. Ku yan yiwi tt s mani s ira.
Ad nawedv isefra nnec. Sulex ur da ttarux isefra se awed yan wawal. Maca mmimen winnec dari. Ar k ssistinex. Ar iyi tessikizet akkw aynna rix s tarezrebt. Ar iyi ten teqqarvt. Tanemmirt attvas. Llig ad c mlex isefra new imezwura s tafransist, tennit i yi idd fulkin. Dix tennit i yi idd fulkin wiyyadv. Ilkem yan uzemz, tenit i yi “Max ad ur ttarut s tamazight?”. Nnigh ak “Ur zdvrex. Cigan n iwaliwen ayd ur ssinex”. Tennit i yi «Ghas ara; aynna akkw d iddan s agayyu, tara tt; Ra ad telkemt kra ifulkin”. Llig ad k mlex isefra new s tamazight, tennit i yi kra zuned “Piwa, pa tten, fulkin”. Tanemmirt.
Ad d nwerri s winnek. Is ur idd keyy ayd innan:
Janbilly idlett umedlu
Ma ggis idel?
Tirrugza
Tammara
De tgudî gh ulawen
*****
Lli g dvefaren idsen tadyulujit n azelmadv nghedd ayffas nghedd n taourreba, keyyin tedvfaret tin tudert. Ar tteddut gher imwiriyen-imezwawgen g France, lumenn win Janbiyyi (Genvilliers), ar asen ttarut, ar asen teqqarvet tibratin seg d gher tamazirt; ad amzven seg, cen ineghmisen i, ayt darsen. Cigan ayd tebdert g usefru nnec xef tamara. Allig tennit
Yan wass asa tteqqelen ur d lkimen
Maca tebbi tt s anaruz
Ur yaggug gh wussan nnex
Wass meqquren...
Keyy ayd innan, ar tsawalet i Mma nnec, llig tettyamezvet xef Tamazight:
I rvebbayemt, ah immi
Pan yan awent innan
Iwim itteyamazv
Ad ur tallat, tinit as:
Ssenx, ur gin amaker
Kkix nnigh ac: A Dda Oeli, meqqarv ur yad tennit awed yan wawal yadven, iwaliwen ad, iwda yak; ghas widdex, tegit issen amgharv n imedyazen ar azemz awertam (infini). Tesmunet akkw awal g tiguriwin ad d idvfaren.
Tamazight ad tt isemghwerven
Gh igiwal n mas
Nettat ay izolen tittv nnes
Ass lli gh ilul
Nettat a isawel s umarg
Lligh jdern ul nnes
Isawlett d ijddigen
Fsan xe tittv n mas
Mayd isul ad yini yan? Tegit tamazight g ansa n Mma nnex, tserset Mma nnex g udgharv n tamazight (awal nnex amazigh). Tedmut idd ifassen n Mma nnex aghulen win tamazight (awal) ar ttezolen tiwallin n ililan nnex. Terrut idd ijddigen da fessun ge tittvawin n id Mma. Ar sawalen tamazight! ar tt sawalen d tislemyiwin timazighin. Ayyuz, ar aha!
Cigan ayd tezrvit: Taduri s ttumubil attayen n Bordeaux, tin imughan (ugar n useggwas), tamadunt (cigan n isggwasen), atg… Maca, zund Abehri, tsul ghurec tamdvi n tudert d, nnigakkw, azmummey. Ayad iga seg timitar n tizi nnec g tawessena n imgharen imeqqervanen. Taminpyatt (spécialité) nnec, amezruy, tmel ac –ar ax tettallest, ur tervmit- idd imray umurks d ur israrrey i ayt tamurt ad myafan d iguyya nnesen taf ad ur yad deffuren imaruren. Maca, ur idd tennectemt. Ar ttallest i tidettin tisrarrayin nna seg da ttennuruzt ad anfent allen i ku yan. Tezrvit, dat n ad ax tezrit, annurzvem arkkak nna illan. Ighiyy ad yili yusa ac d. Nekk, ur idd aynnax ayd kkix da siggilex.
Ur tamut g winna mi iggwudey wawal. Akkw adday nemyugga, da ttisellit cigan, tsawelt ghas imiqq. Awal idrusen maca ibubba cigan. Amm is da ttisellix i unelli nnec da ittewiri adday da tsawalet. Zund ibudraren –yan digsen ayd tgit- ittinin „Yan wawal ibbey tamidî“. Ur ddejin tudedrt xef awed yan ad yakez aynna tennit. Amm is tezrvit idd yaggug uynna telkemt; ar ttinit agwens nnek: tameqqitt, tameqqitt, as da ineggey wasif.
 

Copyright 2002 Tawiza. All rights reserved.