uïïun  102, 

mrayur  2005

(Octobre  2005)

Amezwaru

 (Page d'accueil) 

Tamazight

lirkam d tuäut n tisunawin

tinnçmit n usuvvl

Dda Azaykou

Wen i yccin tiri nnes

Timnadvin seg telwat

Idrim n biblghu

A tamurt

Neccin nxes ad nili

I bu tiwan

Iklan d irkan

Français

Quelques souvenirs

Le myghe d'Imi n Lchil

L'association Amghar

Tamazight négligée

Pour la formation de grands pôles

Communiqué du CMA

Je ne suis pas un folklore

Nouvelle association à Tinghir

Zahra Ben Zennad victime d'un accident

Condoléances

العربية

ليركام وسقوط الأقنعة

خشيم موظف بليركام؟

ومات موذروس

هيرو واللهو في العتمة

خريطة الطريق الأمازيغية

متى ترسم الأمازيغية؟

في أفق مؤتمر جمعيات الشمال

القضاء والقدر والمازيغية

عندما يعجز الخفاش عن التفريخ في عش النسر

جامعة بالريف ممنوعة على الريفيين

الداروينية اللغوية والبقاء للأصلح

الاشتقاق في الأمازيغية

المرأة الأمازيغية عبر التاريخ

هل يرفض مجتمعنا الحداثة؟

رد على الأستاذ بلال التليدي

الريف يكسر طابو الكنكريس العالمي الأمازيغي

التلفزة تقدم الإسلام كدين إرهاب وانتقام

فاطمة ملال

ألبوم جديد للفنان عمر  نآيت سعيد

سعيد الزروالي يصدر ألبومه الأول

التقرير العام لدورة الجامعة الصيفية

سلام على روح أزايكو

رحيل الفنان أزروال حسن

المؤتمر الليبي للأمازيغية

عنوان جديد

تصحيح

بلاغ جمعيات تفعيل الدسترة بالريف

جمعية أزمز الثقافية

تعزية

تهنئة

 

 A Tamurt
Yura t: Uhmad Kessu
Ahzvizv n wakal ad kkusn
Ungifen winna ghif am teggera...
Rzvemnt twurin taqqiwin inm
Dyonisus...
Tihyadv a d tinna issegman
Advil izzvan d izruren ar udem...
Suwan wallaghen... Gnan
Ata kemm s uhezzvud teqqimid
Tezwid Ttel-ghenja matta rrjva...
Flufeln wulawn...
Winna yulin ghaln...
Aferun is iwedv igenna nnag ghaln
D aoejjammu nnan ur tneqqervadvn
Rvao as rvaoan...
Ad d gin azdam i Tudert
Tzriy tubiyt ghers tezdayin
Mayd ikettin...
*****
Ad tinid ur tiruwd , kemm
Iwteman inm ma g tuderd
Ixataren inm ilellan
Manig tekrefd ma s
Idkwar utartar...
Maghif tegnid, imidiren inm
Ijjawn u Zerdab... d tizvmammarvin
Unefn imawn... ghlin wazagen...
Ammi ur tiruwd
Mad teghrviyd?
Imezzviyanen inm
Mag issen tezliyd?
Maghif tudert? mag tghresvd mami?
Daccenn Tantal ddern... nnag gan ig maghif Sghuyyn nitni kemm max tenghid...
Mami tsellid manjjin tvsvan
Manig asen teghrid... mayd ghifsen ighrvan,
Mayd ghrvan ...
Alaten inm , matta imal i tefsut inm
Misem i wufugh
D ssamum neqqervn sebxenn tifsa inm
Mad aghelluy abda ghifm tteyarun!
Agensu nnem max kemm melluln
Amsudent tgezzay mayd iceffun
Izmulen...
Tifi.. yi.. ngh aghnt ...
Iwc wadvu n taghust nuccek...
Mayd iufan.. tifi nngh...!
izriy iri ink a ighzer n Ontario
Timenna s uhenjif a yawal.
*****
Permes tuger ak tfessi anli
Teghlid ger tirsal... is ur yad k usiyn waman
A unna ittun ma zeg d ffeghn Man tabrat ink manig
tnez teflest Tisutiwin ghif yiri A unna idvufn akwd imakaren Judas n Mayas mayd isaggn zeg tizzit A yakradvmezzviyn Teghliy twrirt n Arès a Tidet Mayd iktin?
Gan as d wayucen akeccum
Temraw tsebbabt
Tcvurn tisufra mayd ittenhun...
Ghlin Urti teffegh ak tsarut tasumert a yamdan...!
Afrawnt tleqqimin n tudert
Gant Seksu ger urawen ink...
Mdin s tinnuzegha
Gan ibriden d tizeqqvar...
Azemz d tallit n Ikabaren...
S isakanen mag ittamen yiun?
Teg ghas imezv mewwesn yifraken
Ad kkuln ur t nnin
Ucci utan amrvad, unna iwaregn s Urtan...
Inneghel wadif... rvzvan tazlaft...
Zrin tawant... urar s lmaoun
Timeghriwin malin a igduden
Imesnayen mayd iddan myd d iqqiman...
Iris a Anzvar mayd irun mayd d tuzend
Ikkes wakal ahezzvudv mami abeorvuq
Manza Tawenza...
Ssenteln Inigitn antalass mantur tifawn a Tamurt asukef n mummu s tmensiwin...!
Tezwa titv ittisisn qqvurn inessisen
Amun... urawen imi ini amin.
*****
Iwedvn am d ghvur ughelluy
Innegwdem wudem manis ikez
Terwiy... tebberwiy...
Asiwf... idd ar dghi
Anfa zeg lligh mayd iutan
Amur ssaghn a ayd innan upu...
Ur tessighid Amur winngh
Mecta d admer innal nnan...
Tidikelt yut digm igguremn
Mad ad ihrem!
Iddvuqqer wuggug ... uheln tteraran
Ghrvan d... i tnekra
Yagug d Magug wapli aya ffeghn...
Festant tghuyya umnan i tingira
ur yaggugn...
Tinnk a Deucalion ttvefnt
Ula tizvilla ink ibarekn
Tendvum tisutiwin
Allig ed ndvun ...
Matta tgherrvuba ighusn
Mami ngint talatin d idammen
Imi ?Targwa n tuttutt...
Amezruy inm may tarud
Iwandalsen ...iumesn aludv
Ad ighum wudem s milus

Gan as ed Iggi s Ingi
S tagut ur ttakezd taghwda
Ghawelnt tsurifin ...uggan ed a Tin-iggi Uggan agh ikhf ugganamt manighers Taruwela!
Ulaigher...Ahhhnngh...
Iman ma's ed nekkern nzvu
Nuh massingh d imenza numen ad iil
A ayd nsghuyy ...
Tudert agherrvabu , nekwni makh nentel...?
Herakel...
Rurant tirsal aghurru ink
Mecta n tikkal sidvennt isidven nnk
Iqqel urettval ma'g tsifesd matta twizi...
Tamazzalt a Pyrrha tbarek truwela inm
Rakkwenn izvra teffeghin ed tudert
Tenjem terwa n wayyaw ink a Japet
Ur tgif tikli tinnk a Japhet
Ufan iss Tmun asen tudert
Irna Prométhée makh oahedn ayucen
Maghif aghuln !
Smunn tazmert ,tsekhkherv twada
Ruran ed Olympe ...Everest rrun...
Ghas iliy ur tumizv tserrviwt
Svlebn Tinnuzegha ins ffeghn amerwas
Fessusnt tghwerdvin lan awal...
Yat tghuni i wayucen wakhkha s tgadit
manis reggweln ...
A mm urtan ...kemm is teggerd ?atenna ur issakiyn ...
A tinngh idm...a tinnm...Imettvi inm ur iru wodaw...!
Tenbuttel temzvi ...ma's azvugher...
Ur da tgemm...matta tezrurin...
Izelangh yikhf ur nli ...imekhli ingh nekkwni ghif nalla..!!
Nbedd matta twada amrurd is nekna ...
Bedd..manig nbedd!?
Iqqim ed ughelluy
Tdel uccen ,Romulus 'Lupa' mayd ihucn
ffeghn tizvgi iura yissek a Amalthée
Ayucen izdvan tizzyawin...a ayd usiyn isaffen ...!
Teg asen akkw tagut ...Ibarbaren
imerwalen ...Imennejla ...Imunaf...
Ighewwaghen...matta uzerf tafad ad nnemern

Atlas! a yAtlas! Isul ghifk wawal
Iagh uhemmvar akal
S idgel ink ,iruw inm anbarek
Seggwez ed izvri ,aggwa usar fessusn
Bbin izmamen ukeln taggurt timessi ssaghn Rredelnt tersal qqerdvent tjebbadin Gant terfafin tuteliwin kherrveqn iflijjen man amuttel ...matta treggimt idvfarn a Ham...
Matta tkhamin ed iqqiman tettel tudert ihlasen Izegh manza...
Ifran mag ffern , tektutiy tefza nnek
Teffegh tninat izilalen...Amuttiy n imaziren...

Ighersv yizger... usiyn aksum gran ilan Lan seggwis bdvan d imuren Ili i akwd unna ed ittasan ...
Tesvruw tmazzvagt ...
Dvtedn.. dvuman.. sgenn...
Tafunast a tamatart n Tagant
Ghzan imettvawn iggera ed uhurfa
Amsudn yiffan mmughiy a Ajjer
Tendvuwk tzegra Iwegh manza
Utul deg ulkhikh manis i yider a tihmi
Izeggwaghen gan ighallen s tala
Advar ula Tabrida ghers tuna...
Tinhinan uccekn ikhamen
Tegguss Tergwa...Tanut ur tli antvra...
Tghus tedwent taylal iummer yigenna
Dvran ed d ileddayen
Rkemn wulawn Ikhfawn zrin ucci
Iazu yilm iqqvur yighessv
Allun ghrvefn ig Amadvlan...!
Gat as tigezwin a ighrvefan ...!
Accekt i titi...a ihidas
Mayd degm innan hid as

Isliy wawal ig lhal anebdu hman
Is gruwn ! a Igruwan...mani tazzirt...
Tugel tegnart ingh a igduden ssenduat...
Yuma ed umwan i tassendut
Amur inm a Tamurt digh angigiy
Ghas amcinna ukan, ufla ,urta nfafa

Ineqqerv wawal ur iqqimi wawal
Neg taqebbadvt ...is tenger...
Ssvabt ingh ger iwilanen inkwen neffegh agama.
(Uhmad Kessu)

Copyright 2002 Tawiza. All rights reserved.