uïïun  114, 

mrayur

  2006

(octobre  2006)

Amezwaru

 (Page d'accueil) 

Tamazight

zg "tayunt di tuggut" vur "tuggut di tayunt"

"Jar u jar" n Buzeggu

Izvri

A tamurt

Français

La religion de Tertullien ou l'expérience de l'aliénation

Il faut rendre à tamazight ce qui lui appartient

Le groupe Tiyur frustré

Communiqué de la ligue amazighe

Election du bureau de l'associ. Ayt Said

Meilleurs vœux

العربية

الأمازيغية بين الإقصاء والإلحاق

الأمازيغية وإشكالية الشرعية الإيديولوجية

الحركة الأمازيغية بين فكر التغيير وتغيير الفكر

مولاي محند والحركة الريفية

تحريف تاريخ المغرب في المقررات المدرسية

دارفور: ماذا حدث للمغاربة؟

مولود معمري، مفجر ثورة تاسافوت

أشّاون أو شفشاون في صيغتها العروبية

تدريس الأمازيغية

الأمازيغية ليست لغة فحسب

نقد راهن الحركة الأمازيغية

استغلال خطب الجمعة للتهجم على الأمازيغية

جائزة الحاج محمد الدمسيري

الأمازيغية تدخل دائرة المعارف wikipedia

مجموعة بنعمان: دراسة تحليلية

البديل الأمازيغي لأحمد الدغرني

جائزة الحاج محمد الدمسيري

أربعينية الدكتور عمر الخطابي

لجنة متابعة تدريس الأمازيغية تراسل وزير التربية

التحضير لتأسيس جمعية إمغناس

العصبة الأمازيغية

تأسيس جمعية اريف بمدريد

تأسيس نادي الصحافة بتزنيت

حفظ الشكاية ضد مراسل أكراو

إعلان للمجلس الأمازيغي لتنسيق

تهنئة

 

Asdduggem n izawalen d tecniyyat n inemguren deg ungal: «Jar u Jar» n: Muhammed Buzaggu

(Symbolique et onomastique des personnages dans le roman: «Jar u Jar» de Muhamed Bouzaggou)

Yura t: Lyamani KASSOUH

1- Asiz war n ungal:

izwl (titre) n ungal a netta: «JAR U JAR». Yus id zeg tamzzult n «TRIFAGRAPH» di Abarkan, deg usewggûs n: 2004. issizwar as s tfransist «Racid ARAXA».

ungal a yura s isklan ilatinen, u dages 80 n tudmawin zi tefray timzvyanin (12.5/19.5).

Amarir n ungal netta d: Muhammed Buzaggu ig iruran (ilulan) «di dar lkebdani» di ayt soid, Nnadur. Igga attvas n tizemmar deg igar n tasekla n tamazigt, iwwedv ad yari sin (2) n ungalen1 d yan n tullizin tiqudvadvin2, d ict n tamezgunt…

«jar u jar» d ij ungal ig yura umarir Muhammed Buzaggu s ca n tira izdigent u cnant, awaren n tmazigt yenzan s awaren zzays iwdvan di Arif, u tarin zzages imariren, awaren n tira yudsen ar usefru. D min iqnen ghar umezruy d tusna n waydud. U manaya is mara blli amarir Muhammed Bouzaggu issij x iseqsan d imunas d isental it nyuddun, itazren (se propager) deg igar n ungal di ddunit d lmerruk iksi jar tittvawin ines amnus n ca igezdisen zeg tamagit ira yeqqimen attvas x tama. Xezzaren gare s s rxezrat taneqsit/ taqudvat, yemsar as asinef d usveoqar.

Ungal a yessawal x timetti, d tudart n waydud d ifeqqusen it iddar, d igiten iqnen ghar tudart n yewdan deg idva, idva zages it ssenta ungal: «Rexxu, ussan sqaren…»3 u zzayes i ttnfarar: «…maca rexxu»4.

Yessawar ungal x yan n unemgur itwasnen s «Mudrus”. mudrus netta d ij uhudri umi yemmut bab as deg tazanezt n usnekkar n tazebut tarbabt tagrawlit, awmi ifsa umsawar jar igrawliyen/ immegzalen d uhewwas afransis deg usewggûs n 1926.

targazt n imawlan d imiriwn d imgaren tedwer d walu, tedwln d cmayt d imurdvas d imkurras d imennuray di tittvawin n yeqrinen n Mudrus d wattas n imezdag n dcar, u zzay sen ihudriyen ixezzaren s ugezdis/ s wezgen n tittv di Mudrus, s minzi ur ssinen amezruy nsen s tidett, s uyenni sseoqaren imgaren d yargazen ig yeggin amezruy. Su ya imarz «Amarzag» i Muh ameqran, u wtin as iociren ines di tcarift u gsin ag i des di tadahhact5.

Ddeqa n addadn d tikliyin; immarnin s usegdi n yemmas n Mudrus, d umedduker n bab as: “zzufri″, d umurdves n hmitu d hmmu deg ayel u netnin razzun ad zvwan ajemmadvin i waman ghar yrumiyen; wwin t u jjin t Mudrus itaka (itaca) s uwezwez d unezbar di rajjagh n wur nnes. Maca asduri (couver) is igga bab as ameqran d yemm as tameqrant, d txusi nnes i wsetjji n tinfas d awaren istoawaden xmin imsaren di zic; yamu (participer à) deg usfukker (découvtir) x umsewdvi yedva x idvnnat.

idva itban blli araten/ isuta (génératins) ugjent x uzalen (les valeurs) i ten itqnen ag ucal n tmurt, razzun ad ddaren x tama wapa, rawgren a barra ghar miden mix uzren imgaren nsen idvnnat.

idva yedwer amgar iteggit rmexzen zeg iwdan i itwara gar sen timura, garvsen agra. Inni yuoran. Inni iqqaren wap war texsen hed ad asen yini upu. Inni i issaghen udmawen axmi ssaghen batvatva. inni iznuzan awar ssaghen asegdi.

war dji am attvas uya, rami tugha imezdagh tmunen tempawadhen jar asen, smunan awar nsen x wenni i ga yirin xaf sen. Amghar nsen teggent s ufus n sen…6

omar n omar (omar amezvyan) netta d amghar iggi t rmexzen bra ma ad yari ura ad ipwa, ur yewti s ufus ura s udvar. Di ukud mani ntaf imgharen d yargazen iwtin aqartvas mmurdvsen, twattun, twasinfen x tma , zzaysen wen u yufin xlli d ander jar inagan n rebbi (martyrs) u zzaysen wen ummi ur xes sriwren wami immut.

Min imsaren, bab as n Mudrus d Muh ameqran babas ameqran ijja yemmas tssula (ressembler) anigri nsen amacnaw: adqqis (tcumoet) iraqqen s ukemmudv mahend ad tssagh tfawt i hed nndvni, zdat ma ad itwandver min it giman zzages deg ufradv.

Waxxa Mudrus yucca s wezwis d tiqqest, maca radas nnes a Muh ameqran izzvu d ayes asitem deg imal:

“war teqnidv xa ad yas ij n ass war it ghimi manaya ad tecna tguri ad ac tecna tudart”7

amengal waxxa it oawad x iydva, itxes ad issen min imsarn deg umezruy, s uya iqqar x yers n Mudrus itemsawaren ag yemmas tameqrant:

- manaya snex t, siwer ayi x min iodun …

- min iodun awar xaf s d azirar.

- ura d idva awar xaf s d azirar…!8

da ntaf amarir ismmgnet (se rappeler) aqqan jar umezruy, d idva d imal, u dani ntaf iqqar ict n tidet izgur nnan tt imezrawiyen: “aydud umi iweddvar umezruy itweddvar as ura d imar”9.

S uya ad ikkar ad yarzu ad issen min imsarn, awarni tibratin n “zufri” id as d itawdven zi Fransa, u manaya indpvit huma ad issen tidet itwanghen imurdvsen deg iqemmumen n imezdagh. iwwit manaya ad iffegh zi tmurt ad irah ghar Fransa, ad isefarar tguri nnes. Maca mahend ad issen min yemsaren I bab as.

Irah Mudrus ghar Fransa, yewwedv ad imsagar ag ”zzufri” amedduker n babas, ig yufa ipruri yesraw di tassuyt gi “sbbitvar”, yeprec s reghrubiyyet d tmurt n midden ixemmer jar rehyudv ibarcanen… tubbarcent n rehbes mani yekka 20 n iseggusa wami xes hekmen ifransisen. U netta itusus s raggâj.

Amsagar jar zzufri d mudrus ijja ameggaru ya, itarra d u yesdwared cway zeg ixef nnes, iwwedv ad issen x yers n zzufri attvas n igezdisan zi tidet ira yennufan s uxareq i yewdan.

Amsagar ijja zzufri itarra d tizemmar d temzvi ghar ddat nnes ira iqarmen, u yejji t ad yini attvas n awaren n tidet ira war yessin Mudrus x babas d umeddukker nnes.

Azewl n ungal “JAR U JAR”, asentl ines ameqran i ssawaren x ca n igezdisen zi tudart n Mudrus, anemgur ameqran zeg inemguren n ungal; ig iddaren jar u jar, jar min itsra d min war izvri, jar tidet d uxarreq, jar babas aked war yimi d yemmas izvummen x wawar, jar tarja ines d timuc, jar tazzra d ubeddi, jar tarjijat n wur d upardef n tmijja, jar amughzer d umenghi, jar tudart d tamennawt, jar asd netta d zzufri… jar u jar i iyma Mudrus.

Ungal ur tsswda g war nnes ghir x tanemgurt n Mudrus, maca tessawar xlli x ca n tinemgurin nnedvnni ig itghima d ammegnt (présent) nnes deg aduf n ungal ghars (gures) araq imghar mahend ad yiri usijji x addaden (les attitudes) illan (ijjan) di timetti (société) i xef yessawar ungal.

It yuman (paraître) blli Muhammed Buzaggu ismutter (ismnudva) s tira n ungal u ghars afus d azirar deg igar a, waxxa amux nssen asenflul (création) n ungal dij n agg icqa u yeqseh bezzaf, maca yecna u iguda i wen ur yezmaren ad itbebba/ iksi awar di alta n “ttvabu”, u mchar yemghar u yiriw “ttvabu”… s uya tased tira n ungal n Muhemmed Buzaggu mahend ad tiri d ict n tagunit (occasion) tarzvem x reoyaret n temzvi d tasundva (sarcasme) d turda (doute) d timewda (paradoxes) n tudart d imacnawen d iseqsan issendafen, issekmdven. Akkaz (intuition) nnes yujar aghtas/ aghaws (décision), assinen yujar iml, asdduggem yujar assumeg.

Suya tased tadast a, Mahend ad neg ict n tazrawet i wsentl n usdduggem n izawalen d tecniyyat tinemgurin deg ungal “jar u jar”, u zdat ma ad nemmuti ad nessiwer x usentl a, ntseqsa: min ixes ad yini asddugem? Man asussen i ghas ghar izawalen d tecniyyat?

2- Asussen n asdduggem:

ur nezmar ad nuc yan usussen wapa i usddugem; acku din attvas n i ssussimen ig itwawcen zeg attvas n tadasin; imsar xasent ij n umezli imghar jar imesiggeln ig yufin ixef nsen arendad yan n tamukerist tameqran, s uya ntaf teggen aruggay jar asdduggem d tadugamt (signe)10.

Amya ntaf amawal itwasnen s: “le petit Robert” isussen asdduggem nigh akebab (symbole) blli d tadugamt n akaz (est un signe de reconnaissance) ad umsawadv jar sin iyedsen. U netta d tagensest (représentation) n ca nedvni ar itunza nigh arigwddel (chose d’abstrait ou d’absent)11.

deg ughezdis nnidven, amawal «la rousse» isussen akebab s marra min ijja iddar nigh d rhajet ssawaren zzayes iwdan amacnaw: «rmizan» itenamak (signifier) taghedmt (la justice)12 deg amawal «le Hachette», akebab ixes ad yini attvas n tidugamin nsseqdec (utiliser) zzagsent s umtawi mahend ad yemsar ict n tagensest tmun u temghar ugas rawgaj.13

S uya ntaf, blli din agnu (problème) huma an awedv ghar yej n usussen imun i asdduggema nigh akebab ad texsen marra imesiggeln irazzun di «lantrobologi» nigh di tasekla nigh di tiklisnt.

Nzemmar ad nini blli akebab netta d ca ixes ad yini nnedvni acku din tamaqqant (relation) jar asen. u netta d ict n tadugamt itwaggen s umtawi x unamek nnes jar bezzaf n yewdan.

Mara akebab/ asdduggem d ij iyigar imghar di tudart n ufeggan, u yezgur tutlayt d taghezvint, u d netta ismaran -amacna tisit- udmawen n tidet yujgen attvas.14

Akebab asussen ines itmewdva zeg uraq ghar uraq, zeg aydud ghar aydud, u huma ad nessen mlih min ixes ad yini akebab a nigh d win ixes ad nedwer ghar tusna n waydud mani itssims akebaba15. Amacnaw ini (couleur) acemrar ixesen ad isddugemen tazzdugi di ca n tmurt, maca isdduggem a ca nnedvni ghar ca n waydud nnedni.

Akebab d assinen izemmar ad yiri s tifrit (mot) n awal itwanna nigh yura, s umussu (movement) s tmaqqatc, nigh s ca nnedvni.

Di tadelsa (culture) tamazight ntaf din ammegnet (présence) imghar n ukebab/ asdduggem, deg ires, deg awal, deg usefru (deg izran) deg taserit (prose) di tarja di arudv di attvas ighezdvisan n tusna iqnen ar tughrma d ufeggan amazigh.16

3- Asussen n izawalen (ismawen) d tecniyyat (tislfas).

Isem, izul, asemqar… netnin d ict n tadugamt (signe) d arra/ ineg (dessiner) d tattayt (caractéristique) tetwag u tetwawc i ca mahend ad zays itwassen, ad yiri d afeggan nigh d rmaragnaw nigh d ca nnedvni.

Asemqar netta d tadugamt tawaliwt (signe verbal) zayes itwassen unemgur u zages yetghlay (distinguer) x hed nnedden, mahend ur itmmerwas ag idsen.

Izul utarras netta d tameggit iness, itwassen zzays, qqarn asd zzays di twacunt nnes tamezvyant nigh di twacunt tameqrant deg aydud nigh deg talesa (humanité) u netta d tisit n tanemgurt17. Isem d tasghart d azref zi tseqqar n ufeggan mani ma deg umadval18. asemqar itmewda ghar sin: Asemqar n unemgur (nom personnel/ prénome) izi yet glay jar ayt twacunt ines, u d nettat iticcen i utarras xmi id iturar ghar tudart ad taf oad d isegmi.

Asemqar n twacunt (nom familial) zzays itmmerwas ag ayt twacunt ines.

Asemqar n unemgur nigh utarras d tanga talsasnet (Anthropologie) d timettisnt (sociologie) gars attvas n anamek izemmar ad aniwadem ghar negra/ nefra (comprendre) timetti mi xef n teg tarzzuyt19. asemqar n twacunt, attvas uya, ira itssims ghar teqbitc nigh ar dcar nigh ar temdint nigh ar uraq mani yurar utarras, nigh s ca n tufutin/ timiwar n ddat nigh itwassen zzaysent utarras. Suya ira isem unemgur nigh n twacunt, u xlli d tislfas/ tecniyyat s wadament an nessen attvas n inumak ur xaf sen asiwr s yires. Ira zemmar ad nessen izvewran n utarras d taqbitc d tameggit ines.

Tecniyyat nigh tislfas teggentent ihudriyen jar asen i wya d uya, x tmegga nsen, nigh x awar n sen. d tenni i zi ten traghan ura d iwdan imeqranen. Ddakkûrent d asmawen i kid sen id itasen20.

Tecniyyat d isemqaren daysen u kessin asdduggem, s uya tased tarzuyt a i ga negg huma an nssagh cway n tfawt x usduggem n izawalen d tecniyyat n inemguren deg ungal “jar u jar”.

4- Asdduggem (Askebab) n izawalen d ticniyyat (tislfas) deg ungal:

tacan (u kessin) imengalen s ij umnus d aglgul d ameqran, mahend ad farnen nig ad ucen isemqaren d ticniyyat I tnemgurin n ungal n sen21.

deg igara, ntaf ungal «jar u jar» tessegnet attas n izawalen d tislfas, i wwedv uttun n sen: 19, zag sent 10 n isemqaren (ismawen), 06 n iwtman, 04 n twetmin. u 11n ticniyyat, zzay sent ict n tewtemt, 10 n tislfas i nemguren d iwetman, sin (02) n tinemgurin mmesnayent s usemqar d taslfast: Muh ameqran d omar amezyan. (x zar tafelwit uttvun wis: 1 d 2).

Tafelwit uttun: 01.

Tafelwit uttun: 02

Tesmar ad tafelwit wis yan d sin, blli attvas n inemguren n ungal zi tazaka i wetvman 14, arendad 05 n tinemgurin tiwtmin. u tinemgurin a tsussnent a kradv (03) n araten; ara (asatu) n imawlan imeqranen, ara n ibabaten d tiyemmatin, d ara n tarwa d wayyawen. Isemqaren n ara wis yan qnen ar umezruy, u yuca sen amarir Muhammed Buzeggu isemqaren mmesnayen uttfen ar usemqar n Muhemed i yexsen ad yini amtukaday d tamayt deg sussem umawal id itawin ag usussen nsen deg ungal, amacnaw: Muh/ Muhamed ameqran, Mhemmed n Mhemmed, ssi Muhend. Yina marra, sdduggimen aumezruy n iqnen ghar wakud/ alta n taznezt n tabeddit (résistance) deg udem n uhewwas assbbanyu d ufransis.

Inemguren n ara wis sin, din immi yucca as amarir asemqar amacnaw: yemmas: Yamna isdduggemen tayemmat tamimunt, d traytmas tayemmat inuryen di memmis ica ayel, d omar n omar amezyan bab as n Timuc tameddukelt nnes isdduggemen ghar ca n yewdan ixsen ad awdven x uorur n miden d uswizi ag rmexzen.

S uya omar n omar gures agra issiwd it rmexzen ad yiri d amgar amen ur yigri, asemqar a it awid di ca n isemqaren n ca imgaren swizan ag usbbanyu di min iodun, uoad swizan ag rmexzen amegrabi, yina aqan udsen mani iddar u yezdeg amarir Buzeggu.

Abaran d taslfa it wawc ibabas n Mudrus minzi waxxa netta d amegnas igga targazt, maca ur tissin memmis ura d tarwa n dcar, s ixariqen ixes it wannan id wel d akerras, xlli d ander ines ur tissin hed. Amedduker nnes Zzufri yuc-as amarir ticnyyat tesdduggum x ara n yewdan irifiyyen iggin targazt mahend adeddaren di tmurt nsen oizzen s tirelli, maca ar unegar ufin ixef nsen di bara d imetlao s ususen arimet mahend ad segmen tamurt miden…

Inemguren n ara wis kradv, mara nejja traytmas d Timuc tameddukelt n Mudrus, ntaf marra isemqaren d ticniyyat (tislfas) I yucca Buzeggu I nemguren a urhrint; amacnaw: Amarzag “asemqar (isem) nnes Muhenned, minzi netta d amezwar n babas… ggin as amarzag ar ami tufin day s svrabet, war it sedhi, d axewwan, iccat iwdan s umezyan d umeqran, mani ma tega ca n tmegga war tehri iggit”, Cbareq “titvtvawin mgarent as deg agembub iccuren s inuqqab”22, Lgut mmis n umgar n dcar. Yena d ihudryen n dcar twaran mgar rirart, gar sen tudart am ij n uqetvtvus nrirart oemmares ad iqda. qao war ten icqi ca. war day sen amnus ura d afeqqus, tma n ubrid d unni d rmageh nsen. Tmunen din, smurdusen ussa nsen23.

Hmitu d Hemu isemqaren n sin inemguren n ungal zi tarwa n dcar ig yawren zi tmurt nsen ar tamurt n midden, maca ur wwiden, zi tnicca ayel I ndarind abara. S uya, ina sdduggimen ar ihargen ig tlaoen/ ioarqen. Yucca sen amarir isemqaren a acku imenneoraq/ imetlao nesnin u twasnen, u aseoreq ur iqqim s tanufra. Maca isemqaren it wawcen I sin inemguren a twaskukhen, u manaya is mara neg addad (l’attitude) n umarir ijjan imeyagal (contre) ag u oraq/ utlao ig yegga hemu d hmitu.

Itghima Mudrus zeg inemguren n ara wis krad, netta di dva, unetta d imal… s tizmmar nnes tiqudvadin irazzu ad yessen, ad yeddar tidet… ad yili netta d asdduggem n umegnas it mussuyen gi ij n yegar iccur s isennanen d tiokraf d imxumbar.

Mudrus netta d tanemgurt tamenzawit deg ungal, gures aqqan ag inemguren nnedni deg ungal: (xzar tasekkilt).

Tasnigrit:

Itmzvar blli Muhammed Buzeggu ismars (réussir) deg isemqaren d tislfas ig yucca I tinemgurin n ungal I nes “jar ujar”.

I semqaren a d tislfas a gursent attas n usdduggem, din min iqnen ar umezruy, din min iqnen a yedva.

U yeteemzar blli din attas d umtawi jar asussen umawal izawalen d ticniyyat d usussen amux dusint deg ungal. Asdduggem iksin inemguren a iqqen ar tusna d tadelsa tamazigt di ARIF.

Asaghulen:

1 - Mohamed BOUZAGGO : ticri x ṯama n tasarrawt- 1ère édition, 2001, TRIFAGRAPH, ABERKAN.

- Mohamed BOUZAGGO : JAR U JAR, 1ère édition, 2004- TRIFAGRAPH, ABERKAN.

2 - Mohamed BOUZAGGO : IFRI N ΣUNA, 1ère édition, 2006, TRIFAGRAPH, ABERKAN.

3 - Mohamed BOUZAGGO : JAR U JAR, aseḏwel izgur, asebtr wis: 1.

4 - aseḏwel s ixf ines, asbtr wis : 80.

5 - Ase ḏwer s ixe fines, ṯuḏmt (asbetr) wis: 8.

6 - Aseḏwer yezgur, ṯuḏmt wis : 12.

7 - Aseḏwer yezgur : ṯuḏmt wis : 17.

8 - Aseḏwer s ixe fines : ṯuḏmt wis : 12.

9 - Mohamed BOUZAGGO : ticri x ṯama n tasarrawt, aseḏwer izgur, ṯuḏmt wis: 108.

10 - xzar : - Gilbert durand : l’imagination symbolique, 1ère édition presse universitaires de France, 1964, p : 11.

- أحمد أبو زيد: “الرمز والأسطورة والبناء الاجتماعي” مجلة عالم الفكر، عدد: 3، وزارة الإعلام، أكتوبر، نونبر، دجنبر، ، الكيوت، 1985، ص: 5.

11 - le dictionnaire le robert, le mot « symbole »..

12 - dictionnaire la rousse, librairie la rousse, 1986.

13 - dictionnaire Hachette, le dictionnaire de notre temps. Paris, 1992.

- أنظر ايضا: مجدي وهبة: معجم المصطلحات الأدبية، طبعة لبنان، 1974، ص: 552.

14 - Mirceia ELIADE : images et symboles. Essais sur le symbolisme magico- religieux. Tel gallimard, p : 13.

- عباس الجراري، تصدير لكتاب: عمر أمرير: رموز الشعر الأمازيغي وتأثرها بالإسلام، ط: 1، مكتبة دار السلام، الرباط، 2003، ص: أ.

15- فاروق خورشيد، عالم الأدب الشعبي العجيب، كتاب الهلال (سلسلة شهرية تصدر عن دار الهلال بمصر) عدد: 447، مارس، 1988، صص: 11-12.

- صبري منصور: “الرمزية في الفن الحديث”، مجلة عالم الفكر، م.س، ص: 136.

16 - xzar : Hassan BENHAKEIA : « sur la production du symbolique dans la poésie moderne » in la quetion d’Amaziġ : la structure, la théorique, fac. LCH, Oujda, 2000 : p : 4.

17- محمد الشافعي: الاسم العائلي بالمغرب، ط: 1، 1999، ص: 12.

18 - الإعلان العالمي لحقوق الإنسان، المادة الثالثة.

- العهد الدولي الخاص بالحقوق المدنية والسياسية، المادة الرابعة والعشرون.

- الاتفاقية الدولية لحقوق الطفل: المادة السابعة.

19- رشيد الحسين: وشم الذاكرة معالم أمازيغية في الثقافة الوطنية، ط: 1، مطابع أمبريال، 2002، ص: 73.

20 - Mohamed BOUZAGGO : JAR U JAR, aseḏwer izgur, ṯuḏemt wis: 7.

21 - xzar : Hamon PHILIPPE : Pour un statut sémiologique du personnage. Issġlit a ṯaεrabṯ : Saεid ben-ekrad ajiġ n uzewl :

- سيميولوجية الشخصيات الورائية. تقديم عبد الفتاح كيليطو، دار الكلام، الرباط، 1990، ص: 53.

22 - Aseḏwel s ixe fines, Tuḍemt wis : 2.

23 - Aseḏwel s ixe fines, ṯuḏemt wis : 6.


 

Copyright 2002 Tawiza. All rights reserved.