uïïun  117, 

ynyur

  2007

(Janvier  2007)

Amezwaru

 (Page d'accueil) 

Tamazight

zg "tayunt di tuggut" vur "tuggut di tayunt"

Dwer d a mmi ynu

Alghu

Taxertilt n amedyaz

Ameksa

Tayri

Aters

Afulki n tamazirt inu

Tmsaman jar ass d aytmas

Kker a yazilal

Français

La religion de Tertullien

Faut-il déclarer un armistice?

Fatima Mallal

Hommage à Sakkou

Condoléances à M.Chafik

Communiqué du collectif Azayku

Intervention du président du CMA

Solidarité du CMA

Prix du film amazigh

Le rapporteur des N.U  reçu par Tamaynut

العربية

ليركام أو عهد "العالم الأمازيغي" في دولة عربية

مدرستي الحلوة

أمازيغية ليركام

الأمازيغ والأكراد

مغاربة فغي خدنة فرانكو

مولاي محند والحركة الريفية

المغرب وسؤال الهوية

كفانا من أساطير القومية العربية

مكانة المرأة الأمازيغية

المسرح الأمازيغي وسؤال التجديد

حوار مع كامرا ن آيت سعيد

الفلاحون بدون أرض في تارودانت

كتاب رسالة الحياة

تعزية للأستاذ محمد شفيق

بيان الحزب الديموقراطي الأمازيغي

الأمازيغية والدستور

بيان هرهورة

نشاط ثقافي لجمعية أسيكل

بيان المجلس الوطني للمريك

بلاغ جمعية إكيدار

يوم الشهيد الريفي

دعوة لحماية أهالي زوارة بليبيا

بيان ح.م. لطلبة وجدة

بيان تنسيقية ح.م بالجامعة

تصريح الشبكة الأمازيغية

 

Dewr d a mmi ynu

Yura tt: Hafidv El Bujeddayni

Tifawin a Pulanda. D ta d Pulanda. D tamezvyant i tedjid a Pulanda. Attvas i d ayi oawden xam, ghir ayi temghared, cem war day m oecra n wussan n tyarza s isardan. Ixezzvar ammu d wammu, kurci gharsen ibna, am tamurt am ujenna. Mani da xedmen, mani carzen, mani sbeddan ituma, mani toarrasvn, mani gharsn isuyam, tinedwin, igerman.

Alla war zemmaregh ad ddaregh di tamurt a. Mammec gha ggegh i nnper, d yemma i di semhegh, d imeddukar n dcar inu, d wussan ifarhen dja nesseodu. Ussan n twizawin: ijjen wass ghar ori, ijjen wass ghar Hemmu. Mani ghar sregh izran n tibrighin, d tihuja n yemma pennu. Mammec ghar ggegh ad ttugh timzijjaj n waman d ideqquzven zeg wezvru, wara ttibehhar izzizwen am rmecta, am unebdu.

Ina d iseqsan drin as d netta deg ubrid ghar tazeddight n uma s. Ak wawadv, icmummes iseqsan, yarr iten ghar wur nnes, ibda itemsecti ak iqubab: ca d arrudv, ca tticemsin n zembu d d tazvemmit i da s tecmes yemma s.

Rahen ussan usin d, iseqsan a ggin as aoebbuz x wur, agga ma s rahen zi taynit, beddren zzay s ussan, war ttecti tamurt, itemsacti ak ixef nnes: “min d ayi d yewyen da?!”. Maolik i da s ioedder ad isghuyy, iri yesghuyy.

Ijjen wass netta deg waber( ) ak ijjen umedduker nnes, dvrin as d iseqsan nni, ibda itxemmam: umi ghar yini, umi ghar yeccetca, mani ghar yesduqqezv aoebbuz ghar s deg ur. Yarra iseqsan ghar wur nnes uca icsi deg ijjen izri n remrah, inneqreb d ghar s umedduker nnes:

“- a tekkid di taqdint a muhend?

* iwa qa aya umi nessen ay amedduker, tammurt nnegh hsen zi ta.

- Maca meolik war d ay s bu zzvradv.

* Mammec nnan rejdud nnegh: “tafdvart isvefdvawen, ura ttrid n imettvawen”. Mammec mma tegga tamurt nnegh, ura ttneghit a d tamara, zi d ghar tenqar ar gha teghri: macca s ubeddi, tazeddight di rkuri, mermi ghar tsvebned mermi gha teggd amensi, ticri gha refjurat di tsvemdviwin d idefrawen, ntemsazzar deg ibriden zeg uqedduh a ghar wa, d rxezrat s ughezvdis d useoqar, axmi ghar sn ntettar, wadji ammu idja tghiregh ay amedduker.

* xad tennamed a Muhend ad c teojeb Pulanda ”.

Rahen ussan usin d, Muhend igga recwaghedv, idwer yeggûr s yiri nnes d azirar, tedwer ghar s Pulanda am dcar: tawwart tawwart, amcan amcan. War yeqqim Muhend itempafa ghar refjurat ura itemsazzar x ibriden di tsvemdviwin yegga “ssumaj”( ), yedwer ittvettvesv gha refjar war d itnakkar ar aoecci, war yethessif i wsvebben ura i wmensi. Zi dgha yfaq zi lbar( ) a ghar wa x tzeyyat d reqmar. Yettu nnper d wussan n twizawin, yettu ori yettu Hemmu, yejja yemma s tetru teccat deg ifadden: “a mmi Muhend inu”. Tesghuyyu, tragha: “a dwer d a mmi inu, a dwer d a tsa ynu”. Tegga s ict n tesfift teccur s imettvawen, ttettar zi Muhend ad yereggêh, ad tt zvar mahend teddar, ad kids tfareh i wur a.

Mmuh war yuci mani yewdva rami gha itesra imettvawen n yemma s tvwettvan d zi “musajjala”. Yarwi d rehnudv nnes ittvef d “tviyara”( ) yufu d ittvesv x ifadden n yemma s, itoawad as…


 

Copyright 2002 Tawiza. All rights reserved.