uïïun  125, 

tzayur 2957

  (Septembre  2007)

Amezwaru

 (Page d'accueil) 

Tamazight

timanit i lmuvrib niv i tmnaäin n lmuvrib?

Tugha yarezzu x tamagit nnes day m!

Tayffart n tudart

Wadj ayi d tifras nnem

Abrid n Lmatub

Français

Lettre du CMA au président Sarkozy

La politique berbère de la France au Maroc

Afrak interpelle le ministre de la communication

Publication du livre "Gar ajdvidv

Colonie de vacances de Ayt Awrir

العربية

الاستقلال الذاتي لجهات المغرب أم لكل تراب المغرب؟

الأمازيغية بين محاكمتين

دار للثقافة أم لفرض الكلام بالعربية؟

واقع وتحديات المرأة الأمازيغية

حوار مع محمد زاهد

حوار مع محمد لعوج

دراسة في الشعر الريفي

الحق في الشعر الأمازيغي

مولاي محند والحركة الريفية

آيت باعمران يطالبون برد الاعتبار

حول العنف في الجامعة

الأمازيغية بالإذاعة الوطنية

إيمازيغن والولايات المتحدة

سكان ماست بين مطرقة الخنازير وسندان السطو على ثرواتهم

ألبوم جديد للفنان محمد ملال

قناة الرياضة تقصي الفنان الأمازيغي

أيام الفن الأمازيغي بتنزريت

اعتداء على الفنان إزري

إعلان بشأن الحكم الذاتي بالريف الكبير

بلاغ اللجنة التحضيرية لتأسيس

بيان اللجنة التحضيرية

صدور ديوان أمازيغي جديد

تيدار ن زيان

قبائل زيان تراسل الوزير الأول

بيان لجنة الريف

بيان جمعية أفراك

تتويج الفلم الأمازيغي

إتران ن أكادير

نداء لدعم المعتقلين السياسيين للحركة الأمازيغية

بيان تاماينوت

بيان بشأن انتخابات شتمبر 2007

 

  Tanfust  taqudvadvt:

Tugha yarezzu x tamagit nnes day m!

Yura t: Said Belgharbi

Awardi: I marra yenni day i icarpen anict uyenni.

Temghar war tettu tifras n  temzvi yarcan, axbac day s d rfadj deg meddur n bnadem, zzay s i yetmudjugh ghar tudart yettun ixf  nnes deg ixf nnes.

Tisira qqarsvent, inarzawen nedben s tazriwin x iquboen,  arrimet tessawar s tiggaz n imarizen s tghubar  d uhrudjedv  x tsedjyawin n dcar.  Twangit tstextux s wadaf ghar waduf n tenfas i yeqnen ghar Hemmu d tehraymect nnes d Tamzva d umuzzar nnes  d Yensi d tighit nnes... d  utebpet zi tziri  i tugha d anegh  d idvaffaren s tghennant nnes am tiri  ghar imucan n yidves nnegh....

* * * * * * * * * *

Di dcar n Rkebdani* axmi i d tnuju  tefsut tesseka d  rimret d areqqasv i ysvuraf  nnes yurmen s tecri n tcuni.

Tirewziyyin  yardvent  rizar d acemrar irehhef s wazvri i wudem nsent, axmi i sewjjadent ixf nsent d ttinarzaf ghar tameghra n tefsut  i twamercen iked  idurar n arrif.

Mermi mma isvudv d wadvu s arbu nnes areqqegh, itirar asent deg hesyan, issenxuxur i tent, i ssefruruy  alellec nsent x ucar am wedfer  yessu tiri n tseklutin.

Nnan as i whenjar nni di temzvi nnes: "Deg ulellec i di tceyyadvent ura d tihenjirin, dehhant am tehjijjatin di refsaset nsent, tareq day sent tmessi am tarjin yardven rehmu di tmejmarin  nsent".

Umi yemghar i yessenta yessen mayemmi tugha i taf tihenjirin tmughzvurent iked yaryazen n dcar, tmarraghent  ixf  nsent  senejj  i  tuccemretc d itudumen zi tseklutin n trewziyyin.

* * * * * * * * * *

Tezoef  icten zzay sent deg yimez ufus nnes, tenna s:

-Ad cek  ccegh mara tennid ihed aqqa tezvrid  ayi  d  anitati.

Yeggêd, icaref  timezvra nni di  dixar  nnes. Yezvri t iked wenni, yessusf iten d uzir  d azughmet n tazvyudvi x ijartar n ulellec, yezvri t tegga afray s tittvawin nnes i wmesruq nni mani tennufar huma war ten twirin   midden, issenta yesrufa day s s ifassen imin txemmer arrimet nnes, yarezzu x tmagit azzay s yarem aweddvar nnes, yudef ghar  min yeffar n  jar ca  n  tedmarin tudument s tazyudvi,  d ca n  tsedjawin yetsvudven s tmessi n temzvi di termect n tenni, i tmudjugh din s yires nnes am weghrar i thrudjudven x taxfiwin n tefray, yennugh day sen wawar deg anegh, yudar ghar s, yessudem day s awar s wesqar, isseqsa t, yenna s:

- Nec mmutegh, i cem matta  cem?

Tarr d,  tenna s:

- Nec  fesyegh, isi d fuss nnec smun ayi.

Zi twarat ghar tenneghnit ad yames ancucen nnes i tirit n tenni i tnezwadven ttazrent  jar  ifassen nnes, trah ttas d. Ttadef teffegh zeg ixf nnes,  tneddu  deg wehsin n wenni, teqdiddis am tejdvit nni umi ttawi tamennawt  tefdutc n reorasvi. 

Isekf it d asekkif, tennezvwedv axmi teswa jeghdid, tessiwer d taycit nsen d ighuyyan n ugenfi, yexsi ubarejju n tmessi i tugha day sen yejjoen, razv yejjiwen  riraret deg  ixf  nsen. Tekkar  tezzerz abehrur nnes s min day s d imunen n tiggwdi  zi tittvawin nni timezyanen tugha day sen i yarekwsen rxezaret zeg umezwaru arami d  ameggaru.

Yesmun it id ghar s, mdaruoen i waywya nsen, yeqqen as safes s uqemmum i tancucin nnes s ij n usvudvem  n wemsafadv, ixemr iten  uweddvar deg  raq nnes i zedghen jar ioerbab n taggant  n djewz,  uyaren jjin deg  wemcan  nsen  iceqfan  n  tizedv  mdewwacen.

Di temghar nnes mermi mma iruh d annuji ghar uraq nni  itaf din  oad rimart n wass nni i teffar tudart jar tighrasvin n twangit nnes.

Temzvi d ttamzva tsvarredv marra  min tezvra,  maca din tighawsiwin tagint ad gheryent, tghimant ddarent, mermi mma yudef bnadem ghar uraq n yehwicen nnes ad ipparwedv nbra ma ad yaca marra tibehhar d imessuciten  n  izupran  d  tighit  nni  di nhnunnedv  marra temzvi nnegh.

   * Rkebdani d ijj n dcar yused di arrif  yudjghen.

 (Said Belgharbi, Amazigh31@hotmail.com)

 
 

Copyright 2002 Tawiza. All rights reserved.