uïïun  131, 

krayur 2958

  (Mars  2008)

Amezwaru

 (Page d'accueil) 

Tamazight

max i d yusa lmuvrib d anggar n waorabn dg uslmd?

Azwag di izran n Arrif

Azuyyet

Muray Muhend

Memmi

Tlulluct inu

Imirn n usggûs

Français

Rachid Nini ou le dénigrement en soi

La tolérance mythique des civilisations

Le voyageur Loti

L'écriture amazighe au féminin

Tarik, le berbère conquérant d'espanya

Tiwizi ou la tradition amazighe de solidarité

Appel aux poètes amazighs

Le CMA interpelle les instances internationales

Communiqué de Tilelli

Ilughma n tmazight

العربية

لماذا صنف المغرب في مؤخرة الدول العربية على مستوى التعليم؟

الحركة الأمازيغية وسؤال الحكم

الأمازيغية ومكر التاريخ

هنيئا للمغرب بالمرتبة 126

رحيل الفنان شعطوف

برق ماتقشع أو لغة الخشب مرة اخرى

دفاعا عن الهوية الأمازيغية

لا حق للسفياني أن يتحدث باسم المغاربة

حوار مع الفنانة الأمازيغية تيفور

الخطوط الملكية المغربية تستفز الأمازيغ

رسائل سرية وتقارير مخابراتية

أبراج إيكدمان بأيت سدارت

احتراف العنصرية ضد الأمازيغية

تانضامت

تألق الإبداع الأمازيغي

بيان حقيقة حول قافلة تيفيناغ

بيان اللجنة الوطنية لإنصاف الإعلام الأمازيغي

بيان تاماينوت

بيان الشبكة الأمازيغية

بيان تنسيقية مولود معمري

تأسيس جمعية تنزيرت

بيان جمعية تكزيرت

بيان لجنة دعم معتقلي بومالن ن دادس

نجاة الهاشمي تفوز بجائزة الأدب الكطلاني

لقاء تنسيقيات دعم التنمية بالناظور

لقاء مع معتقلي بوملن ن دادس

بلاغ لجنة دعم المعتقلين الأمازيغيين

المنتدى الأمازيغي يراسل المجلس الاستشاري

رسالة مفتوحة إلى الوزير الأول

بلاغ الحركة من أجل الحكم الذاتي للريف

الريف أية ذاكرة وأي أفق؟

تقرير جمعية أزا

نشاط ثقافي لجمعية أناروز

 

 

 

Azwag di izran n Arrif(*)

Oebdlmuttvalib ZIZAWI (tasdawit n Ujda)

Mammec tesnem, timazighin d imazighen di Yarrif ira qqaren izran, nigh teoyaren izran. Izran a ssawren x wattvasv n ighezdvisen n tudart d imxumbar iteddaren imezdagh n Arrif. Macca deg iseggusa ineggura, izran trahen ad weddvaren, minzi mkur tamghart nigh aryaz itmettan, uca tiri yessen izran; amecnaw ijjet n tdellist ikemdven.

S manaya, rxedmet i din zzat negh nettat ixess anegh ad nesmun marrva min iqqnen ghar tussna d idles amazigh, mara nexs ad neddar am neccin am marrva imezdagh n umadval, mahend war ntweddvar, ad nedwer am ubagher yexsen ad yegg ticri n tsekkurt, ghar uneggar tweddvar as ticri nnes.

U zeg ighezdisen i xef ssawaren izran a, ntaf: tayri/aridva, azawar, izran n tesrit d usri, izran n umennugh (Oebdkrim 1921-1926, Muhammed Amezzyan 1908-1912, Franco 1936-1939). Maca nec tira inu ad tiri x izran n uzwag.

Irifiyen am marra imezdagh n umadval, ffghen tamurt nsen arezzun x ureqquz n weghrum, ghar umezwar ira tcarraqen, wis sin tgharraben, wis kradv ssentan zekkûn aman ghar Uruppa; zekkûan x iourar n igharruba ghar timura n barra, am Spanya d Uliman:

Agharrabu n Mritc ikki d rmas rmas

Yusi d ad ioemmar ar Spanya issars

***

Agharrabu n jjdid yuri d aman aman

Ykessi ccababiya ar tmurt n Uliman

Zeg ughezdvis nnidven, ntaf wenni ixedmen deg Uliman yecneo, minzi rxedmet nni war day s bu tamara:

Alimanya rxedmet gi tiri

Wen ssin d yarewhven yewwi d ssedrawi

S manaya ntaf azrawi itettar zeg Uliman ad yarzvem tiwwura nnes i yhvudriyen ad zvwan:

A Yalmanya aya targa n waman

Aya tamennexrut jj ibrighen ad odan

U bnadem mara yeffegh tamurt nnes, itek attvas n iseggusa war d itraggûh:

Tamurt n lxarij a refwah n tteffah

Wen irahen ara din ma oad ad yarewweh

Amezwag ira itejja rwacun nnes d iwehdaniyyen, s manaya ntaf izri ya itettar zzay s ad yemsawadv ak rwacun nnes:

Issek ayi d ssram arr as ssram ines

Ini yas ad yarewweh netta s udvar ines

Deg ughezdvis nnidven, ira yedjis uxariji tasment zzay s tinni war yezvwi babat sent bu waman. X manaya issawaren izran a:

A yedjis n ulimani char zgi temghar

Babam yecca yiref yarnu ra d akidar

Tarr d yedjis n Ulimani tenna:

sst wi qqar roib a yect mi tvencic

Babam mri yezvwa ad taf yecci ten s arric

Deg iyyar a ntaf izran nnedvni tzawaren yenni ira yexsen ad zvwan aman, maca ak uneggar qqimen da:

Svahhit a ddiwana svahhit umi teggid rfarz

Svahhit umi tarrid acewwar ad icarz

***

Svahhit a ddiwana svahhit amen itiri

Svahhit wami tarrid abarrah ar dinni

***

A tesran ttesrihh qeroen imeksawen

Reboadv n yewdan nnekwet war teorimen

Deg umezwar ira Irifien zvekkûan s basbur, zi ssenni teffegh d visa, ak uneggar iban d remrac n recwaghedv. X manaya ssawaren izran a:

Wen tessezvwa temghart ma yetsemma yezvwa

Ggem as tahezzamt ggem as qendura

***

Ibrighen nnegh tghaman teghmart

Thaman ttesrih a ten tessezvwa temghart

Azwag yebdva jar rwacunat ira iteddaren marrva, yebdva jar ihvudriyen d thvudriyin itexsen aya waya, ira yessitimen ad ddaren di taddart d icten, maca agharrabu n zvekku yebdva jar asen.

Qqaren izran di manaya:

Agharrabu n Mritc yekk d rebhar rebhar

Yus id ad ioemmar rebput inem a reomar

***

War dam tsimihegh a tiyara yedvwin

Teksi d llif inu tiwyet i trvumiyyin

***

I wami gha tesrigh llif yudef Aliman

Yudva yi d umettva yescemdv ayi idvudvan

***

Meskin ya llif inu di Pulanda wehdes

Ikessi tittvawin netta d uocir ines

Bettvu ya i yezmen urawen itexsen, yejja tihenjirin sqadant ijdvadv d ireqqasen gha tayri nsen:

A yajdvidv yettvawen mkur ddewla yekk it

Ruh siwedv as ssram i llif mara terq it

***

Ruh siwedv as ssram a tbaghra yettvawen

Llif inu yuyar char rugh d imettvawen

Ar danita takkûdegh ghar uneggaru n tafart-a, ssitmegh ad irin izran a fsusen x urawen nem. Afus g fus timmuzgha afus g fus tanekra.

(amazigh39@yahoo.fr)

* - amegrad-a netta d tafart zi carceà di tafeska tadelsant tanmarrayt tamezwarut i tegga tamesmunt n Ayt S²id ak twiza ak tamesmunt n tawmat di Katalanya zi 9 ar 12 àuct 2007. www.festivalaytsaid.jeeran.com

Copyright 2002 Tawiza. All rights reserved.