uïïun  137, 

tzayur 2958

  (Septembre  2008)

Amezwaru

 (Page d'accueil) 

Tamazight

mlmi vad ggn aggagn imuvrabiyn am uggag adzayri katb yasin?

aqqa cmm vari da

"Muci" war idji d midden!!

Alelec

Tafruxt d tbaxxa

Français

Imazighen et le Maroc des autres

Soumettre ou détruire

Marcus Cornelius Fronton

A l'aube maghrébin

Tamazight

Saghru chante la liberté

Rapport tamaynut

CMA: le tribunal incompétent

Un été amazigh à Ayt Said

العربية

متى سيفعل المثقفون المغاربة مثل المثقف الجزائري كاتب ياسين؟

أيور، أيور، ما أر تزريذ بابا؟ جهل واحتقار واستفزاز وقلة حياء

لماذا همشت الأمازيغية في احتفالات عيد العرش؟

إفريقيا بين الانتماء والارتماء

الأمازيغية بين الإقبار والانعتاق

تكريس الهيمنة الفاسية والنزعة العروبية الأمازيغوفوبية

الجرائد المغربية وسباق الصفحات الأمازيغية

أفل البدر

تقرير حول أحداث سيدي إفني

عن أوريكن السياحية وسكانها الأجانب

بيان الحزب الأمازيغي

لقاء حول التنمية بأزرو

تخليد ملحمة أنوال

تقرير عن حضور المرأة في رقصة احواش

تأسيس جمعية أفلاواداي

بيان الجمعيات الأمازيغية بشأن وضعية الأمازيغية

ملتقى الهجرة والتنمية المشتركة

توصيات ندوة الهجرة وإشكالية التنمية

نشاط لجمعيات أيت عبد الله

بيان جمعية تامونت

بيان الحركة الثقافية الأمازيغية

بلاغ الحركة الثقافية الأمازيغية

 

 

 

Tanfust taqudvadvt:

“Muci” war yedji d midden!!

Yura t: Said BELGHARBI

Tiseghnest n Trayetmas inxarrm as waghghraw s wattvas n weghnas. Teddu s tigemmi n Muci, huma ad as iodel min zzay s d iftuttzen n nnuqart.

Muci d amezdugh, ura d netta d mmis n dcar, azvwar nnes yeghmi d deg acar di d ghemyen izvewran nnegh marra. Mara nenna s neccin d imezdagh cek tusid d ametluo, ad taf ura d neccin nus d zi manis d yusa netta, maca marra idnegh d imezdagh deg ijjen n wexxam.

Yeqqim Muci x tpidvurt, zzat s arrabuzv, itsvudv zzay s deg wur n tmessi yarghin d arsawen, aweqqeh n isefdvawen issefsay nnuaqart, itarra t am waman qquren, tudumen di reqwareb, teffghen d d tiseghnas, nigh d ixerxaren temraywan x tceobin n tniba n dcar.

Neqqen i wurawen nnegh ijjen n weghnas, di dcar ismun anegh ijjen n uzir, txemmer anegh ijjt n tmeddit, netted zeg ijjet n tara, necca anggur deg ijjet n tebqect...

Trayetmas trehhef s uhewwaq i wudem nnes, tudef x Muci, ijja s amcan i wghimi, huma ad treqqem abzim n tseghnest s ufuss nnes, ifassen iswizan iwmuni d weodar hsen zeg inni iswizan i wardar n min imunen, min d anegh ifesyen ad t nesmun jar anegh. Trayetmas teswiza aked Muci deg uodar n tseghnas nnes yarzven.

Yenna s Muci i Trayetmas:

Ghensi t i rizar nnem, ad twarigh ma usint id ca x tcuni nnem.

Deg wawar n Muci attvas n tighit yenuffaren, maca Trayetmas tettu tiseghnest, teghnes iwaren n Muci d tayri ghar wur nnes.

* * * * * *

Muci itaca aked ixf nnes d midden jar asen, d amsebrid, d ismegh, itarem tibardiwin, iteqqen ticedvyin i yeghyar nsen, d amzir itreqqam tiyarsiwin n isughar nsen. Itaca aked tesghart nnes tetwacc.

Affegan umi ghar yemsar ammu s ughghir ad d yas ass di ghar yedha d agrawli, ad yarzu x tiseqqar nnes jar amzviwen yumsen raxart i tudart.

Jar imezdagh d Muci tadukli ghar yedja udem n zic, maca netta yessen tidet n tuffrin n waydud di iyteddar, mani itaca aked tadukli nni tarecca, itaca din aymaren jar asen, jar as d Trayetmas i yugin ad temrec ghar Muci s taqsuhi n izerfan yudvnen di twengitin n imezdagh. Maca amuni nni yugha s tghennanin di radjagh n tughgherma nsen, amezruy yenna negh di tefray nnes, msemracen jar asen, msarrawen, aydud imeghghar x ixf nnes, maca rexxu tiriwen day s imenghan ugha war yedji wudem, imenghan i tjeyyafen tudart n tcuni, tcuni nni yeqqimen d asutar ghar Muci d Trayetmas.

* * * * * *

Yus d ukud n tzadjitin, Trayetmas tarra udem nnes ghar akkuc, tudef di rfadj n tzadjit nnes, Muci yarra udem nnes ghar akkuc d wenni, yudef deg izerfan n tzadjitin nnes. marra deg ijjen n useddi, d sadu ijjen n wexxam, d zzat n ijjen n wakkuc.

(Said BELGHARBI, Amazigh31@hotmail.com)

 

 

Copyright 2002 Tawiza. All rights reserved.