uïïun  138, 

mrayur 2958

  (Octobre  2008)

Amezwaru

 (Page d'accueil) 

Tamazight

mlmi vad tssçmç tavdmt tamaäalt imasayn n usizdg atlay di lmuvrib?

Tazrawt n tedyazt

Imttvawn n wmsbrid

Ighghed

Inuffaren

Awal inu s dar willi ferknin

Kradv n isefra

Akamiyyu n ughayyu

Français

La mémoire collective à travers "tasrit" de Bouzeggou

Marcus Cornelius Fronton

V congrès du CMA aura lieu à Meknass

Rappel du CMA aux associations

Imazighen à l'université de "régions et peuples solidaires"

Appel à contribution

العربية

متى ستتابع العدالة الدولية المسؤولين عن التطهير اللغوي بالمغرب؟

الانفصاليون العرب

اثنا عشر قرنا من التاريخ فقط أو الإصرار على الفضيحة

فرخ الوز عوام

تعريب السحور

إغرم أو قصر أيت عمر إبراهيم كتنظيم اجتماعي وبنية سكنية أمازيغية

وقفة تأملية في المسيرة الفنية لمولاي علي شوهاد

الغزل في الأغنية الأمازيغية

قراءة في الأبوم الجديد لمصطفى الوردي

المعجم العربي الوظيفي

الميتولوجيا الأمازيغية

كتاب بالعبرية حول زلزال أكادير

عن كتاب المجموعات الغنائية  العصرية السوسية

الكنكريس العالمي الأمازيغي يحط الرحال بمكناس

رفض الاسم الأمازيغي سيفاو

تأسيس جمعية الهوية الأمازيغية بسلوان

نشاط ثقافي لجمعية محمد خير الدين

بيان المعتقلين السياسيين للحركة الأمازيغية

بيان المؤتمر الليبي للأمازيغية

دورة تكوينية حول تدريس الأمازيغية

تأسيس جمعية إسوان

الإفراج عن معتقلين من الحركة الأمازيغية

بيان جمعية أفريكا

 

 

 

 

Tanfust taqudvadvt:

Akamiyyun n ughayyu

Yura t: Said BELGHARBI

Tugha war kid sen djigh ca umi ggin awar jar asen ad rahen ad cemten “Aynaw” butanut n dcar, ad xaf s d qardven ijjen n duru d aseppanyu war isekwi walu.

Wcin ayi cwayt zi min d sghin n “arruku” yughin di sekkur d acemrar, nnec attvas war qridvegh ca, baba mkur ass n ssuq n tlata tugha ittic ayi ayenni n duru, maca rexxu ittu yayi, attvas war d iswizzedv zzay s ghar i, oini war ghar s ca! Zright i temqetmar s ughir akd tsudjest d min tkessi.

Tawuri n baba di tsirt n “Dpar n ssuq” tugha teqqen ghar txuncay n imendi nigh n farina, maca rexxu igharfen n tsirt skutan, shessan ghar ixsan nsen tugha yekkaren temghezzan akd ayawya nsen war tbeddin, razagh ingha ahray, yumes ura d axeyyeq i wudem n baba, tugha tasen tid ghar s thenjirin s rebput, d rehmur n imendi d iourrac, ikessi, isrusa akid sent, nec twarigh sfarninent ghar s axmi nni d asent itades ghar imezzughen, war ssi min tugha d asent yeqqar! Rexxu ahray walu, asfarnen walu, d yemma di taddart temzawar, tettar zzay s ad yarzu xef tawuri mani nneghnit.

“Aynaw butanut” issawar s idvewdvan, war yessin ad yini awaren, maca yiwedv ad yini i baba mmic icmet ayi, isvgha xaf i s duru war isekwi, d tidet nnigh as i baba, qqasegh cwayt zi min d sghin yenni, maca nec war swizegh ca deg ucmat nni, war qridvegh zeg ami tugha tharri tsirt. Harregh d x baba minzi day i issezwegh igemmizen, yarra xaf i tifeqqao n tsirt war iharyen, tedwer d akid i tizedv n “arruku” d tiqqest tesru.

Baba tugh it tyarzawt umi war yezvwi deg ufugh n zic, umi tugha iqrinen nnes d kessin ttesrih zi tmurt n Dzayar, ixarresv ura d netta ad yegg am aytmas marra, hed icarreq, hed igharreb, marra zvwan ghar ujemmadvin, iced aqrab nnes, itleo ura d netta, teloegh akid s ura d nec s iseqsan i teggegh zi twarat ghar tennegh nit i yemma x mermi twasit n baba zeg utlao nnes, war tessin ad xaf i d ttar, waxxa tenna yi babac yezvwa, war ssinegh umi qqaren zvekwu.

Tacaregh ixf inu, taryegh asawen n ighzar n weghbal ghar uxxam n tsirt, tafegh walu din baba, ura d asfarenen n thenjirin n wehray war din yedji, qqaregh as i yexf inu, baba nican yetlao, i rexxu mayemmi yuyar, yejja yi nebra aqradv.

Yemma deg uxxam tessudvus day i s pella ralu, “Babac a memmi war d itis ar ghar d tlellec tefsut x idurar n dcar nnegh... ar ghar d teghmi ddemnet nnegh d tifedjay n imendi... ar ghar d issiwer Aynaw ad yini wi t icemten zeg ihraymeyyen n dcar... ar ghar d...”.

Spigh akd yemma tesyam day i jar tighadjin nnes, tebbi azedjif zeg iseqsan inu d xaf s d itrusen am isudvar deqren i tkessit, d baba ad yadef zi tewwart n wur inu, yiwi yi d akid s zi Pulanda ijjen n “ukamiyyun” n riraret, tccuregh aorur nnes s tbarra n wudji nnegh, taymegh day s acar n remrah nnegh, tawyegh t zi teghmart a ghar tenneghni t, d baba ixezzar day i, war day i yenni ca war ssexnunnus ixf nnec deg ucar, mammec i day i teqqar yemma.

Razv yegga baba i wcar nnes am razv ggigh nec i netta d yusin zi ragwaj nni ghar tmurt nnes, nebra yadwar ghar uraq nni zi manis day i d yiwi tiwsi n “ukamiyyun” n ughayyu, ad day s ssnayegh temzvi inu ad tni ghar tewsar nnes.

(Tarraguna:2008)

 

 

Copyright 2002 Tawiza. All rights reserved.