uïïun  159, 

sayur 2960

  (Juillet  2010)

Amezwaru

 (Page d'accueil) 

Tamazight

is d tazqqurt itwandayn i tmazivt?

tazwagt deg izlan n arrif

Naoima Farsi d ict zi Ayt Tuzin

Nec inu

Adlis amaynu

Français

Questions autour de la tradition amazighe

L'amazighité et le pouvoir politique

L'élite actuelle doit restituer les droits aux ayants droits

Conte berbère

Hommage à Moha Abehri

العربية

هل هو فخ ينصب للأمازيغية؟

جريمة اختطاف لونيس معتوب

أسباب الاضطهاد وسبل زواله

حين يخذل الفكر العقل

عبارة "الثقافة الأمازيغية" ممنوعة في مهرجان الناظورَ

الاستقلاليون يزدردون التفاهات

إنها الأمازيغوفوبيا

حقيقة فكري

الفراعنة الأمازيغ

الأغنية الأمازيغية

غساسة في المصادر التاريخية

استمرار اآكل أسوار تاهلة

هل تتذكرون ذلك اليوم اللعين

إدماج الأمازيغية في المدرسة العمومية

إلغاء تنقيط الأمازيغية

جمعية أسكيل تراسل النائب حول موضوع سحب نقطة الأمازيغية

تقرير عن ندوة صفرو

بيان صفرو

إعلان أزرو

بيان المؤتمر الثالث لجمعية محمد خير الدين

تقرير عن ندوة الجهوية

بلاغ جمعية ماسينيسا

اكتشاف لقى أثرية بفزازا

تأسيس كنفيديرالية جمعيات وسط المغرب

صدور كتاب تالايت

ألبوم جديد لأمناي

موقع للحوار المصري الأمازيغي

بيان اللجنة الوطنية لمسالك الدراسات الأمازيغية

إعلان عن ندوة الجهوية

بيان جمعية إزرفان

 

 

 

Tazrawt (étude):

Tasmaqalt n “tazwagt” deg izlan imazighen di Arif

Yura t: Said BELGHARBI

 

“Yardegh aqareftvan bu seboin n reqfur mami wami yuyar, yejja yi mantca deg wur.” Izri d arifi

Amezruy n uneoreq deg umadval:

Tazwagt (l’immigration) d amutti zeg udghar ghar unnidven, amezruy nnes issenta zi trarit n ufgan xef ukal a, mammec i nessen; war tedji ca d ict n tghawsa teqqen ghar bnadem wapa, ghar s tighuni ura ghar imuddar (animales), ura d nitni tmuttuyen zi tmurt ghar tennidven am ijdvidven deg ujenna am iserman deg ayl.. tneoraqen am ufgan zeg isekraf n tasmughi (l’esclavage) d tinokraf n tzawa d lazv d tarewra zi takritt (la violence) n imenghan n ufgan d tiwaghitin (disaster) n umnadv, mani tgajen arezzun xef ufra (paix), d uzeddugh n tcuni.

Attvas n wayduden i yezrin tawada d ugaji zeg akal ghar tmurt nnidven, ghar negh deg umezruy n usghan (ddin; religion) attvas n tmacaputin, zzay sent tanfust n umazan (Prophète) “Musa” wami igajj yarwer zi taqsuhi d tighennanin n waydud Aferouni, d tmeddurt n umazan “Muhemmed” (tzallit n arebbi xaf s) ura d netta igaj iked imselmen deg uzwag nnes axatar itwassnen deg umeddur n tmeslent; wami imutti zi temdint n Mekka ghar Lmadina, zi senni d usawen zi issentan imselmen tassakudt (datation) d uzemmem n asakud (date) nsen.

- Amezruy n tazwagt di arif:

Deg ammas n timidvi n simraw (Le XXe siècle) iyzeryen, awarni imenghi amedvlan amezwaru (1914-1918) d wis ssin (1939-1945), d isfuffyen iked unfarar nsen ict n tudart tudven s taqsuhi, tmukrist n umenghi temsar s wattvas di tmizar n Uliman d Fransa… mani uffin t ixf nsent ffghent zeg imxumbal n umcubbec d umenghi udfent ghar umukris n tagumi, mani tugha udrusen ifassen n tawuri, zi senni xarrsvent ad swizant s imeswuriyen (travailleurs) d ghar awyent zi tmura n tefriqt ufella d tefriqt tabarkant, zi tmizar n Lmerruk d Dzayer d Tunes d tmura n wadday n tnezruft am Ssinigal d Nijirya…, zi senni ssentan irifiyen tgajen d refrug ghar tmizar a n Urubba.

S tmarrnit xef umussu n tazwagt ghar tmizar n Urubba, dja dinni aneoreq d ameqran n irifiyen i gajen ghar tmazirt n Dzayer, yenna “Ugustv Mulyiras” deg udlis nnes “Lmeghrib ig itwattun; taffi n arif”, deg ussegwass n 1895 ujar zi 20000 n irifiyen ssentan teddun mkur assegwass s rwacunat nsen ghar tamurt n Dzayar, arezzun xef tawuri di tibehhar d reorasiyat n Ifransisen i tugha izedghen tamurt a awarni uhewwes nsen.

Azrawi amazigh war yettu ca ad yiri d ayt n uzemmem s tatlayt deg umezruy nnes s yezli amazigh i xemmren min izeryen zeg ussan nni, izlan di tezdegh taycint n umazigh d tmazight xef minzi tugha itaca n tiqqest idi tugha yezdegh umukris n uzwag deg ugensu d tmeddurt n tudart n irifiyen marra.

Ijj n izli izemmem jar isekkilen nnes ijj n umezruy issawal xef tidet nni, wami tugha assif n Merwect d arefsiw; wenni it ghar izvwan ghar ujemmadvin axmi d irur d amaynu, nssefli d ghar tazrawit tarifit teqqar xef yiles nnes u nettat tessutar zi Merwect ad tcaref inagiten (Les inondations) nnes, huma war ttiwi llif nnes yeggin ad yezvwa ghar tmazirt n Dzayar:

- A Merwect a Merwact; taqarqact n tezra

Aqqa ad teghdared llif; axmi cem ghar yezvwa!

Tazwagt a teslul d akid s attvas n inonkraf i yejjin imnneoraq uylen jar timessi n ugaji ghar timura n midden d tzawa d imxumbal n tmura nsen, taycint zi issemghar uzrawi d umedyaz amazigh s ridaret i yejja teddar deg izri arifi.

Izli ya d taqessist di tiddi d taqudvadvt, maca imghar di remoani nnes, d takemmict n iwalen yufsen s timitar, izli i yeqqimen yeddar am imedyaten, itmuttuy jar tirewriwin n tniba deg ibarazen n tfugliwin d tmeghriwin, ixemmer jar tighit nnes tidet n ijj n wass s min tarbu xef uorur nnes n tizedt d tarzugi, izli d yusin d amazan (Prophète) am ijj n ureqqas n umezruy nni izeryen, issiwel ura xef tazwagt am ict n tmukrist iddar it mkur axxam d mkur dcar, teghza di tamektit n wur n mkur amazigh..

Issiwer urifi d trifit deg wattvas n twaratin xef remoani n yezri, ntesla ghar s yeqqar di sin n izlan a:

- Ma tghired war fepmegh; i remoani n yizran

Chal mma teghri d dinni wi cek yeodan

- Izran n yidv a kurci s remoani

Iteqes rhar; i wen war sen ifepmen ci.

Adghar n tazwagt d tayri ghar ufgan arifi:

Tayri d tazwagt truren d deg izri arifi am ikniwen, tazwagt d ict n umxumber imghar deg umeddur imazighen, attvas i tesyujel n wurawen i tugha i texsen ayawya nsen, attvas itessigwej n lwacunat xef idughar nsen, izli di ghar naff tazwagt ntaff dinni tayri tessdel, dinni amarret nni zi iytaca wargaz amazigh u netta i tegg idvaren nnes ad iniy deg ugharrabu, mani i tejja tiqqest deg wur n temghart nigh n tamiri nnes, tessaqriq ura d tinedwin n tittawin mani izdegh unessis n imettawen, s umsebdvi d lagwaj n ijj xef unnidven.

Ntesla ghar urifi yeqqar deg izlan a, u netta i tettar zzay negh ad naca s taycitin nni yeggwin s tidet n tiqqest d uxeyyeq nni:

- Umi truhed lxarij, rebbi war d ac isemmah

tejjid rbar inu, deg ubrid iseyyeh.

- Cek txemmimed i tnaya n macina

nec txemmimegh wi ghar tejjed i fenna.

- Tesghuy macina dexxan yegga qadus

tenni yura Arebbi ima ad tnemha s ufuss.

- Wi ghar i zi reodu zeg ugharrabu n Mritc

yeksi yayi mami inu yejja yi d tayujitc.

- War d as tsimihegh i tveyyara yedvwin

Teksi ayi mami inu tiwi t ghar trumiyyin.

- Tveyara tamcumt, tveyara a tamenoect

tiwyed ayi mami inu tejjid ayi d tabuparect.

- A Sitimi tuyar a Munqada raja

ma war ghar m bu rexbar n llif ad ipajar.

- Isghuy ugharrabu, yenna s zid ad tenyem

mami leoziz inu gherben t imettvawen.

- Teksi d llif inu ghar tmurt d tarumect

aolik cem zrigh ad am qqnegh ticarrect!

Zzat i uxeyyaq a di ntaff tayri tusligh (affixe) iked tazwagt, s uffsay negh i yezlan a, nfarren d zzay sen ijj n umawal n iwalen i yeqqnen ghar tghawsa n imesniyen (moyens de transport) am: Macina, Agharrabu, Taylalt (avion), Sitimi, Munqadva..), mammec i ntaff amedyaz amazigh issemras (usage) day sen ijj n umawal n uxeyyeq yuylen ghar: (ighuyyan, tuyyujelt (Orphelin), imettawen).

Tamazirt n “Uliman” deg umussu n izlan n tazwagt:

Tarbat tarifit tedwel tmmexsa marra min tt yejjin ad temsvebda xef llif nnes ad xaf s taggewj, tcarep ura d timizar nni mani yuyar llif nni, yeddu d tarewra zi tzawa ghar tawuri, huma ad ibeddel imal s ufuss nnes.

Mara narzu deg izlan n tazwagt xef tmizar n midden, xef timura n Urubba mani igaj urifi, ntaff izli issawal attvas xef tmurt n Uliman, mani mmutyen abarru n irifiyen. Tamdyazt tarifit temsawal, temmnegh, temzawar u temghunnan iked tmurt n Uliman, i das yeksin Llif nnes, tucari t ghar uraq nnes, neqqar deg izlan a asutar nni tegga tmettut Tamazight i tmurt n Uliman mahend ad tewc tirelli i umennuoruq ad yedwer ghar tayri nnes; ghar ukal nnes:

- Aya Alimaniya a ixf awen n uriri

tugha yi d amesrem tarra yi d arumi.

- Aya Alimaniya nec d roarr nnem,

sarpas i llif inu; char inu oam nnem.

- Aya Alimaniya ma tiggwej ma tudes,

“temniyyam” n webrid d ugharrabu yeghdves.

- Aya talimanct ma war d am yewci wur nnem

jjit ad yarewep, char inu oam nnem.

- Mara truhed Aliman wcayi tabrat inu

nec war zemmaregh resnin a llif inu.

- Aya musejjala am gharsvegh ifiran

teksi d awar inu tiwyet ghar Uliman.

Tazwagt tesrurd ijj n umarret di ulkisen (Psychologique) n urifi, mani tweddar tidet jar iseqsan, tedwer trifect tzwar amiri nnes t yejjin ad zzay s isxan, ad yetleo d zegwu ghar ujemmadvin, n tesra ghar tazrawit tarifit teqqar deg izlan di tessiwed akemmic n twalfin n tidet nni izedghen deg wul nnes:

- Ma tezvwid lxarij wi ghar day i tejji d

tejji d aduf inu deg uxxam itejmid?

- Tenna yi mayemmi tetru d jjayi ad rugh nnit

llif nnem yuyar wenni inu yedfari t.

- Ad qessegh afuss inu a das arenyegh aqessi

wami yezwa llif war das odiregh awessvi

- llif inu yuyar, iruh ad isafar

ggayi d di tebrat zeynayi d rxadvar.

- Mara truhed lxarij ggayi di rbar nnec

ggayi mani tegged mami ttesrih nnec.

- Inni yi: ad am ggegh min war d am yeggi babam

ad am ggegh ttesrih ad tezwidv Aliman.

- Inni yi: “mani cem ghar ggegh, ugin lwalidin?”

ggayi a mami inu d lisvanesv i tumubin

Dinni u dinni uran n izran d tizlatin, attvas zzay sen cnun ten di tfuglatin n tmeghriwin, izlan a mani itemyidar waydud s ict n taycint tissiq d zzay sen am isefdvawen; tesrugha tifawin xef umeddur n waydud arifi; xef ulkisen nnes i di izemmar ad t issefsi d iwaren imquddan iked ayawya nnes, am n muquddan idurar n arif, ghar negh d itemsawalen xef umezruy nni n ijj n wass, amezruy issuren iked tazwagt d utlao, am ijj n umnus azwar nnes ighmi deg azghat nni, tidrin nnes oad ghemyent id d raxart i nedyen tifdar nnes deg ayl agracal (Méditerranéen), mani tmetta temzvi d ighedduten di tgharrabutin n unaruz (Espoir).

(Said BELGHARBI- amazigh31@hotmail.com)

*****

Imsedwar:

- “Pijrat almaghariba ila alxarij” Adellis s teorabt, Azwag n imeghrabiyen ghar tmura n midden, afsar n “Akidimiya tageldant tamghrabit”, Almaoarif Aljadida 2000. Arbat.

- Adris s Teorabt: “Tazwagt tabarcant”, deg usmel n (www.aljazeera.net).

 

 

 

 

 

 

 

Copyright 2002 Tawiza. All rights reserved.