uïïun  164, 

mggyur 2960

  (Décembre  2010)

Amezwaru

 (Page d'accueil) 

Tamazight

tamukrist n tnttit di lmrruk

Tamsghrit n tmzzuyt n Ibadviyn

Abrid ghar uzarug

Azekaw n Zen

Siwel, ini

Français

Le Maroc, une transition démocratique ou un autoritarisme sophistiqué?

Une langue à couper

Faut-il sacraliser la langue arabe?

Conte amazigh

Nouvelles interdictions de noms amazighs

Amnesty interpelle le ministre de l'intérieur sur à propos de Chakib Kheyyari

Organisation des jeunes amazighs

Cinéma des hautes montagnes

Conférences sur les recommandations aunisiennes concernant tamazight

Nouvelle publication amazighe

العربية

إشكالية الهوية بالمغرب

لمشترك العنصري بين القومجية العربية والصهيونية

محمد أركون والأمازيغية

الجهوية الموسسعة أو المؤامرة العروبية الموسعة؟

التعايش والمساواة في بلاد الأمازيغ

الحركة الانفصالية الصحراوية

تدريس الأمازيغية: واقع هش وآفاق غامضة

لقاء مع الحاج اعراب اتيكي

عمل جديد للفنان أحمد باعمران

بيان حول اغتيال بجمعة الهباز

بيان الحركة الأمازيغية لأكادير

بيان منتدى حقوق الإنسان للشمال

بيان جمعية أسكيل

بيان منظمة أزرفان

هيومان رايتش تلتقي بالمرصد الأمازيغي

المرصد الأمازيغي يتضامن

الوقفة الاحتجاجية لطلبة الدراسات الأمازيغية

عيد ميلاد أوسرغين أمناي

 

 

 

Abrid ghar uzarug… zi Tiourba

Yura t: Andich idir

 

Azarug, d ict n tawalt tessaggâd attvas ayt inbadven imerrak, tgwden zi tayduda tasehrawit taorabt deg yeffus n tiniri nes, tegwden ad yekkar Mulay Muhend zeg imdvran akd imerdvas nes ad arren Tayduda tarrifit.

Di ikes Liban zeoma neccin wac nettvef ca n uzarug i wcal n tmurt n umerruk? Ammur i zi bbyen Mritc, sebta, Sidi Ifni…Tamurt immutyen zeg uhwes ghar wenneghni, zg wenni Afransis d usvbanyu ghar weorab aorubi.

Amazigh yedvwer mahend ad yaff ixf nnes deg uselmed, asvadvuf… yuffa tmurt nnes d ict n tmnedvt tedeffar i Mizra d Ssaoudya di kucci… inazuren imarrak teggen marra min ghar sen d tizemmar bac ad zvurven ifassen i Um-Kaltum d Oabdlhalim…

Zi 1956, issenta umenghi ameqran mgal i tmazight, waxxa izvurvan n umenghni iteoqab zzay negh ghar ijjen n ussgwass nneghni netta d 1912, maca zi senni issenta usfedv n tmazight zi marra ighembab n tudart, imazighen yeryazen yenni ibedden deg wudem uhwes dewren d ixwannen i Fransa, zeddghen ifran, aydud itraja mermi i ghar s d ghad assen ioraben ad tessufghen zi tillas n Lberbar ghar tifawin n tiourba.

Maca man tifawin i ghar s ghar tagherma taorabt? tagherma isessen ibeccicen n tleghmin bac ad ggenfan, tenni i yucaren marra agra n imariren d imxarssen imslmen ifarisien, ikurdien, iturkien, imazighen, inubien, …arrin t ghar sen, yenni inghin tiwtmin amen ddarent di tayzirt taorabt d yenni inghin irifiyn amen ddaren deg ijjen ifri di Tizi n wesli assgwas n 1958 d yenni d inyen xf yeysan ojnen xf toeddist n Naoima (tarbat tamezvyant d yedjis n rhaj sellam amezyan) s tcedvyyin ar umettin nnes.

Mara kkar wecc ayi ca n wawal i zi ghad zegzlegh tagherma taorabt ad tzegzlegh di sin n tawalin: idammen + tukkardva.

D ta d tifawin n tiourba ifsaren di tmazirt n Umerruk, ar ami tedwel tmazirt nnegh amecnaw ijjen n wazzay d amesran nettvaren day s afradv nsen day s reowin d itaryen ghar idjiten nnegh itcur s tmajut n wefradv, ar ami cra imarrak imazighen xminni ssawalen teffegh d akid s tmajut n tzubact zeg yimi nsen.

Awank i war yedjin ca d adimuqrtavi ak waydud nes deg uswir amezwar, temsar as tigwda zi marra imeghnas itxsen asmskel di lmerruk, yenna ijjen umarzzu di lmerruk izemmar ad day s itwasmskel marra timsrayin hima war day s itsmskal walu.

Ruxa yuss d wakud bac ad nini marra ayd negh yuda (cfa) zeg uhwes aorab, yuss d ukud i di ghad narzv amyey n tiourba s uzarug nnegh xafs, azarug maci ad it nawi s leklayetv d tejwiwjin s weghnas negh afran, maci huma ad nekkes ajellid ad narr wennghni, nigh maci afad ad negg g wansa n tajelda tayduda, upu, narezzu ad ghar negh yili azarug nnegh zi lmeghrib loarabi, zeg wagraw aorab, zi tmukrisin torabin, zi tutlayt tanettit nsen, zi marra min ghar negh issqnen ghar sen.

Talemmizvt (occasion) n wawal a inu yuss d awarni i ufugh aghemsan n umghar umussu agherfan n usrillett n ssudan afriqan zi ssidan aorab, xsegh attvas min yenna xf timqqanin n uwank nes amaynu (umi ssitimegh ad yiri) ak israel d ufugh nes zg wagraw aorab. Min yeqqar umussu amazigh di tamezgha d manayenni i ghar sen ura d nitni dg umussu agherfan n ssudan, s uya nec twarigh amenghni nnegh mgal tiourba d ijjen umenghni d amccarcu jar anegh. Maca nitni wdven ad ggen awank nsen d uzarug nsen neccin aqqa anegh oad deg wul umenghni.

Ar ami ig itsla ddeg a n wawal oamru mussa isniomired iksi s tazzla ghar seb bac zeoma ad ten yejj ad bedden ak tighawsiwin taorabin maca yarr d xaf s ijjen zg umussu agherfan belli amenghni nsen ak israel d amenghi d aorab/d aesraeli yarenni iseqsa (neccin min d anegh ihazen!)

Isudaniyen war zemmaren deghya min d asen ggin ljanjawid di darfur? yenni i tugha it ineqqen idvennatt ruxa tazzren ghar sen bac ad kid sen ggen timqqannin s uzaweg.

Ict n tmslayt nec abeoda war day i tudvif (tkeccem) adji (anli) inu, mammec igga ad iligh ak ca n tghawsa d taorabt tbedd xf uzvwar d idammen nec war djigh ca d aorab?

Abrid ghar uzarug zi tiourba yuser (yehwajj) imazighen ad ghar sen tili tadiblumasit tagherfant nsen, ad zzugzen tghawsa tamazight i marra timura tidimuqqratveyyin, bacc zi barra nzemmar ad nbrek u ad noebbezv xf Rmxzen amarruk, i war day s tqqarint teyyita n ugensu anict i day s tqarrant tenni n barra.

Afus deg ufus ghar uzrug zi tiourba.

Copyright 2002 Tawiza. All rights reserved.