uïïun  171, 

sayur 2961

  (Juillet  2011)

Amezwaru

 (Page d'accueil) 

Tamazight

iãiä n tamazivufubit d tupuäyt n taoarabumanir

Arriif jar tirelli d uhwes

Asmammi

tudert inw

Français

Marghighda au pays de Gurugu

La question de l'identité au Maroc et la réforme constitutionnelle

L'amazighité et la constitution de Mannouni

Pour un Maroc vraiment exceptionnel

La télévision amazighe

Sortie du livre de mostafa Qadery

العربية

سعار الأمازيفوفوبيا وجنون العربومانيا الجاهلية

من مغالطات المعادين للأمازيغية

الله يتكلم الأمازيغية أو هو أعرب

لماذا لا يمكن حاليا إلا دسترة الأمازيغية كلغة رسمية؟

فجر الأوديسا أو دلالة أسماء العمليات العسكرية

ذكرى للتاريخ وإن عاثوا فيه فسادا

الذكرى الثالث عشرة لرحيل لومناس معتوب

صدور كتاب في الهوية الأمازيغية للمغرب

إحياء لذاكرة بوجمعة هباز

ما أبعدك أيها الخليج

كتاب الإعلام الإلكتروني الأمازيغي

بيان تنسيقسة تافسوت للجمعيات الأمازيغية

ندوة التغيير الدستوري وميتقبل الريف

 

 

 

Arrif di 122 n issgusa : jar tirelli d uhwes

Yura t : Andich idir

Amssizwaru

Itass d umegrad a mahned ad nssij xf tidet n tmeqqant i tugha jar Arrif ak timura nneghni, ra ak Marrakec nigh ra ak Sbanya d dzayar…

Arrif amec yeqqar Jerman Oeyyac dg udlis nes «izuran n imenghan n arrif», ameggaru ya ira yedja Lebda zi tmura itwahsaben xf ssiba, ak ughezdis nneghni din timura n Rmexzen, Timura n ssiba i di yedja Arrif ak tiqebbar n Atlas Timazighin fghent xf tanbdadvt tanammast n rmexzen Amarrakeci, minzi amec qqaren attvasv n imarzzuten deg yeyyar n tmessna n umezruy belli irifien tefghen xf mkuy tanbadvt war tfrinen s ufus nsen, s uya ntaff taymbratvurect taoutmanect taturkect tbedd ghar ibuda n yeghzar n merwct war tarni ca ghar zzat minzi iturkien tugha ssnen min i ten itrajan zzat nsen.

Taqbitct tarrifect zi rebda tugha tessggûr ixf nnes s ixf nnes, da nzemmar ad nini belli Arrif zi rebda tugha ghar s azarug nes d tirelli nnes, u azarug a itadef ra ghar daxer qao. Mukr taqbict tugha war tidef di tmesrayyin n tqebict nneden, s uya taqbict dja ghar s azarug nes ademsan d usertan u tettwassen s ca n tantala nnes, ra d timgharin n mkur taqbict kessint deg udem nsent ict tigezzt tsfarrez itent xf temgharin n tqebbar nneghni, amec imezdagh n Arrif am imazighen marra tugha sguren ten di tmqanin nsen ak wayawya attvas n izerfan ghar yedja azvwar ak islam n tudart nsen.

agama n Arrif

idurar n arrif ussin d deg yzzermedv n tmurt n Marrakec xf ughezdis nes din Dzayar, anaw n ugama nnes day s attvas n idurar amec iyedja xf tma n yill acemrar anammas tamurt nes tuss d am tesrit n wenzvar zeg yeghzar n Tmerwct ar tandint n Tinjis, ijyulujien tghiren belli taseddect n idurar n Siranibada deg yeffus n Ibireya d tmurt n Arrif tugha msersaqen qber ma ad msbdvan, tqiccet yuoran di arrif nettat d Tidghin u ruora nes itakkawdv ghar 2.465 M, snnej i tzeqqa n yill.

Taseddect idurar n Arrif temsbdva xf ten n Atvlas, day s attvas n izughar d taganin n tseklutin n taydva d reoeroar d ubedjudv, maca ahwes asbbaynu isquccar itt di tferkewt n uhwes nes xf arrif ak tarwsa n umecraz arrifi d ucmadv n tmessi…(1)

Cway zg umezruy yudjghen

Arrif zi rebda tugha day s imezdagh teddaren day s, u ggin tasebbabt ak wattvas n midden zg uzir umezruy ak ifiniqiyen, ggin tineddam am Rusadir (Mritc ruxa) d tittvawin, awarnas Tinjis di rqan wiss smus qber i tlalit n mass Oisa.

Awarn as dwren ayyawen i ifinqiyen iqertvajyen nitni i yedjan zeg iydvudven ijepden maca awarni imenghan ibunikiyen jar ikertvajiyen d irumaniyen, d ufugh n Ruma teghreb zg umenghi nni yedwer arrif zi Mawritvanya tatvanjit, zi senni yemsar umenghni tanya jar irifien ak iwandaliyn u oawed ak ibizantviyen d waoraben…

Dg ussgwas n 710 n tlalit, ysselmes Sareh mis n Mensur tageldant n Nkur tarrifect, umi udfen irifiyen di ijjed n Muhemmed.

di 1490 ttfen isbunya mritch u hwsen tt u teqqim ghar sen ar djexxu. di 1859 msaren imenghan n irifiyen ak isbbunya nigh amec itwassen imenghan n tittvawin, manaya s tagdelt amezruy unsvib i nzemmar ad naff dg idlisen n awank amarrakeci.

Maca deg umezruy yiriwen n Arrif din attvas n tmsesrayin war tettwassnent ca attvas amecnaw tageldit n temsamant… s minzi imazighen s umata war urin ca amezruy nsen s ufus nsen, maca urin xaf sen yennghni s minzi attvas n tidet truh, s uya ntaff attvas n inemzruyen sweddaren tidet u arnin d abarru ixarriqen xf Arrif nigh xf imazighen mahned ad awdven ghar ugmudv n min inna unemzruy agranzi Pubel.

Deg umegrd a ad nekk xf tfrekiwin i yekka arrif xf 122 issgusa zeg ussgwas 1889 ar 2011, zg umenghni n ibeqquyen ak Bucetta lbeghdadi ar umussu n 20 febrayer d raxart n smuds n irifiyen di iyuren yeodan.

Ad nbedd ghar kuy tferkwt ad as nwc min tzdvahedj, u deg imegrad nneghni oad ad nedwer ghar awank Arrifi nigh tamurt n temsamant bac ad nekkes tayyut d tadjest xf umezruy nnegh n Arrif .

Cwayt zeg umezruy yudvsen

Di rqan wis 19, tameqqant i yarrwen rmexzen d arrif ira teccur s imenghan d ukasan (Haines), u deg yeyyar a yeqqar ughemmis Afransis (l’observateur de moyen orient) deg uttvun n wass 21 Desamber 1958 «aqqa irifien zi rqan 17, nitni day sen taghennant, war qebbren ad xaf sen tiri ca n tenbadvt ghar tenni ifarnen s ifassen nsen, s minzi arrif rebda ira yedja ghar s azarug nes, s uya isseoda ict n tsekna tzzugart n imenghan ak rmexzen»

Amec yenna tanya anmzury d umarezzu Afransis August MOUIERRS deg udlis nes “amarrakec ur itwassnen” xf irifiyen manaya: “azvwar nsen zeg izvuran iqshen deg umadval, ijjen n uzvwar oemmars ma tugha t adu iwnfur, u itoin azvwar i yedjan wahdes deg umadval, i war xafs yeqqar umezruy ca n roib, igherf a amezyan, tugha ghar s azarug nes di marra tiwula, s uya arifi itxes ammur nnes ar weobadv»

Irifiyen itxsen tirelli d rmexzen iyxsen ad ihwes yejja rebda ad inni irifiyen jar asen d imenghan ujar zi tawala n uzedjid aoalawi smaoil, amec rebda rmexzen amec nnigh di temssizwarut itarra arrif ghar timura n ssiba u yerenni itragha asen s darija «msaxetv sidna», awar a i tugha ig itesra attvas dduktur arifi muhmed lbettviwi wami ira yedja d anecruf di ujda deg ussgwas n 1984.

Xmi i ghad yxecc assgwas n 1810 ad ysqad sriman asvultvan aoalawi ijjen lherka ghar serwan, ad day s isscmedv tudrin d redcur, u ad yacar ihnjaren bac ad ten isqeddec deg umsbudder ak ddaribat i ghad wcen irifiyen mahned ad arren tarwa nsen, tabridt taoeffant isqddec rmexzen d icwadv nes nettat s imant nes i ghad yegg xf ayt warigher d tqebbar id as inndven deg ussgwas ni beodva, minzi irifiyen xenni ugin ad wcen ddarviba i rmexzen hit dg ukud ni ira tzawa d razagh. di 1812 ad yeoqeb rmexzen ghar tnamit nnes tazaykut u ad yareddej redcur amen kmren deg ifarxanen, ayt cicar, serwan (2)

Jar 1813 d 1850 imbilryaliyen igrinziyen, ifransisen, isbunya … ad adfen rmexzen s ca n tira ufus, u da nita yedwer rmexzen ad itmezzagh xf taydji imhwsen xf iftasen n arrif (les plages de Rif) d teyzirin nnes u xminni txsen irifiyen ad wsqen asbanyu zi mritc d min ghar s yunudven, manawya itejja imbiryaliyen s twiza ak rmexzen ad teggen lherkat mgal irifiyen d igherf arifi amazigh, am tenni n ugharrbu agranzi «djanus» assgwas n 1851 xf iftasen n arrif d lherka n rqayed xf teqbict n ayt yeznasen ccix mimun xf takunfidiralect n iqeroien deg usgwass n 1852, ccix mimun yareni igga igharrbu ad hdvan mritc d igharruba nneghni it id asen zi tafriqt tabarcant ghar sen .

Rmexzen ira itraja mermi ma pwan d irifiyen x isbunya bac ad arren tamurt nsen d tasghart nsen id asen hwsen, ntaff itas d ak madrid mgal i wjdir, deg yeyyar a tugha din ictn n iherka beodva yegg it ccix mimun deg ussgwas n umenghni n tittvawin (1859) di tawala n unbadv n oedbarhman ben picam xf ayt cicar, deg ussgwass ni ad ttun amezruy nsen abarcan akid s carcen deg uraq n tittvawin deg had teddez Madrid azedjif i fas, maca deg wansa ma ad isnimmer rmexzen irifiyen xf twiza nsen akid s, ntaff ineqqreb d akids deg ussgwas n 1864, ad idveg (attaquer) xf lhusima, advag a ad idfar ijjen nneghni di 1871 di tawala n muhmed ben obed rrehman u ad yesslmes lhassan amezwaru attvas n ddiwanat, rebda bac ad yehdva irumiyen zi lbarud n ayt irifien.

Di 1889 ad yoqeb rmexzen mgal irifiyen umi ugin ad sbedden imenghiten nnsen ak sbanya, awarn as s kuzv n issgusa ad tekkar deg iqeroiyen adu thngart n Mimun n rmuxtar d oali arrubiyu umi ibnan isbunya ijjen lqecla tsajja xf umrabedv n sidi waryac, deg yeyyar a qqaren inmzruyen isbunya belli sidi waryac tughat d tazrut i xf arrzent turjatin nsen.

Rmexzen huma ad issigh fus n twiza irifiyen yuss d am rebda ak ughezdis n irumiyen, xelli imeggura ya id ibdvan amenghi ya, xf tigawt n sidi waryac teqqar tazrawct tarrifect izran a:

Umi id iffegh urumi / ibuo am rounsar

Ixarredv am roenzi / iseyyeh xf reoaroar (3)

Ar danita ad tsala tanfust n irifiyen ak sidi waryac umi irah umas n lhassan amezwaru ghar Matiyas amghar n mritc ad as issiwedv tabrat n uwadem n lhassan.

Xmi ineddakwar ghar usatal umezruy ad naff belli oabdel oziz netta yedjan d amasay amezwaru xf tinighi n ayt ibeqquyen, deg yeyyar ad nedwer ghar imentilen n tidet i yejjin obdel oziz ad isqad bucetta lbeghdadi hima ad isfedv ayt ubeqquy zi tmurt, umi ira ibeqquyen ttfen tasebbabt n yill u tugha teggen imenghan ak igharruba n fransa d sbanya icten zzay sent, carfen ibeqquyen incraf d irumiyen amec aghezdis nneghni ra d netta icref irifiyen, da ggin imsagaren huma ad arxun incraf zi sin ighezdisa, irifiyen tugha aqqa ayen di tkurmut n uzvru n nkur d tinjis, u d wa d tawetilt (condition) issarsen ibeqquyen, awarni i woebbez n fransa xf rmexzen isrillett irifiyen zi tinjis, wami tugha yugi ghar umezwaru, di 10 nwanbir 1897 (4) s uya mahned ad yarr aoeffar oabdel oziz i rmexzen yegga tinighni ya i ghar d nedwer di tafult it id asen.

Tinighi n bucetta d oabdel oaziz i ayt ibeqqueyn

Tizmilin

1-inskulbideya n wikibedya

2-muhmed lqjiri, mly muhned d umussu arrifi, utun n sep-2007

3-teskla tamazight jar tatlayt d tira d umxumber n ussughel, loumari, tafr : 67

4- leqjiri muhmed, mly muhned d umussu arrifi, uttun n sep – 2007

(Ad itwasdvfar deg uttvun i d iasen)

 

 

 

 

 

Copyright 2002 Tawiza. All rights reserved.