uïïun  178, 

sinyur 2962

  (Février  2012)

Amezwaru

 (Page d'accueil) 

Tamazight

manwn illan d aorab u manwn illan d amaziv di lmrruk?

asmmakn izwarn f twckint n tmdyazt lalla tafukt

Urar n Badi

Arrif di 122 n isggusa

Hkumet n ttiknukratvi

Tudart n uxeddam

Arridva

 

Français

Le "latifisme" et le "pjdisme...

Si mohamed Ruicha n'est plus

Le printemps amazigh a été kidnappé

Quelle voie nous conduit vers le succès?

Toponymes et anthroponymes amazighs

"Anaruz", roman en tamazight

Lettre de l'apmm et du cma à l'otan

العربية

من هو العربي ومن هو الأمازيغي بالمغرب؟

اللغة الأمازيغية وأسئلة ما بعد الدسترة

من أجل إلغاء الاحتفال بذكرى تقديم وثيقة المطالبة بالاستقلال

السنة الأمازيغية حدث ودلالات

بنكيران وأردوكان: اليمن كاليابان

الربيع العربي أم الربيع الديموقراطي؟

تصريح مريم الدمناتني

الساديسم السياسي وتكريس المازوشيسم لدى ساكنة الجبال

مغاربة فقط في السجلات والانتخابات

الأحلام الشاردة في نقد التركيبة الذهنية الطوباوية

القهر سيد الاتحاد

استطلاع للرأي أو صناعة الأحداث

فرقة إمنزا ن تيليلي

الكتابات السردية تفوز بجائزة تيرا

ندوة حول الأدب الأمازيغي الحديث

تيرا تنظم ملتقى ثقافيا وطنيا

كتاب إملائية اللغة الأمازيغية الموحدة

أغبالا تحتفل رأس السنة الأمازيغية الجديدية 2962

بيان الحركة الأمازيغية بموقع مكناس

 

 

 

 

urar n badi

yura t: mimun amsbrid

 

ikidaren nni taryen d akid ighzar, tmarran, ssahraten, tsudven s wanzaren. gdaren, zzugarten xf ikidaren nnegh. arbun isvennajen ccuren ur ssingh maynzi; ur xafsen bu igharynen: isvnnajen ttvfen x tbarda s imurar. manis d ttasen? mani gha yawdven? mayemmi tmarran? wi xafsen itazzren? tekkarn d zic, zzat i tyuri n tfuct, nigh awarni ughlluy n tfuct, di tbambast. ghar aggwaj tmwaran di oerbab tmuttuyen. ayt bab nsen d ihudriyen, d igurdiyyen, udmawn nsn arrin. ur tbeddin, ur ssiwiln. imri tafn ili ssdvwen ikidaren xf nyin d asdvwi; imri ufin ili ssiwdven mayn arbun ikidaren nsen. imli ufin ili ssarsen adran nsen. maymmi ur tggen am imkraz: nitni xmi d taryen zi tyart s tracciwin d txuncay n imendi xf ikidaren, ur tmarin, ur ssizziren ikidaren nsen, ur tn ticmn bac ad arnun di ticri….. imkraz abrid nsen ifra: zg wdrar, mani llant tizeddagh nsen, ghar tyart, mani tella tmurt n tyarza, di tuffut; zi tyart ghar wdrar, ghar tmddit. imkraz tkken aked wbrid, ur illi i kid ighzar, ssawaln jar asen s mayn gharsen n tizmmar, tizzvifen: nitni ur gharsen mayn gha ffaren. imndi nsen, arum nsen, ur ten uciren bac ad ten ffaren. innidven, ayt ticri akd ighzran, d ca itffaren!, d ca israkkwaren! isvennajen i arbun ikiddarn nsn, ucaren ten? i umi? mayn daysn g svennajen nni? ur illi d imendi, ur illi d irden, ur illi d arum? inni imqranen xmi xafsen ssawalen ttinin xafsen “ayt trabandu”. mayn ixs ad yini “trabandu”? ur telli ca d ttukkardva: maynzi imri d imakaren ili ur ten tjjin irgazen ad kken di tuddurt nnegh, ili tvfen tn, ili wtin tn, amn tggen xmi ca n umakar di ssuq: wnni ghad ikken yccat days. iwdan n tmurt nnegh ur tjjin tukkardva ad tyem jarasn: ayt trabandu ur llin d imakkaren!

amnni i qqimen ayt trabandu d ijn useqsi yuyer g wzellif nnes, ar ami d ijn wass zgw ussan n unebdu.

ass nni, ijjen zg ayt trabandu imsbdva x yaytmas, umi id iwdven adu taddart nnegh. yuri d akd tbridt, arami d yiwedv azaray n taddart. kkaren kids yitvan , ndven as tzun, xsen ad t ccen. isla baba i tzut nni, yffegh ad izvar wi dinni. yugha itvan:

-arbbi ad ioawen!

-arbbi amin!

-ssiwdegh d dduzan n badi nnec zi mritc.

issers akids baba ijn usennaj, iragha i badi nnegh, iffegh d, iswizzedv ghar bu trabandu s yict n tafart n tnoacin, yttvf it xafs, inya xf ukidar nns idvfar imddukal nns.

ca n sin n wussan zzat ad yas bu trabandu tugha yiwdv d badi nnegh: d wa d adwal nns amzwaru zgw ujemmadvin, am ttini yemma, zgw liman am ittini baba. iksi badi nnegh “baliza” (ammu is ittini) nnes, ndvfarit nccin d aythma d istma ghar uxxam. irzm it, yiri ibettva xafnegh arrudv: ta d taqmijjat i mimun, ta d tabhrurt i traytmas… umi isala bettvu n warrudv d timzzvidvin, tqqim di tisi n baliza ict n tgddut d tamllalt zi snnej, d ttazggwaghtt xf ighzdisn. iks it id badi s cway cway, issers it jar angh, irzm it:

-ad awm ggegh ijn utvbsi, ad tslm mayn ur tslim ommars!

inna negh badi umi tugha d itkkes ict n tcwiht d tabarcant zg ict n tqrabt tccur s ibztvimen n uqartun itissiq. issers atvbsi nni xf ict n tbadut tudar days ijn uyum gw ammas, xf ughezdis n mani d itas utbsvi ijn ughir d amzvyan, amaggaru nnes amacnaw azellif n ufighar, ghars ijn umzzugh itwaksi zzays. issers badi tazellift nni n ufighar xf tma n utbsvi nni abarcan, uca iri itvennedv xf uyum nni; aked unudv nni, nsla ict n tmijja tteffegh d zzays, ttini yas: ”ustvuwanat busifun…. ccixa rrimiti”. awarni wawarn a i ntsla i twara tamezwarut, tessenta tmijja s ughnnej n tmghart s ijn yirs war t nssin. nswedv aya d gw yad: mana uyad!? imri ur din tugha badi jarangh iqqim isfirnin, iskkwedv daynegh, tiri nedvwa s tigwdi.

ijn utbsvi, wennidvn , nssenta ntnam akd umdyaz ad i war gha illi bu wudem. tugha kkigh cwayt tamzgida, snegh ad pejjigh: farid al atvrac, um kaltum, ahmd loalami, sabah, najah salam, obd lhalim hafidv…

aneghmis n tmeghnujt id yiwi badi zeg ujemmadvin yeffegh zi taddart, yugha ddcar. ass n ssuq, ass di ur tirin iryazen di taddart, munent tmgharin d ttarbatin di taddart nnegh ad slent i macina nni i tghennajen. ass nni ur ghenjent, ur sriwrwent - ugnunt zzat i macina yad itggen kurci nnit. anbdu nni , kuy ass n tlata - ass n ssuq - tmunent xf tmeghnujt ad i ur sent yejjin min gha yinint. d ttidt awar nnes ur illi am wenni nsent, maca din ca ittini yasent belli aghennej nnes yif wenni nsent.

anebdu nni badi yegga tameghra. yennas i yemmas d istmas: inint i tmgharin d ttarbatin: kennint ur tghennjent ca. jjnt macina ad tghennej.

amenni nnit: ass n tmeghra iqqen badi macina nni ghar ijn rbuq am wenni n yinni iznuzan arpaj di ssuq n trata, yuyr it ghar thnact n wecfir, issigh it, tiri tghennaj, dcar mmara itsra: “lalla fatvima”, “ac ddak tmci lzzin u nta yâ rajl meskin”, “mustafa ya mustafa”…

tameghra n badi, d tameghra tamezwarut i di ur yssudv ccix mimun di temja nnes mwaccawen; i di ur inpim wadjun n ccix muhend; i di ur ttiwi mamma n mezyan x badi mmuh amqran, aryaz amghnan.

anbdu nni i dvfren wa d, msarawent macinat n ughennej.

timgharin zguttyent xf ughennej.

 

 

 

 

 

Copyright 2002 Tawiza. All rights reserved.