Numéro  43, 

(Novembre  2000)

Amezwaru

 (Page d'accueil) 

Tamazight

Ammak n ughunzu n yighmisen imughrabiyn i wsarag aghmsiw n tmazight

Tmzvi yttuzlan

Tanfust n Manku

Izran n wemsbrid

Ammu tudart

Tiseghnest

Zpir n wawarn nnem

 

Français

Apologie du terrorisme par les arabo-baatistes

Apulée: écrivain amazigh

Imouzagh et Amzaghique

Le silence infini des canards

Talessint et le virus d l'"arabêtisation"

 

العربية

النخبة المغربية تكفّر عن خطيئة انتمائها الأمازيغي

فلسفة الفساد بالمغرب

جميعكم وجميعنا

إمارة أيت يدر بسوس

محو الأمية ورش لأية غاية؟

من محن "إمديازن" في عهد الحماية

محمد بردوزي يكشف عن عدائه للأمازيغية

نعم صدقت ياعمر

من أجل إغناء بيان فاتح مارس

مقاطعة الجرائد الوطنية لندوة البيان الأمازيغي

 

Izran n wemsebrid

Yura ten Mimun Lmutawessitvi

I

Imara texsed ad ayi tafed, urzu xaf i mani war djigh.

***

Abrid d azeyrar, nec d aqudvadv.

***

Ticri war dji d awadv; aswizzedv war dji d udvuf.

***

Mani djigh? Mani war djigh!

***

Oemmars war cmizegh i yijjen mani yexs - ura i yixf inu.

***

Ca n yewdan tticced zzay sen tighit; maca udrusen.

***

Tudart d tarewra ghar zzat.

***

Ssarzafegh tudart s rmewt (amen ssarzafent timgharin azzvri s yinjan).

***

D tidett: imara war kid sen teshundarted ad ac inin: "cek d aghyur".

***

Tzedgh anegh tiggwda: irs nnegh yewdva!

***

Mermi mma xsegh ad adsegh, taggûjegh!

II

Ad zzvugh awaren… ad ten zzvugh deg wcar n tira. Ad ttvefen, ad ghemyen, ad sghiddwen, ad msvawaren, ad arwen… Awar ad yedwer d awaren, ad msebdvan x wurawen… Awaren ad d jjen awaren  am yîrd itejja d taydart, taydart ttejja d acewwaf, acewwaf itejja d tracca, tracca ttejja d taffa, taffa ttejja d iyyar, iyyar yetcûra tasraft, tasraft…

Awaren imara qqimen deg wmawar (dictionnaire), imara war zzay s d ffighen huma ad twazzvun deg wcar n yizran (d tenfusin d tqessisin d tefridvin…), mani gh ad wten izvewran, ad msvarawen, teggen amacnaw imendi yeqqimen di tsarfin nigh deg iqebbuzen attvas n iseggusa, war dt id yekkis bab nnes ad dt yezzvu di tmûrt n tyarza: imendi ya, akid wussan, itcer, yeddakkûr d ahemmum, zi ssenni yarecca yetmendvar. Amenni awaren yetghiman nedvren deg ûwaren: twattun, tweddvaran, tmettan, areccan.

Awaren teddaran deg ûwaren  war dji deg imawaren.

Awaren d andver n wawaren  war dji d tudart nsen.

Abrid n wawaren zeg imawaren ghar wurawen d izran  maca udrusen yinni i ten itarin.

Arit (écrivez) imara texsem ad qqimen wawaren n wem ddaren!

Arit imara texsem ad qqimen wurawen nwem ddaren!

Arit imara texsem ad teqqimem teddarem!

                            Février 200

 

 

Copyright 2002 Tawiza. All rights reserved.