Numéro  45, 

  (Janvier  2001)

Amezwaru

 (Page d'accueil) 

Tamazight

Asigger n uzqram

Marra texsen ad weddaren tmazight

Tabrat i ymazighen

Uccen d sva n ighaydn

Cem d nek

Ussan n tayri

Français

La guerre contre l'amazighité continue

Un voyage au Maroc

Entretien avec Ali Ikken

العربية

هل هي بداية لنهاية الأساطير؟

قطاع الطريق على الحقيقة

عندما نحس بالدونية

الأمازيغية وراء توقيف الشبيبة الاتحادية

الفنان الأمازيغي وثمن الاختيار

الجذور الأمازيغية للحضارة المتوسطية

العربية، العربية، دائما العربي

الحركة الأمازيغية والأصولية

المعاناة الأمازيغية: واقع وتاريخ

التجربة الشعرية عند شعراء تاويزا

 

 

 

Uccen d sva n ighayden

Y.Mazuz (Pulanda)

Tugha ict n tghatt d tawessart ghars sva(7) n ighayden. Tugha ttexs iten amcnaw marra tiwetmin nni i texsent tarwa nsent. Ami tugha tarezzu ad truh gher tizgi huma ad tarezzu matca, tragha d xef tarwa nnes u tenna sen :«a tarwa inu ioizzen necc ad ruhegh gher tizgi, ghar wem uccen aqa imara yudef d da marra ad kenniw yecc s tirmect de yexsan. Uccen itbeddar maca kenniw ad tessnem s tmijja nnes ijepden d idvaren nnes ibarkanen». Ighayden arrin xefs: «ayemmat negh ioizzen ruh di repna, neccin ad nehdva ixef nnegh». Sseni tesbaooa uca tuyûr gher tizgi.

War yekki attvas arami itwaysqarqeb xef tawwart u iragha d: «Arzvmet tawwart a tarwa inu ioizzen, necc d yemmat nwem iwyegh d marra min gh ad teccem».  «War narezzvem ca, minzi cek war tedjid d yemmat negh, nettat ghar s tmijja d tareqqaxt, cek tmija nnec tgharrves imejjen, cek d uccen!». Rexdenni iruh gher ict n thanut isgha  d   tamment.  Ami t yecca tedwer tmijja nnes  terghegh. Idwer gher ighayden isqarqeb u iragha: «Arezvmet tawwart a tarwa inu , yemmat wem tuss d tiwya wem min gh ad teccem». Maca uccen issars idvaren  nnes iberkanen xef tanebdat n tawwart, ami dt zvrinighayden raghan d: «War narezzvem ca tawwart, yemmat negh war gha rs idvaren d iberkanen am cek, cek d uccen amcum!». Xennit iruh uccen gher tinghrum (boulangerie) inna asen «Gget cwayt n warcti xef udvar inu minzi iyizzem». Ami ad as ggin arcti xef udvar iruh gher tsart n wehray (moulin) inna asen: «Suyset cwat n warn xef udvar inu. Bab n tasert yugi magher issen aqa uccen yarezzu ad yebser xef had. Inna as uccen: «mara war teggid min arezzugh ad tafed ad cek ccegh». Xennit bab n tasert iggêd uca issuys an xef udvar n wuccen ar ami idwer d acemlal. Wis krad(3) idwer uccen gher ighayden isqarqeb u iragha: «Imezvyanen inu ioizzen, arezvmet tawwart, iwyegh awem d marra min gh ad teccem zi tizgi». Arrin xefs ighayden: «mr anegh d advar nnec d amezwaru huma ad nessen aqa cem d yemmat negh s tiddet». Ruxa issars uccen advar nnes acemlal s wadday  tawwart. Ami tezvrin ighayden itghir asen d yemmat sen s tidett, uca arezvmen tawwart. Maca d uccen i d yudfen. Ighayden nceqdven, marra tazzren arezzun mani i gh ad nnuffaren. Ijjen innuffar

s wadday i ttabra, wis sin yudef di qama, wis kradv s wadday i qama, wis kuzv di tingmatc (cuisine), wis sva, wenni aneggaru yudef di tsenduqt n tasoat tameqrant yuyren gher rhidv. Waxxa amenni yufi ten uccen marra u yecc iten wa awarni wennedvni.  Mghar wenni amezvyan iYnejmen Ami yecca uccen arami ijjiwen, iruh imhedv di tiri uca yettves. Ami ttedwer  tghatt tawessart zi tizgi. Ax! min tezvra dipa? tawwart n taddart nnes tarzvem tegga aguccem. Marra min ghar s dinni iwdva marra yareddej. Tarzu xef tarwa nnes, maca mani i ten gh ad taf.Tragha xef sen  ijjen  ijjen awarni wennedvni maca ura d ijjen war xefs d yarri. Ami tragha isem n wenni amezvyan, tarr d xefs ict n tmijja d tareqqaxt: «ayemma ioizzen aqqa yi di tsenduqt n tseoat». Teks idt id yemma s ssenni uca ioawd as min igga uccen. Tghatt tawessart tefqiqqes xef tarwa nnes tadreq d amettva iwdva zzay s wezyen. Nettat d mmis amezvyan ffghen gher bara ami txecc gher raorasi tufa  dinni uccen izzver di tiri itsvudv issenpezza iqeccudven. Terhem ghar s texzzvar day s mlih, ca n tinat tnehmuz deg oeddis nnes. «Ax, ad yiri d tarwa inu i zi immucru oad ddaren». Tessek mmis gher taddart huma ad yawi timecradv, iseyni d ifiran. Xennit tcarreg aoeddis n wuccen amzviw, ffghen d ighayden nettvwen marra wa awarni wennedvni, qqimen amenni minzi uccen i tugha ingha razv isvard iten. Tugha d ijj n wass d ameqran, ighayden dewren d zi raxart. Ighayden dewren nettvwen u tmunen xef yemmat sen. «Ruxa azzret yarwettiw izvra huma ad neccûr aoedis nnes mahend ittves», tenna asen tghatt tawessart. S tazzra yarwen d ighayden attvas n yezvra, uca ccûren aoeddis n wuccen, ssenni txeydv idt tghatt. Gher uneggaru ikkar d uccen zeg idvesv, ibedd, ami izvra inni ghar s deg woeddis sfadven, iruh gher tara huma ad isu aman. Waxxa amenni uccen iddem yeggûr. Izvra ccaten aya-wya deg woeddis nnes u tenhmuzen. Isghuy «Min itenhamizen

deg woeddis inu? nec ghir ayi day s ighayden». Ami ixecc gher tara, yudar ad isu maca oanent izvra deg ûman uca ioarreq. Tghatt d tarwa nnes i tugha xezzvaren min imsaren usin d s tazzra ttvarf nnes u raghan «Uccen immut!, uccen immut!». Ggin ijj n wecdvah xef tma n tara, ssenni ruhen gher taddart nsen di repna. Ruxa ighayden ssnen aqa uccen itghima d uccen, s uyenni oemmars ad necemten ssa d tsawent.

Kkigh  ssa d ssa zvwigh ighezvran, uffent tisira inu. Cuqqegh timura, qqarsent tisira  inu yarwegh d marra tinfas n du,nect xef weorûr inu! Nnigh awem ict maca kenniw war day i teggim ura dyuya  n tsira!

 “Tanfust n wawmaten”, Grimm (Aliman)

Asughel zi tpulandect: Y. Mazuz (Pulanda)

 

Copyright 2002 Tawiza. All rights reserved.