Numéro  46, 

  (Février   2001)

Amezwaru

 (Page d'accueil) 

Tamazight

Mlmi d ghad twarrnt timura d "itwarrn"?

Tmzvi yttuzlan

Bu Jjanka

Bu tamja n Pamln

Iceddan

Iri cem inu

Tamara

Tamddit inu tzgar

Français

Almaghrib Alarabi, épithète ou qualificatif?

Particule de rapprochement "d" en tamazight

 

العربية

متى تسترجع الأراضي المسترجعة؟

ماسينيسا الأمازيغي في مشروع سينمائي عربي

خطاب الحركة الثقافية الأمازيغية

من أجل نضال أمازيغي متعدد الأبعاد

مقاربة أنتروبولوجية لنص شعري أمازيغي

 

 

 

Tanfust :

Bu Jjanka….

Yura t: Nuri Bawedra (Goulmima), Asifki i Najat

zerrey (passait)  nnil ughlay n tafayt, ayd ttinin meddenn imun ids unaghiz (odeur) n lghisem (alcool). Ar isdidi wzeglal uqmir (étroit) ibger tagwemma (maisons) n ighrem ddegh aqbur n walud. Zedghegh ighrem a. Zedghegh seg wer ssinegh matta wass. Seg mayd d luligh. Mayd issnen? 

Lyeyya dar i yeghrem, s ucku ssnegh is heyyigh awd nekkin ghur s. Da sawalegh f ighrem zun da sawalegh f taddart nnegh.

Bu Jjanka! Anegh a (ce nom) ugigh (refuser) ad sfallsegh (croire) is illa (exister, être). Nekin wer djin tannayegh xs ar fellas ttiselligh. G ighrem nnegh wer telli tghemsa yettyaran (la presse écrite);  ineghmisen tteddun seg imi (bouche) ar imejj (oreille): Da ttmutturent tayetcin (femmes) tadeggût (après midi) dar negh di taddart, sirsent izukan (fesses) nnsent iqburen, ccden asent yiffan (seins) imeslawen ar adis. Da tettint (entourer) i tasinit n watag d teswit  n weghrum wamams, ar sawalent, ar kkatent kra zeglent kra. Allen (yeux) nnsent d imawen nnsent amm tawukt iduyen (hibou effrayé). Da beddrent awd Bu Jjanka.

Medden (les gens) ar ghef s sawalen ar fellas ttinin: «Ad agh yarey rebbi! Yarey arraw nnegh!» (que dieu nous protège), «Ayaydi yaghen… azwar!», «Afghul (fou) ayd iga, yesmerrat (faire souffrir) mma ns. Ar ittnagh d unna yufa!», «Nnant am twetmin imiker ayd iga!», «Bu wcakuc d iselsa yebbin», «Apeddaw (clochard)!».

Ar ttemraragh iwaliwen ddegh ineghri d ighs inew ukan acckegh. Yan wass ggalegh (jurer) tteddugh ad mlalegh (rencontrer) Bu Jjanka ad iziregh.

Xsegh ad as inigh is da sawalen ghef wengaz midd kra n wakuc aqbur (dieu ancien) mad kra n uwaghzen (animal). Matta tmara ddegh taberkant (noir) negh d tawraght (jaune) negh wer ssinegh mi. Matta wmillus (diable) agi ghes sawalen ar as qqaren Bu Jjanka (l'homme à la bouteille d'alcool)?!

Yu (maman), tella g tadadrt. Mek wer i tessfelsem teddum addi tekkem. Xir awem ad as tinim pat nekkin akwem yuznen; s ucku qad i tasey s tubbiyt tellem i amezzugh tini yi: «Max da tessufughed asala (secret) n tgemmi?».

Ffqegh adjegh tsen da teggwey azekkif (préparer ma soupe). Mecta (combien) ayd ghur i yadfut ad qqimegh tama n Yu ig da ttegg azkkif. Maca (mais) azekkif nnegh wer deg s imzadven negh deg s tiffillut negh deg s taggwunt… Wapi (non) azekkif nnegh deg s tallfin (navets).

Da ttghimagh tama n yu ar dekkuregh (remplir) tiyenzar (narines) inew s wadu n tallfin ijjan; ar ittudida wafa 'feu) n tawalt g walemssi (foyer), Nnimirwahd! Negh Nnimiryan! Negh Nnimirijen!

Di tmurt negh tamazirt nna g zedghegh walu ghar negh isekwla (aseklu: arbre) n tassaft  (pin); dar negh ghas tiferxin (palmiers) d isekwla n uzemmur (olivier) d tazart  (figuier). Lqwba n tasaft da yagh di tteddun seg ijjyal. Da nettemmefka (s'échanger) nekkwni idsen tawalt (bois du pin) d tallfin d tisent (sel). Amzven seg ghar negh tiyni (dattes).

Lekmegh ar imi wezniq nna g izerrey Bu Jjanka, qqimegh di tattwekkwant ddaw talkiwet (fenêtre) n tgemmi n lmzilen, ar ttgannagh (attendre). Tafuyt tella ad teghley, qqimegh wapli, asaddi (lumière) ar ittedras (diminuer), allen inew ddant ad setghent (s'éclater) d wawadyan wer yezriy (personne qui passe).

Nekkin g wansa, pan xalti Hedda tezrey; tedda ad tger i tfunast (vache) ad tsew tger alim (paille) i weghyul. Tanney i tini yi: «Nker ad tekjmed, tillas dvrant, pan mma nek qa k ttnada!». Raregh as: «Waxx!». Teddu. Qqimegh ar ttgannagh.

Yezrey kra n wakud,  imun d d wezniq yan wadu amm yixxan, amm terfa, amm wadu n iraren (l'odeur des vomissements)… wer ssinegh mi. Ar tbezbiz tfekka (corps) inew. Grigh allen s azniq pan kra aghwezzaf yeqqen d akkw azniq. Beddigh ad rewlegh (fuir), drugh ayd gigh kabal… Cwiy ggalegh ttghimagh ad iziregh mayd imes. Kud d yettenmili (s'approcher) ssefraqegh ighf inew s dart mar ad inniyegh udem (visage) ns n illan g igenna (ciel).

Yumzv kra azeggûgh amm tirregt (braiseà g imi ns. Day id yiwedv nnigh as: «Bu Jjanka!!». Iqqim ibedda amm igejdi, yamezv kra n tissufra (sac à dos) s ufus ghef yighir (épaule) ns. Mayd deg s? Idd Jjanka? Maca, magh nekkin allig wer as ggwidegh (avoir peur)? Magh allig wer rwilegh? Magh allig ifesta? Is wer da ysawal? Is imeqqet awal?  Is da yettemsawadv (communiquer) s wadvu? Is zemregh ad kdugh (sentir) akzegh (comprendre)? werss!

Iseggêz d tafekka ns ar tama inew, isers (poser) tissufra s akal, ikkes d ayeddagh illan g imi ns yamzv t s ufus ns. Nekkin ddan id yixxan, magalent i wallen ar sinsigen (siffler) n imezvyan inew. Wer yelli g wezniq xs nekkin  ids. Nekkin d xakuc aqbur.

Inna yi:

 -          Timensiwin (bonsoir)

 -          Timensiwin.

Rurigh as s uburez (courageusement):

 -          Mad tteggad? (que fais-tu?)

 -          Da ttgannagh bu Jjanka!

 -          Nek ayd igan Bu Jjanka!

Bepdvegh, wer sfallsegh allen inew, nnigh as:

 -          Imani Jjanka?!

 -          Swigh t

 -          Teswid ts?! Imk tga?

 -          D tabuqalt (bouteille), tin wajjaj.

 -          Righ ats inniyegh, righ Jjanka…

Festigh ar digi yseksiw. Yukey is kejjregh (s'énerver). Issen is righ ad inigh kra. Maka ybedda, yessigel tissufra yger ayeddagh s imi ns, ikcem azniq ar itteddu, sseknigh ighf, irin imettvawen ad id ddun.

Iddun ar ittirir (chanter) ar itterrida (danser). Allig ghalegh is idda, imderred (se tourner). Yini yi:

 -          Ggann i asekka (demain) mek trid. Qad ak d awigh Jjanka.

 -          Ifest imun d ubrid allig ucckka. Nnigh inger i d ighf inew tanemmirt.

 -          Ummregh (être heureux) s ucku qad id yanney Jjanka ats dafegh (garder) gegh akkwed nekkin Bu Jjanka.

     Tizi n imnayen, yan wass  

 

Copyright 2002 Tawiza. All rights reserved.