Numéro  46, 

  (Février   2001)

Amezwaru

 (Page d'accueil) 

Tamazight

Mlmi d ghad twarrnt timura d "itwarrn"?

Tmzvi yttuzlan

Bu Jjanka

Bu tamja n Pamln

Iceddan

Iri cem inu

Tamara

Tamddit inu tzgar

Français

Almaghrib Alarabi, épithète ou qualificatif?

Particule de rapprochement "d" en tamazight

 

العربية

متى تسترجع الأراضي المسترجعة؟

ماسينيسا الأمازيغي في مشروع سينمائي عربي

خطاب الحركة الثقافية الأمازيغية

من أجل نضال أمازيغي متعدد الأبعاد

مقاربة أنتروبولوجية لنص شعري أمازيغي

 

 

 

Bu tamja n Pamlen 

 Yessughl it id zi tpulandect: Yusef Mazuz (Pulanda)

  Attvas zi mermi, tugha temsar ict n tedyant di temdint Talimant Pamlen. Oemmars manaya war yemsar di ddunect, s uyenni timgharin qqarent tanfust a i tarwa nsent imezvyanen.Tamdint n Pamlen tuss d xef tma n ighzvar umi qqaren Wezer. Ura d ijjen tugha war yedji d amzvludv, s uneggu,(au contraire!) tugha marra imezdagh n Pamlen d inesbughar (riches). Tugha ghar sen tudrin cnant, mgharent u ccûrent s weksum d waman n udvir. Tugha tardven  arrudv yecna  teggent s tcuqqet d  yirmawen n imuddaren.

Min gh ad yessitem utarres zi manaya d tsawent? Maca tudert a yecnan war teqqim. S tazzra usin d ussan n ukarfes d tamara.

Ami tugha marra iwdan tsven di dduri n tadvift yehman, ghughen d (attaquer) ighardvayen (lesrats) xef temdint n Pamlen. S igiman (par milliers), ssefyen deg ibriden d wazzayen n Pamlen. Zi rmejrawat udfen gher tudrin. War izemmar ad ten yesbedd ca n yijjen. Ighuyyan d driz nsen snekkaren d iwdvan zeg idvesv. S unecqedv d tigwdi xezzvaren gher ighardvayen iberkanen tempafan, temsazzaren di Druj taryen gher yixxamen. Marra tudrin ssarghent tifawin. Qa war dinni min kkin arami snen aqa ict n tazemmart tettvaf tamdint nsen.

S ikeccuden d ihettawen ccaten day sen. Tugha d ict n tawaghit (catastrophe) temghar! War zemmaren ad xef sen qdvan. Marra min ufin ighardvayen zzat sen ccin t, sardven t. S uyenni dewren iwdvan temghujjuten s tifeqqao n ighardvayen. Marra matca i tugha xemren di thuna d tingarin sardven tet arami war yeqqim ura d ijj n uremmuz di Pamlen.

D ta d twara tamezwarut i yettvef razv imezdagh n   Pamlen s wass tfuct teqqes. Ruxa ggwden ad ten yettvef bupeyyuf. War ufin min i gh ad ggen huma ad mmenghen aked ighardvayen. Iwdan ssawaren aked wayawya. Xarrsven mammec i gh ad ggen huma ad snufsren axarwidv n ighardvayen. S uyenni ksen awar huma ad ruhen gher uselway (président, maire) n Pamlen. Maca war yugi ad yeffegh gher sen. Yeqqim itarjijji zeg idvaren ar azellif. War yufi min i gh ad yini ura min gh ad yegg i mezdagh.Deg ûzzay ameqran n Pamlen bedden iwdan marra yidsen, s umezvyan d umeqrans, iwetmen d tiwetmin, sghuyyun, trun, traghan, maca ura d ijjen ad yarr xef sen. Deg ict n ticti, marra iwdan sqaren, xezzvaren gher ijj n waryaz d amuggaz (étranger) yeggûr nican gher tselwit (présidence, mairie)  n Pamlen. Tugha dt d azirar  u d mudrus, yardv ij n ukebbudv d azirar s waghrawen iriwen. Ami ixecc gher uselway n Pamlen, yenna s: «mara texsed ad weddvaren ighardvayen zi Pamlen ixessv ad ayi tewced 1000 imarkiyyen». Yenna s uselway: «ad ak wcegh marra min tarezzud mara tecscid xef negh ighardvayen a» Ammu iksen deg ûwar. Aryaz a iffegh gher barra u yeddem itsvudv di tamja. Zi tighemriwin, tudrin d ifran teffghen d ighardvayen am tmûrghi. U bu tamja yeggûr d nitni ddvffaren azawan (musique) n tamja. Kkin deg briden, zvwan azzayen, ffghen zi tewwart tameqrant n Pamlen arami xeccen gher ighzvar n Wezer. Da, isbedd bu tamja war  yeccat di tamja nnes. Axmi ten yettvef wassam, nttvwen ighardvayen deg ûman arami gharqen marra yidsen. Imezdagh n Pamlen tugha zvrin marra min yemsaren. S tumart, bedden ccaten ddveffaren bu tamja ami icti deg idvaren nnes gher uselway  n Pamlen huma ad yisi tinoacin nnes.

«Arzu manis gh ad tekked!, isghuyy d uselway, tugha teccated tamja wapa, war tettûrsed walu, ighardvayen weddvaren oemmars ad d dewren, pa,pa,pa!»

Rexdinni bu tamja war yarni attvas deg ûwar. Ikkes d tamja nnes u iddem iccat day s s wur d yexsan. Zi kuy tighemriwin usin d ihenjeren imezvyanen, ccaten, nettvwen, tghennajen, ccaten tacaraft deg ifassen sen. Tugha war ssinen min teggen minzi azawan n tamja iwya sen adji sen. Bu tamja iffegh zi tawwart tameqrant n Pamlen, imezvyanen ddvaffaren t. Iwdvan xezzvaren, qqimen tbepdven. Traghan i tarwa nsen maca yina war tesrin, war ucin aked ixef nsen min imsaren. Bu tabja n Pamlen yarra azellif nnes gher wedrar. Iwdan tghir asen ad d dewren minzi ssenni d tsawent war dinni mani gh ad yarnin. Maca ami ixeccen gher ict n tawrirt, tarzvem ict n tewwart, yudef bu tamja, s tumart udfen imezvyanen akid s. S tazzra teqqen tewwart nni u oemmars war

yeffighd ssenni ura d ijjen: tugha t d tadyant d tameqrant deg umezruy n Pamlen!. Yqqim ij n uhenjir d amezvyan yeyyura xef sen attvas minzi netta d azehhaf yeggûr xef tiguba. Idwerd gher Pamlen u yoawd asen marra min imsaren. Aselway n Pamlen i yugin ad yewc tinoacin i bu tamja tengh it tayarzawt, u yarezzu ad yewc marra ûrgh n Pamlen huma ad yarr imezvyanen i ruhen weddaren. Maca manaya oemmars ad yiri. Atagh bu amja d imezvyanen n Pamlen ufin ict n tammûrt nnedvni mani iwdan nnes tettvfen degûwar nesen.

Kkighd ssa d ssa, zwwigh ighzvar n Wezer, uffent tisira ynu! Uyûregh deg ibridven d wazzayen n Pamlen, qqarsent tisira ynu! Yarwegh d ssenni tinfas. Nnigha wem ict maca kenniw war d ayi teggim ura d tyuya ntsira!

Tanfust a d talimant. Asughel zi tpulandect: Y. Mazuz (Pulanda)

 

Copyright 2002 Tawiza. All rights reserved.