Numéro  47, 

  (Mars  2001)

Amezwaru

 (Page d'accueil) 

Tamazight

Is tamazight d amughl d idls aghlnaw?

aseggûs amaynu 2951

Tghatt n mass sugan

Tirelli

Tudert i tmazight

Udem amxib

Ur illi umllal

Français

Sur l'institution et la destruction de Tamazight

La famille des mots "ass" et "idv'

العربية

هل صحيح أن الأمازيغية رافد من روافد الثقافة الوطنية؟

المفارقات القاتلة لمحمد زيان

عبد الرحان عمرو وعوربة الحقوق

عبد الرحان عمرو وجنون الأمازيغوفوبيا

كيف نميز الاسم المؤنث عن الاسم المصغر في الأمازيغية

غلاة القومانية يحاصرون الأمازيغية في المحافل الدولية

اتهام عامل الناظور بإحياء الظهير البربري لأنه يتكلم بالأمازيغية

حوار مع أمدياز موحى العقاري

الحركة الأمازيغية وإشكالية الحزب السياسي

الأمازيغية والحزب السياسي

الحركة الوطنية في الميزان

حزب التقدم والاشتراكية والموقف من الأمازيغية

رسالة غيور

حوار مع الفنانة تاباعمرانت

 

 

 

 

Tamessizwarut:

Is tmazight d amughl n idles aghelnaw?

Yura t : Muhemmed Budpan

Mgentegh (assister) i yict n tawuri tadelsant tedds (organiser) ict n tmesmunt d taslamawit di Nnadvûr. Deg wfital (La salle) tugha din ict n tcenyalt (banderole) urin x af s s usekkil yegdvar u d imeghmi (en couleur): «Tmazight d ijj n umughl (affluent) n idles aghelnaw».

Asaghed (objectif) inu maci d azghan (critique) n waddad (position) n islamawiyen arendad (vis-à-vis) i tmazight, acku arendad a, waxxa yetwassen s wakkadv (animosité) nnes mgal (contre) i tmazight, itiff (être meilleur que..) zeg ûttvas wenni n ikabaren ighelnawen war itidaren qao tmazight di tiwuriwin nsen ura di ticenyalin nsen.

Righ ad seldvegh (ad sfesyegh = analyser) u ad sgedlegh (discuter) tawinest (phrase) a - tmazight d ijj n umughl n idles aghelnaw - i ydewren d ijj n  ugejdi (axiome) i war itasren (avoir besoin) bu wenzva (preuve) ura afakul (argument). Yetteffu d wenni italsen (répéter) i wawal a, zeg islamawiyen d yennidven, itghir as is yefka  i tmazight min ttettar n usikez d  usughel n wesmuqqel (réhabilitation). Dix, tawinest a tedwer tenyuddu (être répandu) u ttetwalsan (répétée, rabâchée) x irsawen, waxxa s wawaren d imezvliyen (différents) am: «Tmazight d ijj n uferdvis n idles amughrabi»; «Tmazight d ict n tafult (partie) i ytadfen deg wssili (constitution) n idles amughrabi»…

Is tmazight s tidett d amughl n idles amughrabi nigh d ijj n umessili zeg imessilyen (constituants) n idles amughrabi?

“Amughl” ttinin t i teghzvart tamzvyant, i ytazzren alidv (toujours) nigh zi tikkelt ghar tennedvnit, u yteffyen (qui jette, dont l'embouchure...) deg ijj n yeghzvar d axatar yeccûr alidv zeg ûman. Imughlen tasen d zi barra i tara manis d iteffegh ighzvar ameqran di teffyen imughlen. Ineggur ya zemmaren ad irin attvas, ugguten (être nombreux), ad azghen, ad weddvaren u ad d umanen (paraître) yennedvni deg ûnsa nsen (à leurs places), guncek  wettvu n wenzvar (selon, suivant les chutes de la pluie). Maca uzuf (l'embouchure) n imughlen a itiri alidv d ijjen, d ighzvar d ameqran war itezegh war iteqqur (sécher = être sans eau). Min yellan, deg idles nnegh aghelnaw, d amughl u d aferdvis d amezvyan u d ameskil (qui change, variable)? U min yellan day s d amelkan (une constante) d adelsan u d anettiw (identitaire, tanettit = identité) i di teffyen qao imughlen d imeskilen idelsanen nnidven? U wi yellan d imughlen u d imeskilen idelsanen i d itumanen u tweddvaran (paraître et disparaître)? U wi yellan d aghbalu ameghlal (source éternelle) i yidles d tnettit n tmazight?  Wi yellan d imughlen d itasen zi raggûj u war d teffghen zi tara tamedriwt (originelle) n idles amughrabi?

Imara nessen is tammûrt n tamazgha kkint x af s, zi kradv n igiman (depuis trois millénaires), attvas n tighermiwin d tutlayin d idelsan d ijjaden (religions), usin d zeg wgmudv (orient) d utaram (occident), am ibuniqiyen, ifiniqiyen, ilatinyen, udayen, irumiyen, aoraben, lislam, ifransisen, isebbunya…imara nessen qao manaya u negg idt di twengimt, ad x af negh yenper (être facile) ad nessen u ad nermes (percevoir, être conscient)  is d ijj n wagul (erreur) d axatar ad nini nigh ad nari is tmazight d ijj n umughl n idles amughrabi. Acku idles aghelnaw amdad (véritable) - wenni d ighemyen di tmazirt a u war d yelli d imughlen idelsanen  i d yusin zi tmura nnidven - d  idles amazigh.

D tidett, idles a amzigh yebgher (s'enrichir) zeg imughlen idelsanen usin d zeg wegmudv d wataram asel ma (sans que..) ad as yekkes uyenni ca zi tumast (essence, caractéristique) nnes tamazight i dt izvellyen (distinguer, différencier) x idelsan nnedvni n umadval. Dix, awal amezzvul (logique) u amdeddet (correct, juste) maci «Tmazight d ijj n umughl n idles aghelnaw», d: «Idles aorab, afranssis, asvebbanyu, afiniqi, alatini, arumi, uday, ameslem, d imughlen n idles aghelnaw amdad yellan  d tmazight».

Awal a -  tmazight d ijj n umughle n idles aghelnaw - yugel (erroné) zi tisi nnes, yessumlullay (inverser) tidett acku itegg zi min yellan d ameskil amelkan, zi min yellan d tafult (partie) aghrud (tout), zi min yellan d ameghlul min yettuzimzen (provisoire, passager), huma ad issedrus zeg ûzzzal d tuxxetra n tmazight i ytarra d ijj n uferdvis wapa n idles amazigh. Allas (répétition) n wawal a itarra dt ghar uneggar d ijj n ugejdi war dt ntesgeldi (discuter) war dt neskasa (débattre). Ghar taggara tirin addaden  anegh arendad i tmazight twaskan (être construit, être édifié) x iserkisen (mensonges) , x wartidett (non vérité = war + tidette) i d  anegh itejjan nxezzvar ghar tmazight am ijj n uferdvis wapa war ghar s bu ca n tixxutra.

 

 

 

Copyright 2002 Tawiza. All rights reserved.