Numéro  47, 

  (Mars  2001)

Amezwaru

 (Page d'accueil) 

Tamazight

Is tamazight d amughl d idls aghlnaw?

aseggūs amaynu 2951

Tghatt n mass sugan

Tirelli

Tudert i tmazight

Udem amxib

Ur illi umllal

Franēais

Sur l'institution et la destruction de Tamazight

La famille des mots "ass" et "idv'

العربية

هل صحيح أن الأمازيغية رافد من روافد الثقافة الوطنية؟

المفارقات القاتلة لمحمد زيان

عبد الرحان عمرو وعوربة الحقوق

عبد الرحان عمرو وجنون الأمازيغوفوبيا

كيف نميز الاسم المؤنث عن الاسم المصغر في الأمازيغية

غلاة القومانية يحاصرون الأمازيغية في المحافل الدولية

اتهام عامل الناظور بإحياء الظهير البربري لأنه يتكلم بالأمازيغية

حوار مع أمدياز موحى العقاري

الحركة الأمازيغية وإشكالية الحزب السياسي

الأمازيغية والحزب السياسي

الحركة الوطنية في الميزان

حزب التقدم والاشتراكية والموقف من الأمازيغية

رسالة غيور

حوار مع الفنانة تاباعمرانت

 

 

 

 

Aseggūs amaynu 2951

Yura t: muhemmed Ceqrun (Arrbatv)

  Attvas n imazighen war ssinen aseggūs amazigh. Wen x af s iteslan di twara tamezwarut, yesrusa attvas n iseqsan: umi qqaren aszggūs amazigh? Man s i d yusa? Melmi yessenta? Wi dt yeggin?…atg (ar taggara).

Aseggūs amazigh ula d netta zeg iseggusa yedjan deg wmadval amecnaw aseggūs n irumiyen, d useggūs n imselmen. Ghar wadaf n useggūs amazigh, teggen imazighen urar ula d nitni am marra waydud n umadval. Maca itxessva anegh ad nessen qa yedja ura d ijj n useggūs qqaren as aseggūs amazigh. Netta d ijj n useggūs itajar iseggūs aya i nessen di tudart nnegh.  Netta d amenzu di tlalit nnes xef inni nessen.

Attvas zeg ūmi yedja: umi kkaren imazighen d ugellid nsen “Cacanq” uyūren ghar Mizvra mani ggin ijj n umenghi d ameqran aked Faroawn, ffghen zzay s s yiri nsen d azirar. Uca ggin ijj n wurar d ameqran yekka kradv n wussn. U neccin ntegg zzay s urar i yetwassnen s “umensi n yennayer”. U zeg ūss nni ssentan iamzighen feqqden iseggusa nsen amec yetwassen useggūs a di tmūrt nnegh s useggūs n tyarza. U manya ytejja negh ad nessen aqa imazighen nitni d imezwura deg ūttvas n tghawsiwin n wesyiddi n tudart d weydud.

U s wadaf n useggūs ssitimegh aseggūs d amimun d ameggaz i weghmis n Tawiza umi nessitim tudart d tazirart ghar dat. Mamec ssitimegh aseggūs d amimun i marra inni ytarin di Tawiza d imesghura nnes u d marra aydud amazigh n Tamazgha mani mma yedja d yinni yisin amnus n Tmazight. Nessitim ad yili ijj n useggūs i di gh ad taf Tmazight tasghart i xef terezzu attvas zeg ūmi. U asitem ameqran ad tili ict n tmunit n tidett n imazighen aked aya-wya deg iyyar n umussu adelsan amzigh u ad tili tghuri s tmazight u ad tili ula d nettat d ict n tutlayt n tussna di tmūrt tamughrabect u ad t ssidfen gher ugherbaz, u marra iyran nnidven. Ssitimegh zeg imazighen i war yarettvin s tmazight ad xef sen kksen afary yedjan xef tittvawin.

I wawal amzigh, tettaregh ad yili deg idammen n umazigh d tmazighin, akid s bedden(t) huma ad dt jjen(t) izeddgh di tmūrt nnes.

Copyright 2002 Tawiza. All rights reserved.