Numéro  47, 

  (Mars  2001)

Amezwaru

 (Page d'accueil) 

Tamazight

Is tamazight d amughl d idls aghlnaw?

aseggûs amaynu 2951

Tghatt n mass sugan

Tirelli

Tudert i tmazight

Udem amxib

Ur illi umllal

Français

Sur l'institution et la destruction de Tamazight

La famille des mots "ass" et "idv'

العربية

هل صحيح أن الأمازيغية رافد من روافد الثقافة الوطنية؟

المفارقات القاتلة لمحمد زيان

عبد الرحان عمرو وعوربة الحقوق

عبد الرحان عمرو وجنون الأمازيغوفوبيا

كيف نميز الاسم المؤنث عن الاسم المصغر في الأمازيغية

غلاة القومانية يحاصرون الأمازيغية في المحافل الدولية

اتهام عامل الناظور بإحياء الظهير البربري لأنه يتكلم بالأمازيغية

حوار مع أمدياز موحى العقاري

الحركة الأمازيغية وإشكالية الحزب السياسي

الأمازيغية والحزب السياسي

الحركة الوطنية في الميزان

حزب التقدم والاشتراكية والموقف من الأمازيغية

رسالة غيور

حوار مع الفنانة تاباعمرانت

 

 

 

 

Tanfust :

UDEM AMXIB (le visage maudit)

Yura t: Zegi Lhussayn (Tindad)

I ABDA.K

 

Ur ssingh mani g am zegguregh i wawal ula mani g as ttegrugh, mcekjamen ineghmisen g ighf inw amecnaw tacamma n ifilan isrin... Maka adj iyi ad zwurgh seg tgira i wawal. Tafuyt tbedda ghef uzilal (horizon), tewragh , ar tghelley deffer n udrar axatar ttwalagh dati. Isignew ilsa initen (couleures) n teslit n unzvar ghef inbed uzeggûgh, aghen igenna, ftattsen amm yiman inw.... Beddigh g ir n ubrid , ar trajagh amesnay (car) isselkamen gher Meknas, ar awed ggaregh  afus i kameyyuten ittenherwilen ghef ubrid amm  icebbweghlalen (escargot) iwessaren...  Swangmegh:

"Tafuyt teghli, ur tgulugh Meknas ar  abbagh (l'abime) n yid". Uznegh afus gher tkeccit (la poche) nnigh digh: "Ghur i tisura n taddart ...".  Akud  g gulagh ig netta... Ghas merday ufigh ad ffeqqegh  seg temdint ddegh tamxibt...”

Beddigh amm uqbu, afus yugel g yigenna:

-Meknas?

-Uhu!

-Abrid n lman!

Sawlent tin yitvs , salegh beddegh, adrar azegzaw  ingal (idwer) d aberkan, asidd n tirsal ar itsadda i webrid d i yeswingimen inw iduyen. Mhuzen iseqsiten g uzellif inw amhuz n igdan ghef  uwaghzen (animal) immuten...  Beddigh, afegh tahuski (beauté) g useksew n imsebriden  d inejda izdin tawada, ghiwlen (serban) ad rulen i  weqraf asen itsaran g ighsan... qqimegh ar ten snighisegh.. Ghalegh is ssnegh, ghalen is  bbuhlegh, is iyi afrawen itbiren..

Abrid tura yura, amesnay iqqiman, aqraf da ytcerrag tilaw t(existence) inw, taghufi tekrez digi ifs nnes  igdi... Afus yugel g igenna... G tzumi (solitude) inw tluladed digi, ar nebbren yiman  nnem winw, ar tteddun idammen nnem g izvuran inw...

Ur ssingh mani g id teffeghed amm tmillust n wakud  aqbur, ur ssinegh mimk gan iktayen  (souvenirs) nnem alliged aghen dati amm igdan n ibudraren (nomades)... Ur ssinegh is dd nek akem id isskeflen (créer) seg yighed nnem, midd tellid g tidet!

Nnigh am:

-Tessend iyi? Mani g inn tessend? Melmi ayed  nemlala? Man adghar? Addition iyi g talwit akem yadj bab n tezmert...

Ur iyi tsawled tegred afus i wkameyyu amezwaru d ikkan abrid...

-Timensiwin!

-Meknas?

-Meknas!

-Aley....

Adida (bruit) n umutur iwhel, irwas iskuhhan n uwessar  mi yseddegdeg garru idmaren... Ukigh d temdint ur iyi tri, ur tri ad digs qqimegh  acku tellid akidid i wkameyyu ar inebber abrid gher Meknas...

Seg wass g nemlala ur righ ad kem ttugh, ukigh ammi nga  yiwen, ammi nemyassan seg urta nlula. Axes ur idd  ijjen udis ag negma? izmer! Max allig d am sawalegh ghef wass g nemlala? G nemyafa? Max ur fellasen tecfid (toeqqaled)? midd ghas trid ad am alsegh i tmacahut iwakken ad amd iddu wnuddem... Ad tegned, muydegh nek nnig ighef nnem, ar gemmregh tiwirga nem... Mayed temsed? Anida tamurt nnem? Dacu texsed digi? Addition iyi!....

Awal ur tsawled, allen nnem uhlent, ul nnem izdi amneqqer, irwas titi n umedyaz ghef wallun....  Isul....

 

Lhoussain ZerguiTinejdad.

Copyright 2002 Tawiza. All rights reserved.