Numéro  48, 

  (Avril  2001)

Amezwaru

 (Page d'accueil) 

Tamazight

Tawiza tsala asggûs wis kuzv

Is Lyutvi yeddar alidv gi Lmughrib?

Udem amxib

Andver n yimma

Azvri n tittvawin nnem

Mammec as...?

May d righ

Tmazight n ku yan

Tafuyet

Tasumki

Français

Tamazight, mode d'être ou la question de l'authenticité

Andalous, mon désir marocain

Le manifeste amazigh: bilan et perspectives

Parution du livre "Le maure errant"

Débat sur l'orthographe amazighe

العربية

تاويزا تنهي عامها الرابع

الذكرى الرابعة لتأسيس تاويزا

التاريخ المغربي من خلال الكتاب المدرسي

أسماء الأماكن الواردة في كتاب إمارة بني صالح

الذكرى الأولى للبيان الأمازيغي

عودة إلى ذكرى 2 اكتوبر 1955

من شعر أيت بويمّاز بوادي دادس

من شعر المقاومة الأمازيغي

حوار مع الفنان محمد رويشة

تحريف الأسماء الأمازيغية

حوار مع الفنانة تيزيري

من أسرار تيفيناغ

 

 

 

 

Tanfust

ANDER N YIMAN

Tura t: Mayssa Racida

 

            Tandetc teghza, fardven tet, ssuydan tet, ssarsen as x ughezdis ssedjah d waman d oûrric n ucar. Tuss d nettat tufa tandetc nnes, tbedd as x ubadu txezzvar deg ixf nnes di tisi n tendetc temhedv, tuca ak imettvan unndven as d manis mma, x yeffus, x zvermedv, awarn as, zzat s, tuca ak tmûrt tedvsva (rire)  s yict n tummart tudjegh. Tghaca t  tayri yennufesren deg wemsagar. Tilullucin arxunt i tmajjut (senteur) axmi d ussan n tefsut.  Ijdvadv tghennajen reghnuj nsen yecnan. Marra min d as d yundven d raggûj d radas itecna, iyarredv azvri. Tuca aked  tazvyudvi n tudart, aked  wehsin nnes yeddarrao as aked  ighadjen nnes arezvmen swizvdven d ghar s, tuca aked tiri n tirawt (réalité) d useynu n tiddet d tayyut n tayri ssfayen startaren day s temfeyyadven xaf s. Tessulef (dessiner) ict n tadvsva x wudem nnes, udem nni i xaf seyhen wazghat d farwazghat,  udem nni umi sserden ifassen n zman a iharcawen. Tessemghar tadvsva nnes, tarni tedvsva tewseq d day s ca n tkemmicin n isseggussa d ibarcanen tarra deg ûraq nsen yennedvni d icemraren, tessufegh d day s ioûrrac n iseghwan mxumbren mxarwadven iceddan day sen, tezregh d akid s tizemmujin n wussan tca tettu ten tawessant  war d asen teggi tittvant (non pris en compte)

weddvaren as jar ubarru nni yweddvaren da d dipa, tadvsva nni yuc it id ij n wur irettex s tummart ineddep tudart itgewwad it s ifiran n waregh yehnundven di tmexsa deg wbrid isseghden iwatva.

Teswizzedv ghar ssedjah tessars idt x tendetc teddar it tnettiyi t amen txezzvar deg ixf nnes zzat s x ucar, tsettaf ssedjah nni teqqar:

-" Mayemmi? mayemmi? " Tedvsva tarni d:

-" Pa pa pa pa pa! i mara teddared anict i teddared yeodu d wanict gha d teddared oad tessufded tudart n buhber x henna m d tudart n buhber x wayyaw nnem, aseqsi yetghima d aseqsi, yetmuttuy d aseqsi, ytembeddar d aseqsi! zman nnem yemmurdvesv jar ifassen n zman a, taycit nnem tareqqaght iherwi t yidva yaharcaw, abrid n isvuraf nnem yujur iten tmarri d wapnaci, terja ghar m x uraji n tmeddit yuss d uzir iharwec zzay sent azal (valeur), ixarrisven i cem izzugharen ghar zzat ssedren war d fruryen, ggin ixamriwen tarsa xaf sen toejjajt deg wxxam nni i cem izedghen."

Tsettaf ssedjah ijjen x aghezdis n yijj, mermi mma tessars icten tesrira t s rxezvrat tessawar akid s tenna s:

-"Tudart a d ict n tebrat zeg wfus ghar ufus tmuttuy, ijj n ufus yegdvar, ijje n yezded, ijje n ghar s smus (5) n idvewdvan, ijjen war ghar s ca, tabrat a d adrar x weorûr mkur ijjen yecsi t war t yesrusi oemmars, wenni yzemmaren i webrid itawedv ghar uneggar, wenni war izemmaren yetghima d aneodvub, i mara yabrid a d tsawent x tennedvni, unudv x wennedvni, azray x wennedvni, mammec ggin isvuraf itxessvan abrid a yazirar mammec ggint tzemmar gha d inedpen abrid a yessahharen, abrid a d ict n tmeddit n tadjest tiriw tezzuggart timmar n tfawt   

 tmûrudent day s mermi mma iwdvent arennint ghar zzat tettent akudv teffzvent, twara teghzvazven t, twara ssergadven t, mani mma swizzvidvent deg ûddar nni abarcan tweddvarent, yudrus mani tafent ixfawen nsent. Maca iri weddvarent. Tara nni n tmexsa deg ur nnem i d itfeyyadven s taycit n ulellec d tayri itriqriqen, swin zzay s ireghman, swin zzay s iwdan, swin zzay s wussan, jjin day s razagh d fad I yesghemyen Buydunan itejju iteqqes iccat s usennan, jjin day s tayarzawt (regret) d wayhat (tristesse) tmughzvuren deg wndrar n weshissef teggen twara x usarwet day s".

Tessars ssedjah aneggaru, tedra tandetc nni qao s ssedjah tbeqdvi t s tcûrt, tarezzu x tizza day s thennac itent teddeqqas amen teqqar:

"Mkur amsagar yedvfar idt wemsebdvi amen mkur asenti yedvfar idt uneggaru, mkur temzvi tmeqqar i tewsar, ruxa necc d cem ntemsafadv mahend necc ad dvfaregh aneggar ad as mgharegh i tewsar, cem darreo i wcar ad cem issaghri uweddvar.......

MAYSSA RACIDA, 12--2--2000

Copyright 2002 Tawiza. All rights reserved.