Numéro  48, 

  (Avril  2001)

Amezwaru

 (Page d'accueil) 

Tamazight

Tawiza tsala asggûs wis kuzv

Is Lyutvi yeddar alidv gi Lmughrib?

Udem amxib

Andver n yimma

Azvri n tittvawin nnem

Mammec as...?

May d righ

Tmazight n ku yan

Tafuyet

Tasumki

Français

Tamazight, mode d'être ou la question de l'authenticité

Andalous, mon désir marocain

Le manifeste amazigh: bilan et perspectives

Parution du livre "Le maure errant"

Débat sur l'orthographe amazighe

العربية

تاويزا تنهي عامها الرابع

الذكرى الرابعة لتأسيس تاويزا

التاريخ المغربي من خلال الكتاب المدرسي

أسماء الأماكن الواردة في كتاب إمارة بني صالح

الذكرى الأولى للبيان الأمازيغي

عودة إلى ذكرى 2 اكتوبر 1955

من شعر أيت بويمّاز بوادي دادس

من شعر المقاومة الأمازيغي

حوار مع الفنان محمد رويشة

تحريف الأسماء الأمازيغية

حوار مع الفنانة تيزيري

من أسرار تيفيناغ

 

 

 

 

Tanfust: 

UDEM AMXIB (tanfurt wis sin = 2ème partie)

Yura t: lhoussain ZERGUI (Tinejdad)

 

Is nezmer ad nmun i wabda?

-Swangmegh kigan g wawal agi i tennid! Isul da yettagh amm uqejmur (asghar) g twengimt inw, issregh tafekka new iqerfen.Tayri nnem txater, tuker anuddem seg wallen inw... Cfigh (je me rappelle) ghef wawal am nnigh ass nnagh: «Nek d abudrar (nomade) issadmen tilelli!»

Tennid iyi:

-Tecfid ghef wussan g nteccef g wasif n ighrem n Talat min (sans) iselsa (vêtements), ar netturar g waman amm infalen... ar ntelmad isekkilen imezwura n tudert? Zrin wussan, ddan tyattun!

-Tengha yi tghufi n wussan n temzvi, tenghi awed tghufi n ighrem n Talat s tebridatin nnes inyaman (etroites) d tadderwin nnes tiwessarin idvufen (qui gardent) iktayen n wattvas g tsutiwin (generations), idurar nnes izentaren (imeqranen), asif nnes g ttemneqqaren waman, tizegzut... Timeghriw...

-Advu n umezruy g iberdan, timucupa n imenghan n Ayt

Yafelman d Ayt Otta mgal n Irumiyen, imenghi n Zayd Uhmad iccaren d tmucupa n tmazirt iggudin...

-Tehla tudert g ighrem, irwu awed useksew n wallen nnem ilan aklu n taddujin (voix) d wawal nnem i d issektayen tirwi n tifawin issudun asemmidv g ighsan inw...

Tebbid iyi awal deg imi tennid iyi:

-Adu n uraxsas d ughrum g tifawt, adu n waghyayen n tighettven n Yeccu ameksa d wawal n iyazidven d i ssenkaren imezdagh srg unuddem nnsen afessas, amneqqer n ifenzay n iserdan n tnezdamin d ibudraren... Tifawin g ighrem n Talat rwasent tameghra... meqqar urda d ttagh tafukt ighrem ar mmas

n wass. Idurar ttin i yeghrem utuy n uzbey i wfus...

-Negh amm wutuy n tayri nnem i wul inw... Isul umsawal ddegh d wattvas n imsawalen zedghen tawengimt inw, salen iwaliwen nnem da tterridan (dansent) g imezgan inw, da ttemneqqaren amm igedman (allunen). Aqayi d abudrar, aghu n tlelli nettedv deg udrar isul da yetsara g idammen inw. Anida kem tura?

Tagguged ghef ighrem, ghifi, ghef tmurt nnem, tedderd ddaw igenwan yadven, ammas n ugdud..., ar tsawaled s tutlayt nnsen... da twagh tutlayt tarumiyt g ils nnem, ar ittenneqrad wagensu nnem... ar ittenneqrad izikar kem izdin d ighrem n Talat, izdi kem akid I...

lhoussain ZERGUI (Tinejdad)

Copyright 2002 Tawiza. All rights reserved.