Numéro  51, 

  (Juillet  2001)

Amezwaru

 (Page d'accueil) 

Tamazight

Tamazight, tazmamart nnidven

Anebdu

Da cem tirix ciyyan

Fadvma mzel ayt mas

Ghigh imkiddgh gigh

Japennama!!!

Peddu i yserman

Taghrut

Tghuyyit n uxeyyq

Uccan d waoraben

Udem amxib

xnifra nnegh

Français

Qu'est-ce que l'alphabétisation?

Tamazight, quel mode d'emploi?

Pour plus de pédagogie et de justice dans les écoles

Les Feurs revendiquent la berbérité

العربية

الأمازيغية تازمامارت الأخرى

الشهيد مرماح ماسينيسا

استمرار اعتقال الأسماء الأمازيغية

إكراهات العمل الجمعوي الأمازيغي

اكتشافات أمازيغية

الانتفاضة الأمازيغية بالجزائر

أئمة الفتنة والتخلف

المغرب، الماروك، المارويكوس

الأمازيغية والمؤرخون المغاربة

من منع تاويزا من مغادرة التراب الوطني؟

من أجل لجنة وطنية لدعم القبايل

من أسرار لغتنا الجميلة

الأغنية الأمازيغية في إسبانيا

المساومة في القيم التقليدية

أمازيغية حزب التقدم والاشتراكية

مكانة تيزي في الأمازيغية

 

 

 

Japennama!!!

Yura t: Nuri Bawdra (Goulmima)

Wer yad da yanegh yettewdva wakud nna d yaguren seg wass man ad nzemmem (rédiger) ayen ikkan di wass nnagh. Kigan n tems alin ar zerrint yal ass d yal yan (chacun) ar tent yettizir seg tesga ns inyaman (étroite) negh wer…

S umedya (par exemple), azerruy negh amyabbay n iwdan g izeglalen di temdinin tineghram (civilisées). Mecta d yiwen da yzerrey (passer) yercem (tracer) iswi dat as. Kra yadven yaghul d seg iswi (but) ns; yan yadvnin wer dar s iswi, imil (cependant) gar iswi d iswi…!

Ar tteddugh (marcher) yan wass g yan uzeglal (boulevard) idkanen ar imi s lghaci, imkerrden (camions), imesna (bus), itvumubilen, tiseqqimin n watig. Illa wrebbej (désordre) war asafar (incurable).

Kecmegh, akkwed nek, g tuzzvumt n medden ar tteddugh s imik imik allig fsigh ammas n wanecta n warraw n Adam negh icentan (bâtards) n Adam. Mag illa Adam? Waqila memmis n Kazaxistan, negh Almanya taqburt; werss!!. Mayd anegh iddan.

Wer yad ufigh ad ddugh ffqegh; wer ufigh ad ddugh s dat wla yufigh ad ughalegh s deffir.

Tawada n lghaci, asif n medden, werss man degs ittkumandan ar degs yettbadv ar t issudu (conduire)!.

Yan ighef inna yi ghewwet; wayd inna yi kra yadven. Grigh (lancer) yat tghuyyit nna mi yessghad awd umettin (cdavre); i qqanegh allen (yeux).

Nnigh addi mderren medden, negh d ddan imsulta (policiers) negh imxezniyen amzven yi. Rdun (accuser) iyi s ungha (crime) n udirunja n tawada n ighermanen (citoyens) unninen (familiers) i maca aypay!

Rzemgh d allen afegh d ighf inew patin wer ts yiwiy digi akkwed yan; awd yan (aucun) isellen; wesghuy inew; rnugh tawada akken medden, amm tili.

Iddegh (lorsque) rurigh lbal s wenna yellan tasga new afegh t in iqqen imejjan s ifilan izdin (lier à) gher twulekmant yuglen di testawt ines, imun d kra n uzawan (musique) n wascu (mort) negh tudert.

Kra yadven da yettghima iger d aseksew zarrek yesmunnedv (serrer) ancucen (lévres) zund yezmummeg (sourire) yaghul imun d ubrid yesnem udem ns ar ismuqqul dat as.

Wer id mayd ittesghal awdyan ayd iga wya; tamara (misère) taberkant, Japennama talsant (enfer humain) da ttemhiqqi g webrid.

Lmiq mzeyyaren medden, wer yad da ttemmectagen, zund yumma yasen kra dat. Wer zmiregh ad inniyegh mad illan dat.

Urmegh  (essayer) ad sestengh (demander) digi win tesga inew ghef mad illan dat, iseksew digi ifest day yezmummeg yughul isemdern udem ns ar iseksiw dat as.

Wer yad zmiregh i ybeddi ssekkugh ighf ar seksiwegh akal: Pan tiwriqin negh tifriwin, ijernanen negh ighmisen, id yawurt, tismutin n tbuqalin n imsulta, agirruten fsin negh sulen aghen… werss matta wyennagh; trebbej teqqim… allig i yuwint temlellay (vertige) irigh ad raregh (vomir)  tasey iyi tidi iqerfen, gergh tit s winna yi yettrin pan kra yumezv asensed (mouchoir) iqqen iss aghenbu (son bec) ns; yiwet terbat negh tayetct tama new tessigh agirru ar kkemmey, kra yadven issekna yighef iqqim irsa.

Cwiy sellegh i yat tghuyyit raregh as irar d nughal amm sin ifullusen inekren zik. Qqimegh imiq yat tghuyyit werss mani di tekka, raregh as maca wer d iwjeb, festegh ar ttxemmamegh mad tteggegh… Nnigh ad ffqegh asif ddegh alsan maca wer ufigh abrid: azey s rurigh ighf agin (refuser) ad iyi adjen ad zrigh. Qqimegh ar ttgannagh ad d iger yan, inmala yaggug, taghuyyit…

Tizi n Taqqa, 1997.

 

 

 

Copyright 2002 Tawiza. All rights reserved.