Numéro  55, 

  (Novembre  2001)

Amezwaru

 (Page d'accueil) 

Tamazight

Tamaskalt tamazight

anebdu

asemyissn d tnegmart n wawal amazigh

Hmad anelmad

Gar imnbadven

Mma new!

Samarqand

Taghucet n wul

Tagrawla

Tanfust oad ghars aneggar

tasarut

Hatac

Français

Amazighité et intellectuels marocains

Mots e"t choses amazighs

Les contractions en tamazight

Inquiétudes amazighes

Lettres ouvertes à une mère amazighe

 la radio bâtarde

Mohamed zayani

La presse nationale et le lobby saoudien

La terre de feu

العربية

البديل الأمازيغي

معركة الحرف

الأحداث المغربية تفتري على محمد شفيق

كتابة الأمازيغية بين الحرف العربي واللاتيني

هل هناك تطرف داخل الحركة الأمازيغية؟

أول ضحايا التطرف الديني هم حماته

نص للتأمل

الأمازيغية في تعديل الدستور الجزائري

الشعر الأمازيغي ونقد سياسة الاستعمار

قمة إبداعية أخرى من تافراوت

 

 

 

 

Ungal:

 Anebdu

4- Nunja

Itari dt: Lmeddan Oumar Numid (Tvanja)

Zeg ûss nni i di yezvra Nunja, d Massin yarebbeb ghar taddart n tanita huma ad tet izvar, ar mani yedwer manaya ghar s d tanamit war izemmar ad t yejj. Ca yughi dt netta war yuci! Axmi nni ca n wesghun yeqn idt ghar s manis mma yekka ad dt id izzughar ghar s am wejdvidv itwacarfen zeg wdvar ghar ca n ufiru. Mermi mma yexs ad idvu iri yedwer d ghar tmûrt.

Ussan oeddun d manaya yetmarni, asghun izzuggar itades axminni i dt ghar s ineddep. Netta yettves war yessin min itemsaren. Umi yarzvem tittvawin nnes yufa yiwyi dt yeghzvar n tayri, yisi dt sennej i waman nnes itawyi dt mani war yessin.

Rexdenni yuca aked yexf nnes is isvûr di tracca i d as tendi Nunja, i ysemxumbren ussan nnes ar mani yedha iteddar s arrimet mebra guggu, mebra ur i d as tecqedv. Tuyer tudart nnes s iseghwan n usitem jar weswingem d tirja.

Ibbuzzver Massin xef weorûr ghar ict n tmeddit, yessummet ifassen nnes, yegga fud x ufud, yeswedv ghar tehnayin n tzveqqa n wexxam. Refnar yareqq aked ughezdis nnes, tudrus tfawt nnes. Manaya yeswizza atarras huma ad iswingem. Ssentan ixarrisven wettvan d ghar twengint nnes:

Yemsagar Massin d Usekkur aked Nunja d yedji s n Dadda tsen mani temsagaren yebriden zzat i temzida n Dpar. Munen i webrid yeccûren s imehdvaren ggûren ghar ugherbaz, tarjijin s tesmedv n tuffut i di tawi usemmidv i d yaregben zeg idurar yessun s wedfer. Ggûren nitni shissifen i wrekkûdv i gh ad ccen ass a, minzi ad gharen tangujin (calcul).

Tenna s i Massin yedji s n Dadda s:

«Ma yeqqim ac a Massin ca n Tangujin i neghra idvnat nigh rid amenni? Necc walu, yugi ad aydef di twengint, mermi mma nnigh aqa svafi isigh dt, iri iweddvar ayi!».

Yarra xaf s Massin:

«Yudrus min kessigh di twengint, u d attvas xaf negh manaya, mechar i gh ad nisi d tisumadv n tangujin d yizran s yini n taorabt d yinni n tafransist d… di twengint nnegh tamezvyant!? U yak neccin nennum aked urekkûdv, rebda zduffuren day negh am yeghyar, mghar smutteg (se préparer) ixf nnem i wrekkûdv a yedji s n Dadda ynu!?».

Tenna s i Weskkur:

«I cek a Yasekkur tesmutged ixf nnec nigh?

Idvsva uca yenna s:

«Smutgegh nigh rid amenni, xminni yessenta urekkûdv tettugh marra».

Yesseqsa Massin Nunja:

«I cem a Nunja tesmutged ca nigh?».

Texzvar d day s uca tenna s:

«Nec walu, a wma ynu! War day s ssekkegh qao! War day i itidef ghar wadji waxxa kid s gh ad cregh ass marra nec qqaregh day s!».

Yenna s Massin:

«Iwa gh ad smutteg i wrekkûdv! Ta raja ad zvaregh ifassen nnem!»

Tarzvem ifassen nnes, tesseccen as ten, uca yenna s:

«Wayyaw mana tifassin a i di gh ad svûrent tiyyita n ukeccud n uzemmur! Swedv, nec ya yfaxxen ghar i ufren s tiyyita! U tessned min d asen teggegh? Tamsegh asen  ticcart huma war d ayi teqsent tiyyita mamec mma ggint! Ta xzvar mamec ufren!».

Tettvef ijj n ufus, tessekk xaf s tidvewdvin nnes tirqqaghin, uca tenna s:

«A wap, d tidett, tegdvar tirmect n ufus nnec, ad as tinid d azvru, ura d necc zi ssa d tsawent ad asen amsegh ticcart huma war d ayi iteqqes urekkûdv!».

Yeks as Massin awar zeg wqemmum huma ad as yini:

«Cem tezzidjized ayi xminni i day m tsvûrent teyyita, tesghuyyud, tetrud imettvawen!».

Tessiwer d yedji s n Dadda s, tesseqsa dt id:

«I necc a mmi s n Dadda ynu war d ak zedjizegh ca!»

Idvsva uca yarra xaf s s umellegh:

«Upu a yedji s n dadda ynu ioizzen! Tbarripegh xminni cem yeccat umsermad!»

«Waxxa day k a Massin waxxa, ammu i teggen midden i yessi s n daddat sen!».

«Tmellighegh akid m wapa, ura d cem tezzidjized ayi, teyyita nni day m itsvûran axminni i d ayi tsvûrant!».

Udfen ghar ugherbaz, tessenta tangujin, yessenta kid s urekkûdv d uqucceh n tesmedv. Nkarent tighuyya, wdvan d imettvawen s unezvbar n tiqqest n ukeccudv. Itwara Massin Nunja d yedji s n dadda s trunt imettvawen, yenna deg ur nnes “Kennint a yesma tetrunt imettvawen, neccin ntarra ghar wur mebra ma ad wdvan imettvawen!».

Idwer ghar waduf n ugherbaz marrad izzvifen ighuyyan d imettvawen axminni din yemsar ca wnuri.

Texzvar Nunja ghar Massin s yijj n wudem ixeyyeq, imettvawen tepnunnuyen as d zi tmughri izewghen, teggum (incapable) ad tisi ifassen nnes i yaredzen huma ad zzay sen ten tesfedv, axmi i d as d tenna s rexezvrat nnes “kkar noar xaf i”. Maca netta iggum ad innuhmez zeg wraq nnes, iggum ad inoar xef ixf nnes, netta d amezvyan war ghar s bu tizemmar. Iswingem uca yenna deg ur nnes “ar gh ad mgharegh uca ad as ssecnegh i wemsermad mmi s n weydi bu wur n wezvru, imara war arzvigh i yemma s akemmir, mara war dt jjigh ad dt tagh tyarzawt!».

Yuca aked cyadv n rgaz yury as d aked tinzar ar ami yensedv, arrint as d tighemmar n wexxam. Yuza dt yidvesv, iqqim yarezzu xaf s s teftitc war dt yufi. Mammec yegga yidves a i d as d gh as yasen netta aqqa dt rebda itxarrisv di Nunja, tzedgh as tesmaqqatc nnes jar tittvawin nnes, tugi ad as xaf s taggêj, idvfar aswingem nnes:

Tugha yeqqar xaf sen umsermad n tefransist ict n tenfust zeg wdellis n ugherbaz. Inermaden ddvaffaren akid s s tittvawin d thguri deg ur nsen. Isbedd tghuri nnes, yekkar ibedd, yuss d ghar Nunja i tugha isqarqicen tireghwin n ifassen nnes s ighaniben iniyyen (coloriés). Rami i ghar s yiwedv ibedd aked ughezdis nnes, ittvf as fus nni s yijj n ufus, yarzvem as dt s wennedvnit, yexzvar day s uca yenna s s taorabt:

«Ac pad cci lli dertip f yeddek a lehmûra?».

Tarra xaf s nettat s tmazight u tifras n tigwdi umant id xaf s:

«Walu!»

«Gao pad cci ka tquli walu, nti baqi sghira ola pad cci, yallep zewli oliya pad cci fisseo, meship b lebzaq, lma walu oendna felmedrasa!».

Xzvaren ghar s marra inermaden; ca itedvsva xaf s, ca yessiwer xaf s. Izewgh as wudem i xef twarecment tifras n uburren. Iswedv ghar s Massin s yijj n wudem ixeyyeq, teswedv d ghar s ura d nettat, msagarent tittvawin, sfarnen i waya-wya waxxa ifadden nsen tarjijin s tigwdi.

Odun wussann usin d innidvni, yeodu uyûr yuss d wennedvnit, ar ami d ijj n wass, usin d marra inermaden, munen d ghar ugherbaz, teqqim ha Nunja war d tusi. Yeqqim uraq nnes yura (vide).

Yessenta umsermad itragha d xef inermaden ijj awarni wennedvnit huma ad izemmem tuggra (absence), ar ami i d yiwedv ghar wasagh (prénom) n Nunja, iqqim  itragha xaf s attvas n twaratin:

«S.Nunja… S.Nunja..»

Tessiwer d ict n tmedduketc n Nunja, tenna s i wmsermad:

«War d tusu ca ass a»

Yesseqsa t netta:

«Min tet yughin, ma tudven nigh?»

Tarra xaf s:

«Upu war tudvin ca, maca temmutti aked imawlan nnes ghar temdint n Tvanja huma ad zedghen din i rebda».

Ammu i yiwedv Massin, rebda itûrja, iswingim, idwer am ijj n wejdvidv itghenjen i Nunja zi awarni wuzran n texxant, itfarfar zi ssa ghar da yarezzu xef tirelli, yarezzu ad tet yades, nettat tennudv as maca war d as d tarri taynit, tennedv as am tnewwact n tmannadvt tazvrawit, marra yinni i t yezvrin arezzun tet i yixf nsen, ssitimen tet i taddart nsen.

Iswingem, yessenta yessawar aked ixf nnes “Ixesv ayi ad ggegh ca, min zemmaregh ad ggegh? Ad kid s ssiwregh! i ymezdagh i d anegh yessnen marra min x af i gh ad yinin? I nettat zoma ad texs ad kid i tessiwer? Nigh ad texs ad kid s  msagaregh deg wdcir nnegh?  Upu manaya war dt teggegh ca u oemmars ad ay s txarresv! Upu manaya war d ayi itsellik ca, ad xzvaregh di ca n wallal (moyen) nnidven i gh ad sqedcegh (utiliser) huma ad ffghegh ghar ca n unelkim (conséquence, résultat)”.

Yeqqim ijj n wakud yudrus itxarrisv armi yufa tnurzvimt i manaya, uca yenna i yixf nnes: “Ufigh tet! ad as arigh ict n tebrat, uca ad as tet sqadegh! Maca, wi d as t gh ad yessiwdven? T d tamukrist temghar! Ad arzugh xef ca n thenjirt d tamezvaynt nigh ca n uhenjir d amezvyan ad as tet yawi! D ta d nettat! Manwen nigh manten izemmaren ad ayi tegg asmagal (mission) a? Iswingem, uca yenna: “Svafi ufigh wi d as t gh ad yessiwdven! D Maghuc, netta d amezvyan, maca d amedduker inu, itas as d i Nunja, dix, izemmar ad yadef ghar taddart n tanita, arni xaf s is netta war yessin ad ighar taorabt panet, aswir n tghuri nnes yemzvi, suya war izemmar ad ighar min day s di tebrat! Ayyaw… Ayyaw.. Azedjif inu yeggûr ad yedduqqezv s imxumbar d ixarrisven! Adji ynu yeggûr ad yeffegh zeg wraq nnes! “Wa yarala yemma ticawin munent id, tinoacin n midden, wayyaw llutent id”. D manaya i teqqar yemma xminni i d tmunan imunas.

Yeqs as rehmu n unebdu immarenyen s tmessi n refnar i yareqqen deg wxxam i xef  d twazarreq tewwart d rekwazi, minzi war zemmaren ad ten jjen nnûrezvmen ad asen d adfen ifigharen d tghardvmiwin. Yarra s wudem nnes ghar refnar, issvudv xaf s, isvûr yexsi. Yessars azedjif xef tsunta. Izzver idvaren nnes. Tesghumbar as d tadjest zi mkur aghezdis. Issdurrey d useghdi, uca yekka xaf s yidves. (Ad d yetwadvfar

 

 

 

Copyright 2002 Tawiza. All rights reserved.