Numéro  57, 

  (Janvier  2002)

Amezwaru

 (Page d'accueil) 

Tamazight

Talkkawt n tmazight d imazighn

Ad awn inix

Zzegliz

D turjit wapa

Anebdu

Asidd

Awal amazigh

Baolili

Ifesti

Izarfan izayan

Negh ig nugi ad neknu

Ussan n zzawit

Xnifra nnegh

Français

Amazigh, je le reste

Tamedyazt et théâtre à khnifra

Tamazight et les citoyens

Mots et choses amazighs

Le sacré et le profane

العربية

الاستخفاف بالأمازيغية والأمازيغيين

أم كسيلة تتحدث عن ابنها

إشكالية التوحيد والمعيرة

هوروس والأمازيغية

مزيد من التحقير للأمازيغ

من يريد العودة بالأمازيغية إلى الوراء؟

الأمازيغية والنفاق السياسي

تينهينانت العظيمة

 

 

 

Udem amxib(7)

 Negh ig nugi ad neknu

Itaru t: Lhusayn Zergi (Arrbatv)

D Tarezzift i Ali Lamrabet, Amazigh yugin ad iknu.

Sfuffin d lejdud nnem seg ddaw wakal, ummren, burzen. Ur tellid.Ur tekkid.Temneqqer tefsut amm tegnut, innestef ukuker innudmen g temgerdin iffuden tidet d umezruy d tudert g irbi n idles d ubughlu. Kem ur tellid. Seg ighzer temmghid tikti (idée), tger tabuqqalt deg uqerru n ugdud iddren g ukerfes, g lhif d tmara d timmuzdert. Isfuffi d usefru, istegh g imi, issergigmedden.Temneqqer teghwrit, tduy, tekkes ifesti ghef ubrid n icirran ilemden tikli.Tummer tmurt ixnunncen g idammen, tsew seg udif n ihermucen nnes. Isawelumrig (arme) di Tizi, ulwunt tfelwin n ubniq, iduyugari... "Nekwni nxes TILELLI" …

Ttugh is teggullid, ur tessined mayed tmes tlelli. Ur tt tannid. Rezvmen i tmessi ghef medden. Kem ur tellid! Mzin s iherkusen nnsen isutturen nnsen ughdimen (justes). Ukren tudert t tlelli, ssukfen ten g tmurt... g tmurt amm lhebs. Kemm ur tt ghurrem tgi acku tgid win nsen, tellid ghursen...

Gezmen ten s imrigen, s isekkilen n tutlayt ur nehmil. Amm isellufen (puces) mrin ten ghef tmurt, ssighen inelliten nnsen i wakal, gen utci n ikzinen d iwekkiwen n tmurt ixnunsen g ighed. Mayed msen? Min xsen? Uress mani g d sfaffin … Nnigh: "Idles d inin iyyis... inegh illis... Isxitermemmis... Ur illi yinzed (poil) n usurdu (ccek) g uswingem inw...". Nnigh digh: "Idles ur d turiw tmurt nnegh! Idles icenti d ittuttin seg igenna wer ssinegh iran ad inegh tiklinnegh ghef ubrid isselkamen gher tixxitert, gher tlelli d usgunfu...". Ggulligh ger i d ighf inw anfal ur kennugh, ur ttukkufegh. Igey n kennu immghey g treggwin n tfekkiwinnnegh seg wass g nunef allen ghef tudert ddegh tiydit anegh ikerfen. Nxes tudert ur tt nufi. Nili ur nelli. Nbedda ur nekni. S ujenwi ghersen i yidles, i tudert ,... wsirem. Neqqim, fus ghef uzellif. Ur nezmir. Tudert min tilelli. Ider min amdal.Timdelt mintawurt...

Ur illi wezref i ygeddlen (qui m'interdit) tudert d usirem. Ur illi... (isul itteddu)

Lhoussain ZERGU, Rabat.

 

 

 

 

 

Copyright 2002 Tawiza. All rights reserved.