Numéro  57, 

  (Janvier  2002)

Amezwaru

 (Page d'accueil) 

Tamazight

Talkkawt n tmazight d imazighn

Ad awn inix

Zzegliz

D turjit wapa

Anebdu

Asidd

Awal amazigh

Baolili

Ifesti

Izarfan izayan

Negh ig nugi ad neknu

Ussan n zzawit

Xnifra nnegh

Français

Amazigh, je le reste

Tamedyazt et théâtre à khnifra

Tamazight et les citoyens

Mots et choses amazighs

Le sacré et le profane

العربية

الاستخفاف بالأمازيغية والأمازيغيين

أم كسيلة تتحدث عن ابنها

إشكالية التوحيد والمعيرة

هوروس والأمازيغية

مزيد من التحقير للأمازيغ

من يريد العودة بالأمازيغية إلى الوراء؟

الأمازيغية والنفاق السياسي

تينهينانت العظيمة

 

 

 

Ussan n zzawit 

Yura t: Mensvuri Hemmu (Ayt Ishaq)

Tekkid tefulkid. Ul nnem d neqqert. Udem d asidd. Tekkid teyid, awal axatar. Tehlid am tferxit ass n tmeghra. Am tawriret ilesan talddrar. Ur cem yagh lazv ula tamra, am iger warafar. G umezruy, ussan nnem peyyan: tizizut d waman ittazlen. Tazedyi d waddaken ioeddan. Tayri d tadvfi g ulawen. Ideylan izegraren n Fazaz. Uretan n wadvil d wakewaz. Agama agharbaz. Tayetcin ur isennirezvem. Irizen iberkanen.

Tura, yagh cem uxub. Telyedv g idv d usemmidv. Walu ma yesirisen, ula isebbub. Ayt ughella yin; widda izzvan bettvu d ukayadv; widda iran, xas i yexfawen nsen, tafuyet, anzvar, aman d usidd; iyecem pen isvidv. Ttun  cem. Neghan cem, am ifigher, yeran cem xef umersvidv. Tezwa tafrawet. Can am imezdagh s tadawet. Ideylan xelan. Izzvay ghifem wagwa. Zvedvan cem wuglan. Rewlen waman zeg tergwa.

Mayed izvedvaren ad yini: Upu? Wida? Wida i wattvan a. Wida i tucci n waneli, s yisem n usegged. Wida i tesxxaret i lmexzen. Wida i wesukkef n temaggit. Wida i tehellal n teletughin. Wida i temara d zzveldv ur ddikin igenna. Wida i wemrara n wattay d weghrum asemmadv. Wida.. wida.. wida.. Wida ma yettinnan? Awed yan. Nesghli ilsawen, neqqan allen ula imejjan. Nessusem, nfesta. Nebbi mejv!

Unna dt idi seouqqin, ira ad isiwel, ioayer cem. Ghifem inna, texxid ur tezddiyed. Teomered s teqhbiyyin, d warraw n lehram. Ca ur diyem ittveona… Ghifem isusef. Ghifem inna mara anna ixxan. Ixef nes netta ittu t. Ur ddiki jaj nes ad yannay ma yeddis. Unna iran ad ic advadv, icet i yexf nes. Unna isvetveonan, da yzawar zzis.

Nekwni, nek, cem d netta, ad cem issuxxan. Is ku ca ira xas agayu nes.

Zzawit taheskawit, ur tepeyya, ur tefulki, ur tezvil, ur temmim, ur tehla, ur tezddiy, mec g ul ur ttenyi. Ur d ax tectti, mec t nettu.

Ayt Ishaq, 31/1/2001

 

Copyright 2002 Tawiza. All rights reserved.