Numéro  58, 

  (Février  2002)

Amezwaru

 (Page d'accueil) 

Tamazight

Imughrabiyn aoraben d taddunlit tagmudvit

advan tuorba di tmura n timuzgha

Anebdu

Arrudv n tmaghart

awal

Kusayla

Taghawessa

Tnayn n isekkurn

Tiktit deffit tayedv

Yewn ughnja as ak swan

Français

Tamazight en crise de calculs

Anazur face aux marionnettes

Tamazight dans les projets bmce

Tamazight et le jeu aux échecs

Un message d'espoir

Mots et choses amazighs

العربية

المغاربة العرب والاستبداد الشرقي

من طقوس نهاية السنة الفلاحية بوادي دادس

هكذا تكلمت ديهيا

عودة إلى الماروك والمارويكوس

هوروس والأمازيغية

إميلشيل ليس سوقا لعرض النساء

النبض الغافي

لماذا المطالبة بإنشاء جامعة بالناظور؟

دوران منسجمان للأمازيغية والعربية بالمغرب

 

 

 

Taghawwesa (La chose)

Tura t: Aïcha Aït-Hammou

 

Tawuri isseker ka deghi, ureda tes ittughul asera,

Taferut tar titar, tegheml awud ig ur tewit amiya,

Izedar ur sar igi afella, meqqar kem iteca a tadela,

Anaruz ig as ikka wul i ka, ureda iferru xes ig inegha.

 

Tigemmi g ur telli takka, ur t yaghul wul meqqar ira,

Taghawwesa ig ur telli g ufus ika, tera ad teddu assekka,

Ighef ig as iffegh adeghar i ka, ira ad as ughul ig ifesta,

Afus ig t ur ili ka ig winnes, ur inni ad yassiy taghawusa.

 

Tudert ur tegi tin umiya, i wanna iran igenna,

Agensu n ka ig iruwa, berra nnes alutv ayenna,

Amareg ig itteca wul i ka, g ighef tella tamena,

Atebir war iferawen, yaghul tighemert a yaytema.

 

Tawelzvit ig tenegha ka, tawada ad as dikka wa,

Aferaw ig t iga wul i ka, fad n wawal ayenna,

Anaruz ig t ur ikkis ka, isul add yughul am wagga,

Unna ittinigen ayeda n ka, amazir n usetvsu ay ira.

 

Tifawt g wul i ka, tuf uregh meqqar ineza,

Seksu war akesum i ggitv, ttecet isul iregha,

Agherum ureda ittuteca, xes ig tella tawela,

Aman isewa ka, ur nnin yad ad kkin imi i ka.

 

Awal aqqurar g imi, win uregaz ayed iga,

Tigemmi tar tasarut, imi n igherem ay tega,

Unna ur ttinigt iddu d, unagh winnek ay iga,

Tazart taqqurart g uxerid, tin tegrest ay tega,

 

Aregaz war ayedda, isul ayiddu s umeda,

Yan wawal ig t nenna, yuf ayenna netca,

Tafuyt mi ur izewar ka, afa iteddun ayenna,

Tawerghi g uqmu ika, isin is walu ayedda.

 

Ku yan issen mayed ira, ur illi ka bla ka,

Unna iran afella, da iteddu s dinna g illa,

Aberid ur ddejin ikki ka, ur issin mas idda,

Unna ghur ur illi ka, asetvsu n mdden ay iga.

 

Tamettvutv tar aqidur, ddu akk ur tizvir,

Imi war tifluwt, ddu yat ffeghat as aberid,

Aregaz war tawuri, meqqar iffegh amazir,

Aseklu war taruwa, zuned agherum abazin.

 

Aghiyul illan g uruwa, idda igen g unerar,

Unna iran ay ittec allas, iddu ibetvu d tillas,

Imi war tughemas, is itteca winnes azuggar,

Tanumi n wawal n ka, tuf aferrugh n wawal.

 

Amarg ig iteca tasa i ka, ittves ur illi g itvan,

Aberid war asidd, ur yiwiy s awud yat iruwan,

Mer yufi bu yat tagerurt, ur sart ittili awud yan,

Yan uzemz iruwan a tasa, yuf aseggas bu waman.

 

Amzil bu yat tvit, zuned aghenja war afus,

Tannurt tar iniyan, ur sar tsseniwi agherum,

Agherum bu wurefan, ittuteca meqqar iqqur,

Iyyis bu yan utvar, tamexmaxt mi izzef ukerum.

 

Awussar war irefsan, ur as izuwar Rebbi,

Ameghar ig inem, yuf amezzvan ig ur iruwi,

Tamettvut ur iruwin, zuned aghghu war udi,

Taghawwesa mi tssewit iman, ufent waman g imi.

 

Iger war tiyeraf, am ig tegit ulli g unerar,

Ayenna mi ur ilekim ufus, adejt ared iddu,

Asawar illa dinna nekka, itvefar i am unagam,

Fad ig illa g ighef i ka, aman ur as kkisen fad,

 

Lazv ig d ikka adis i ka, agherum ur astend issiliy,

Adeghar g ur illi wul, isul iffeght meqqar uqquma,

Ka ira asmmidv, ka ira merghi, ku yan d mayed ira,

Unna yuliyen s afella neka, ik as aghruc afa yili ka.

 

Amellal ur illi g igurdan, xes tukkiyen awal ared nizvir,

Merid i waddegh utegh wa, ur issin awed yan mayed ikkat,

Amer mesasan medden gin takat, netta sulen ared betvun,

Merid ku yan isseker ayenna ira, ur nnin waman ad teddun.

 

Amawal:

Afella, ifelluwan:  Le haut - Agensu, igensuten: L'intérieur, le sein - Aghenja, ighenjawen: La louche - Alutv: La boue, patte d'argile -  Amzil, imzilen:  Forgeron - Aqidur, iqudar: L'habit - Aqqurar, iqquraren: adj. Sec, chose sûre et certaine - Aseggas, iseggasen:  L'an, l'année - Azemz (uzemz): Laps de temps, période - Ifer, iferawen:  L'aile, la feuille. Cela se dit également: Igeled, igeledan - Inig, yanug: v. Chercher, rechercher - Iri, ira (part. passé, irewan): v. Vouloir, désirer - Izdar: . Le bas - Meqqar: prép. Même si - Ruwu, iruwa: v. تtre bon, être gentil -Ssew iman, issewa iman: v. Avoir tout tenté et essayé -Taferut, tifera:  L'épée - Taghawwesa, ighawwesiwin:. La chose, matérielle ou abstraite - Tawelzvit, tiwelzva:  La cheville - Tawela:  La fièvre -Tawuri, tiwuriwin: La tâche, le travail - Ttec, ittecha: v. Manger, se nourrir - Tvuf, itefar: v. Suivre, poursuivre - Tigemmi, tigumma:  La maison, la demeure, la bâtisse - itar:  Le fourreau. Ce mot est sous sa forme du plurie - Tudert: La vie  - Yuf: v. Préférer - Udi, uditen:  Beurre conservé par des moyens traditionnels (Ssamen en arabe) - Ureda: prép. Ne…pas, particule de négation.

Aïcha Aït-Hammou

 

 

 

 

Copyright 2002 Tawiza. All rights reserved.