Uttvun 59, 

Krayûr 2002

(Mars 2002)

Amezwaru

 (Page d'accueil) 

Tamazight

Asmi tinoacin neqqent tmazight ujar azladv

Anebdu(8)

Anabay

Abrid aghuzzaf

Aghbala

Asidd n Meknass

Tighrmi n igran d igudar

Radas war yeggîjen

Melli d tergibet a yemma

Yan uzal ireghen

Français

L'Amazighe, la COSEF et Le Livre Blanc de Saaf

Droits de l'homme à l'épreuve

“L'histoire” dans les chansons MELLAL

Tamazight entre l’oral et l’écrit

Toponymie de Meknass

Un prénom amazigh Pour l'éternité

العربية

عندما يصبح المال أخطر على الأمازيغية من الخصاص

 

التعدد اللغوي والوحدة

 

السياسية والدينية

 

الاعتداء على المناضل الأمازيغي سعيد باجي

 

هوروس وتامازيغت

 

عودة إلى الماروك والمارويكوس

 

الاسم المركب والاسم المشتق في الأمازيغية

 

حانون  ابن تامازغا

 

ما الهدف من مسلسل تيغالين؟

"أورنيد، شيخ من بورغواطة

 

أنا الأمازيغي

 

Ungal:

 Anebdu

8- Ayam zi tara d ufighar

Itari t': Lmeddan Oumar Numid (Tvanja)

 

Tettar Tvuca zi Massin, mazuz nnes ioizzen, ghar ict n tdeggût ad yargeb ghar ighzvar ad yayem  ssin aman.

Isnufser d i weghyur itwaqnen ghar ijj n ujij, ibaredo as d, izzaryedv xaf s tizeyyatin i g yettvfen raq n iqubac, yisi d srvimet ixarg as t i wqemmum.

Yarzvem tawwart izzvughar aghyur  ghar tcarmin nnes, yeqqen it’, uca yettvef agharas ghar wasif, yeggûr iqqar as i weghyur nnes “rra..rra..rra..”

Iteyyem id’ id ij n wadvu yemmû s arbu ghar ughenzur, tfuct targha tghettver d ijdvadv zeg wjenna, manaya i yesghufan Massin.

Ha yudef ghar webrid ameqran yentveh deg Wyur amedduker nnes yeggûr d, yenna deg wur nnes “yiwi cek d webrid, yiwi cek d arebbi, tusid d deg wakud nican!”. Ittar Massin zeg Wyur:

-«War tzemmared akid i taregbed ghar yeghzvar hima ad aymegh?»

-«Waxxa! Maca rehmu, arbu itsvudv isdvaw d akid s isennanen n tpendect ghar tittvawin. Gwdegh a tawmat ad ayi sdvaghren!»

-«I yfighran d tgharedvmiwin war ten tegwded ca!?»

-«Up! Yinni xminni ten zvarregh itbedda yi ucewwaf, tghimigh tarjijigh axmi i d ayi yettvef bukebbaz ismurdvus ayi!»

-«Up ya maggûd! Tiwecca zic xaf k a rourret!»

Inya kid s xef weghyur, udfen deg ict n txuxxet i ytawyen ghar wasif. Yucem Massin aghyur di tghardvin s yict n tkeccudvt huma ad yarni di ticri nnes.

Xtuttren jar izghran d ixeccaben n tzeggûrt d tabgha i d ifaryen xef sin ighezdisa n txuxxet i yeghzan am tsedjya teccur s yezvra d ifarricen d yejdi, imara msagaren day s sin n yeghyar oeddun s ughir ar gh ad teymen ayawya. Udfen deg ij n uraq issudjes, tfuct war tet twarin qao, mayenzi axeccab azvermadv imsagar aked wenni yafusi sennej nsen ggin aduri.

Xedvren ghar ubeddur n wasif, dvrin d xef weghyur mahend war zzay sen itehrudjudv di teysart i ysdvaran ghar swadday mani tetwaghza tara zi d ttaymen. Ufin din tinuyam udrusent. Iqqen Massin aghyur ghar ij n wezvwar n tseklut n uriri  yetwarzen i d yefghen zeg waddar n wasif. Isdvar d tibumbutin (bouteilles) isapa ghar tara ad yettvef twara nnes. Iqqim, itraja, issenta itparrad aked Uyur d tnuyam. Tenna s d icten s taorabt -nettat war tedji d tarifect - awarni umi ssentan tekkûren ayawya nettat d Massin:

-«loinin dyalek bhal dyawk lkelb!»

-«U dyawlek bhal dyal tata a lehmûra!»

Tenoar icten xef Massin:

-«Aloag inu Massin yecna, tittvawin nnes tsiqsiqent areqqent s wazvri! War d am tsurufegh ad t’ tekkûred ad t’ tessarewsed aked weqzin!»

Tiwedv d twara nnes yeccur d tibumbutin, yisi tenti id netta d Uyur. Ssarbun tent i weghyur ig yucin s armeh immarni xef weorur nnes. Yucm  it’ s tkeccudvt nni huma ad yari tsawent.  Innejfer, itvfi t’ id zi srimet yenna s “cca!cca!a tecced yemma c a mmi s n weydi!”. Yewt it’ s treqqa n ufus ghar umessvadv afusi yenna s “rra! Rra! ari tsawent!”. Dvfarent id nitni s uoani ghar tcarmin. Tugha  t’ ggûr ad  xaf sen yessargeb tibumbutin. War yenni ar ami yuri tsawent nni, ar mani xaf sen tet yessek d tabarcant. Innufser di txuxxet nni yeggûr itfaryadv, nitni temparwadven ghar tcarmin nnes. Zi twara ghar tennedvnit iccat it’ Massin.

Rami yiwdven ghar walmas n webrid mani yessudjes, ibedd yugi ad yarni ghar zzat. Yewti t’ Massin s ij n umeddardvar huma ad yuyûr maca netta yugi! Yeggum ad yarni ura d ij n usvurif ghar dat. Idexm it’ s yij n udubbiz, yareni yas ijjen nnedvnit. Isghuy xaf s “rr! Rra! min yughin yemma c a mmi s n min d gh ad ynigh!”. Maca netta qa war d as d yari taynit, yisi imezzughen ghar ujenna, isbedd iten am tsenyanin. Umi yufa yamenni, yenn as i Wyur:

-تAmcum a n weghyur d ca it’ yughin nigh d ca i yezvra!»

-«Min t’ gh ad yaghen aqqa c gh ad yri yuher wapa:»

Yessvuref ghar zzat i weghyur, intveh deg ij n ssaxat n ufighar anect n tehnact d aqebbuz, ad yiri anect n ughir n utarras, d azeyrar, day s ca n sin d wezyen n imitruten nigh yujar, d azeggûgh iqqarqec s tqurayyin d tibarcanin. Izzver deg walmas n tebrit, yisi azedjif nnes ghar ujenna arendad i wenni n weghyur. Innecqedv Massin iccuori ibedd as ucewwaf. Idwer d ghar deffar iwecwec as i Wyur ghar umejjun:

-«D fighar anect n yiref, yiwi yi d arebbi d busekka!»

-«Fighar busekka! ta zadj! A yemma ynu  ioizzen mamec gh ad negg ad nenjem zzay s huma war d anegh iteqqes?!»

-«Arzu d xef yezvra ad t’ nnegh, yallep iri d aryaz!»

Ixzvar ammu d wammu, iyarw d ca n yezvra d imesdawen d iqemqamen anec n udubbiz n ufus nnes. Ineyyec deg wfighar nni, izarf it’ s yij n wemsed isvûr as  deg weorur. Ingez am tcamma war zzay s yiwi walu! Isghuy, yessars ajedjif nnes ghar tmûrt uca yedwer ghar deffar imudjegh di txuxxet yeggûr itennedv huma ad yarwer. Yaredf it’ ggûr itazzer. Yur iqqim ibedd deg wraq nnes ittebpedv war innuhmez. Yarzvem ajeqmim di Massin i tmenghan aked ufighar war s yuci fus! Iwt it’ s yij n wezvru nnedvni isvûr as deg iri indvu amecnaw amezwaru. Ibedd, isdvarn d ixef nnes ghar Massin. Idwer d ghar s isghuy issvudv d xaf s yessufegh d ires nnes awarni umi yisi ixef (azedjif) nnes deg wjenna yarezzu ad  as yejjeo. Iccuori, tetvf it’ id tigwdi. Igga taryazt deg ixf nnes “yallep a Massin iri d aryaz! Ma yekka day k ufighar nigh! Yalleh sug xaf s amec itsugga ughiras xef tgheydet n wezvghar!”. Izzaref it’ s yij n wemsid d aqemqam isvûr di tmûrt aked ughezdis nnes. Yarwer idvfar it’ yeggûr iccat it’, ca itsvûr day s, ca di tmûrt. Ict n twara ad ibedd ad yessiggêd Massin, ict n twara ad yarwer. Amenni iqqimen tmenghan ij war itiwi zeg wnnedvnit ar ami i d as ixtutter jar ighedjuyen n tugga yuzghen iweddvar as deg wxeccab n iyyar n temzida. Massin teqqim day s maghar war t’ yenghi waxxa iri ha i yezm it’!. Maca issekk it xaf s. Yuher ma ad xaf s yarzu deg wxeccab nni war s yufi dini rimart. Idwer d ghar weghyur nnes yufa Yur ibedd deg wraq nnes ghar tcarmin n weghyur tengh it’ tigwdi, balak war yemmutti ssin qao! Inna s amen issahrat:

-«Min cek yughin a maggûd tugid ad ayi d tuced fus huma ad nnegh fighar! Ma tghir ac aredregh tamzida nigh tacaregh tet?»

Yisi fus nnes yesfedv zzay s tidi, isnuhmez ancucen nnes huma ad yarr xef Massin war yenni ar ami i d as d yeffegh wawar:

-«Gwdegh! qqimegh tbepdvegh war ufigh min gh ad ggegh ura d min gh ad jjegh! ura d awar ibedd ayi di tmijja yeggum ad yeffegh!»

Idvsa xaf s Massin s yict n tadvsa arrin as d idurar, issiwer yenna s:

-«Ip ya taryazt !Tiwecca zic xaf k a maggûd! Cenna mara tenna s yemma c qa jjigh d aryaz! Ip ya rourret ikka day k ufighar mri d ca n wayrad nigh d ca n yifis iri war ssinegh min d ac gh ad yemsaren»

-«Iri zregh as di tmûrt ad as inigh cca yi!»

-«Iwa tfu xef yaryazen amecnaw cek! Mri nec aked yemma c iri jnigh xaf k deg wass i di cek d turu!»

Dvfaren ticri nsen ghar wedcir nsen, tidi ttudum d zi tenyart n Massin issuhruten am weqzin iggûr ineggef war yenni ar ami yiwedv ar ami itvebtveb warrudv nnes s tidi. Isqarqeb di tewwart, tessejj d Tvuca, tghawer it’ id nettat teqqar as:

-«Min cek yughin a mmi ynu? Ma temmenghed aked ca n yij nigh? Mana tidi ya! Yetvebtveb warrudv nnec marra!»

Tghawer it’ id s yijj n ugharraf n waman isemmadven iddar iten, isekkef tazwut, uca yarr xef yemma s:

-«Yeffegh d kid negh ij n ufighar anect n yiref a yemma ynu! Tvfegh ccategh t’ s yezvra tsvûren day s negzen war zzay s iwyen walu, amenni qqimegh ddvaffaregh t’ ar ami d ayi yenjem!»

-«A ya mmi s n unuri war teggîded ad ac yeqqes, iri temmuted war dji ura wi cek gh ad ighawren din deg iyyar n temzida!»

-«Tugha kid i Yur mmi s n inadasen nnegh! tessned a yemma! Iqqim ha itbeppig d ayi !War kid i yeggi fus! War d ayi d ighawer!»

-«Iwa tezvrid a yabupari ynu netta d mighis! War dji am kenniw tarwa ynu! A yemma n henna nec jjigh d ha ifenpap d ibupareyyen!»

(Isul, ad d yetwadvfar)

 

 

Copyright 2002 Tawiza. All rights reserved.