Tawuna (La distraction)

Par: Acha At-Hammou

 

Tazedayt nnes ssenegh is ur n tegula,

Ittuteca yimi nnes uress mas t iselula.

 

Ar ittirir ighal inna k is n yad iguwma,

Issumegh t ar ikkat s itvaren d taghema.

 

Sawlegh as ur iri ad agh yini may ira,

Aghent walen illa yas ka awed g tagera.

 

Ur iri ay igen g tillas ur iri awed mateca,

Inegha t ighef ayerni nnes zund tinca.

 

Da yalla tafuyt ggitv tamezvt tawda,

Meqqar da sawelegh ur iri ay iwda.

 

Ad as kegh ka n waman d timiddeja,

Kegh as ka n izerrutcan ig i yuddeja.

 

Yugiy ay ittec, iqqen imi zun as iguwna,

Ayiyegh d yan ureba ad as ittvef tawuna.

 

Yasiy d ighef, ineker ighal is ighiy i ka,

Ira tassamt n uttema s ighal is as t teka.

 

Ighered g imi n tegemmi zund alfesa,

Igen dikes ggitv zun ur dikes telli tasa.

 

Ineker d g tifawt yaf d yan Umagha,

Ur issin may d ilan, igger as pat inegha.

 

Amawal:

Addej, yuddeja: v. Laisser, abandonner. - Alfesa, ilfesaten: Gros serpent. - Amezv, yumezv: v. Tenir, saisir avec la main. - Azerrutcu, izerrutcan: Remdes traditionnels base d'herbes aromatiques. - Gemu, igwma: v. Grandir, tre duqu. - Gen, igen: v. Se coucher, rormir. - Ghered, ighered: v. S'allonger, tendre son corps. - Irir, ar ittiri: v. Chanter. - Selil, iselula: v. Laver avec de l'eau, rincer. - Tagera (n tvit): Le creux de l'il. - Tassamt, tassamin: Lacet. - Tawuna (Ittvef tawuna): Distraire. - Timiddeja: Une herbe aromatique.  Tinct, tineca: Mollet.