Uttvun 63, 

Sayûr   2002

(Juillet 2002)

Amezwaru

 (Page d'accueil) 

Tamazight

I yat n tameddanit zeg yan wanaw nnidven

Agraw n ayt umeskan amazigh

Xef usedvrer n tmazigh n Rbatv

Righ tilelli

Tayri tar ighf

Waxxa cem ran

Français

Quelques notes sur le “Latif” du racisme au Maroc

Le vrai racisme

Réflexion sur le devenir de Tamazight au Maroc

La poésie de résistance au Rif

La prophétie véridique

Baccalauréat de l'amazigh

A mon frère le Kabyle

العربية

من أجل علمانية من نوع آخر

الأستاذ المدلاوي أو غلطة الكبار

شيوعي يهذي

التعريب

عودة إلى الماروك والمارويكوس

محاورة مع كارل براست

هل هي مكافأة لجريدة لافيريتي

لماذا الظهير البربري وحده؟

المغرب من أغنى بلدان العالم

ظاهرة تحقير الذات عند بعض الأمازيغيين

قوميون يشنون حربا على الأمازيغية

 

Xef usedvrer n tmazight n Arbatv

Yura t:  Amtvals Muhemmed zi Ddanmark

Da  xsegh ad inigh u ad arigh cway xmi ntesra zg wsedvrer (radio) s mazight (tarifect) i ysaddiyen nigh  ipallen d as oaddan rebda i ymessefliden i yteddaren di Arrif nigh di tmura n uzewweg,  twarigh nec idvffaren arradyu  n tmazight,  war dinni bu min yesyawanen  guggu attvas zeg wnni d as ixadmen deg usedvrer (radio). War taggen bu tzemmar di tutlayt huma ad t ssizdigen zeg wawalen n midden. Mmaca min d toanen i ymsefliden,  manayenni imxumber u tejjan t marra d icarfa mebra ma ad isviyyar nigh ad izwi zi tizzyin huma wenni i tesran ikessi ineghmisen s tmazight. U xmi gh ad yawdven ghar umejjun n  umezdugh yarenni alemmud di tussna d min d as d yunudven,  ra di tmurt nnes nigh deg wmadval marra. Maca ntaf yina d anegh d yessawadven ineghmisen day sen ineghmasen  wsaren di taddart n radyu nitni, oad d iqubbaniyen war ssinen bu tamazight nican mammec ma tegga. S umedya: neqqar  s tmazight “toanen ghar ddcir wapa, tecfar nigh nnepra teccfar”, u arezzun ad ssiwdven akud nsen ar aneggar ntawuri nsen. War d asen yecqi  yelmed nigh yighit. Maca yina war txarrvisen ca deg wmmnus n umezruy d umudven kssin x yiri nsen, upu!

Maca ixessv neccin itesran ad xaf sen  nari, a nini manaya. War yeddji ammu huma war tghiren qa aydud yettves nigh mghar nitni ig ddjan di tvhtvaha n tughamsa.

Neqqar asen i yina, i d anegh d isoeddan ipallen d ineghmisen, ad ggen min umi zemmaren di tutlayt,  azeoma awal amaynu (al mustvalehat) rebda ar gh ad yelmed umezdugh huma war netcir x midden zeg usedvrer (radio), ixessv ad mmrawi ccway u ad xzvaren  mlih qa marra qqaren as min ntegg d attvas, qa ad tafed ca war ttnaggi i tmazight ura i tussna nnes, ad  zzay sen i netraja tikri ghar dat huma ad anegh temghar i tiwacca.

A yinni war yecqi e mnus tesoeddam agh  d awal yexnunnes s tutlayt n yinni ad anegh  yejjin  tari nettvar ar ami war nufi ma n abrid  gh ad nedvfar.  Qa marra ayduden n umadval mmrawan  cway. Neccin neqqim ghar d ffar. Imri d tarrim taynit,  sefruruyem d awalen wac tamazight nigh ca nneghn, immri tufim as ufugh? Umi mghar farregh seoda, tenyem tarezzum tussna n tamazight u teddarem min syidden imeghnas xaf s itoanen amerdvas idv d wass, qa neccin imsefliden netraja zzay wem ad irin ipallen deg wraq nessen u day sen min gh ad ntesra x wamur  nnegh. Iixessv war nsexnunnus awal uca ad nettvar ghar tinnurt. Ad  sneqqar qa nteg ict  n tghawsa d lemlih nigh qa tecna maca upu war yeddji bu am nni ittnunucen di taddart n Lebbripi, u manaya marra xaf k a studyu (7) amalas ikmer day s kradv n wussan d isebbhanen umi qqimen zeg wmalas ghar i farjujen war rassqen deg wzellif ura d itaffrect, maca n tettar zay wem ad tseggdem ameddur n wem i tamazight d imazighen ghar wem itesran mkur ass.

Ddanmark, 21-05-2002

 

 

Copyright 2002 Tawiza. All rights reserved.