Uttvun 68, 

Meggyûr  2002

(Décembre 2002)

Amezwaru

 (Page d'accueil) 

Tamazight

May ira weghlif n walmud i tmazight?

Agdud n tghessiwin

Werss...!

Tira

Yat tebrat

Amenugh

Cfa zeg itves

Netc tqrrigh awen

Sidd aneli

Yan mayd ur illin

Français

"Attajdid": un journal caduc

Marghighda et les Latifs de bois

De la nécessité d'un parti politique pour tamazight

Le processus des larmes

Et les arabophones?

Un mot que je dois dire

العربية

ماذا تريد وزارة التعليم من وللأمازيغية؟

الأمازيغية بين الإقصاء والتوظيف الانتخابوي

الحزب الإسلاموي يعلن الحرب على الأمازيغية

بيان مكناس وعملاء القومية العربية

فتاوي قنديلية في الحروف الأبجدية

عن النزوع الأمازيغي وهفواته

احذروا التعريب والاستعراب

العرب والتاريخ

رد على مقال

قراءة في الحكاية الشعبية الأمازيغية

بين القبلية الأمازيغية والقبلية الحزبية العروبية

 

 

 Tira

Yura t: Mimun Amsbrid (Biljika)

(I Hmed Zyani, yesneddun tamazight)

War yedji d axeyyeq _

Marra iwdan txeyyyiqen

War yedji d anecredv _

Marra wi s yufin yetnecriredv!

War yedj d axarres _

Mani yedja wen war yetxarrisen _

S nnican nigh s usefregh!?

War yedji d razv ura d ajawen

War yedji d mezri _

Iwdan marra ssitimen!

War ghar i ca ad t’ inigh

I yewdan war t’ ssinen

War ghar i bu tibratin, inu wapa, ad tent ssekkegh

Ad tent ssiwdvegh i yewdan

Bac ad tagh ad sen tcen.

Amacnaw marra iwdan: dvssigh, txeyyiqegh!

Amacnaw marra iwdan : trugh tberripegh!

Itiri d ayi wmnus

D mezri, ssitimegh!

War yedji d aya, ura d uyin

I d ayi yejjin ad arrigh.

Axeyyeq d uberrep

D tdvessva d imettawen...

Inni mghar d taghrvawin

Teggegh tent i wawaren_

Awaren n yemma, bac war tweddviren.

Inni d tiracciwin tettvfegh d aysent awaren

Nigh inni d izerman n tseddyin n wawaren

Ssadafegh ten d tidmamin, huma war tnuwwicen.

Ad qqimen munen di min d yegguren.

Yemma tessiwdv ay ten d s yires

Nec di tira ad ten smunegh

D tira i ten ghad yehdvan

War tweddvren, war tmendvren

D tira i d ghad yessufghen

Azvri i d aysen yedjan.

Awarni umi tugha tcuni nsen deg izran

S tira, i ghad yadfen deg idva

War tghimin n yidv nnat.

 

Nec war xsegh ad irigh amacnaw imenza

Ssiwren irs nsen, uran s yinnidven

Ardvren irsawen nsen

I wawaren n midden:

Xarrsen d aysen, ucan d aysen

Nnan d aysen, sghuyyen d aysen

Kkin wussan, usin d wussan

Itwawcar wawar nsen

Twawcaren ixeyyiqen,

Itwawcar usitem.

Yetwattu bab nsen

Nigh yedwer d wennidven!

Jjin anegh d iyujiren,

War nessin wi negh yiran

Teqqnen anegh ghar wa, teqqnen anegh ghar win.

 

Tira inu d tiyujirin_

Maca rux ad msarrawent!

Tira inu d timezvyanin_

Maca rux ad yment

Ad arrigh huma ad irigh

Ad ksegh timennawin.

 

Mimoun Amsbrid, Biljika, 25/10/02.

 

Copyright 2002 Tawiza. All rights reserved.