Uttvun 70, 

Sinyûr 2003

(Février 2003)

Amezwaru

 (Page d'accueil) 

Tamazight

Max tsul tegdelt n izewlan imazighen?

Imazighen n Lmughrib

Tikli n walutv agd bungal Buzeggu

Agdud n tghessiwin

Yat n tebrat

I Mimunt umi turi

Attvan n usoarreb

Tamazirt inu

Asekud

Fus inu

Tissas n wawal

Awal

Français

Hourvari morbide d'"Attajdid" autour de la graphie

Le gouvernement Bouteflika

Faire honneur  amazigh, notre grand-père

2M TV et tamazight

La lettre 'O' en tamazight

La délégation d'Errachodia sort de sa caverne

العربية

لماذا الاستمرار في منع الأسماء الأمازيغية؟

حول اعتقال الأسماء الأمازيغية

الحزب الإسلاموي يحيي الظهير البربري من جديد

عندما يرتهن قدر المغرب بمصير الأمة العربية

استحالة تقعيد الأمازيغية باستعمال غير الحروف اللاتينية

عن النزوع الأمازيغي وهفواته

عن تعريب الأرض والإنسان

ميلاد مدينة الحسيمة

عبد الكريم الخطابي

أبو لهب ليس جدي

المعهد الملكي في مفترق الطرق

بيان لمجموعة من المثقفين الأمازيغيين حول الحرف

بيان استنكاري من النيف ضد أصحاب التجديد

أمازيغيون من ليبيا يهنئون محمد شفيق

إصدارات جديدة أخرى لمكز طارق بن زياد

 

Imazighen n Lmughrib

Tura t’: Mayssa Racida (Bentveyyeb, nnadvûr)

Mahend ad niri itxessva negh ad nanri, u mahend ad nanri itxessva negh ad  nari. Wen yesqaren oemmars ad yessen ara ad yawedv mani yexs. Suya necc twarigh mara war nuri neccin x yexf nnegh ma netraja  ad d asen zi mani huma ad x anegh arin nigh netraja ad yewdva wûregh zeg wjenna amen neccin nettvesv ad t’ nerqa. Mani tedja twuri n usegrew (travail, rassemblement) tugha zi zic ghar inuba nnegh zzay s tarezzvan idurar, zzay s iwyen d tirelli i tmûrt i nufa neccin i nezdegh neccin mebra tazzra n idammen, mebra imenghan. Inuba nni i d yejjin tamunt d tawiza di marra iyran n tudart. Mara regnus ssvurufen ghar zzat di tyumi d talghut (information), wanita i yesseqdacen timizar attvasv zi tmesrayin nnedvni qao, arni ghar s tawesna d usermed i netwara tmarni di tmazirt nnegh asseggûs awarni wsseggûs. D taguri d d taqubbanect yesseggûren tamazirt nnegh ghar deffar nigh s tghuri nnes yesseogizen tejja iwed yeggûr itennedv di tqularect d nettat d icten. Marra timsal a tarrant zi tmazirt ghar deffar u s manaya ad tfaq ijj n wass ad taf ixf nnes yescemdv it wakud di nedja ruxa.

Zeg ughezdis nnedvni, timesrayin d imxumbar i d idaregh nitni s yixf nsen ddakkûren d ijj n uoani i wmezdugh n tmazirt a mahend ad yeffegh ad ioarq mani mma d minzi mma. Yarezzu di regnus ad yarber arbar (travail) nni war yufi di tmurt nnes. Yarezzu ad yesghar tarwa n regnus tighri nni yemmuten di tmurt nnes. Yarezzu aodar d tyumi i regnus s marra min ghar s d tizemmar maghar tamazirt nnes war d as tewci tnufsitc i zi d mani ghad yesdvuqqez marra tizemmar nnes u ad yawedv ad issviwedv tirja nnes d tinni n tmazirt, maghar tmazirt tsekka x umezdugh zzay s i ghad tgeooed zzay s i ghad tewdva. Ass a nufu d mkur ijjen ifarrey azzay n taddart nnes wapa, wennedvni ad t’ yecc zman s marra min yecti wawar n zman d raggûj ad t’ yesseghri. Maca wi yennan izref a, wi t id yessarsen? Ma d tamesrent? Ma d tadimuqratit? Ma d tiseqqar n ufegan? Nigh d izref n tmazirt wapa?

Attvasv d iseeqsan mkur ijjen zeg mezdagh yarbuten x weorur nnes yarezzu yasen x twarriwt, maca ma ad t yaff nigh tghima rebda u am rebda wapa?

Afegan amazighi axmi “amazighi” asemqar a yeks as tameggit n umughrabi, amazighi yennuri di tyumi. Awar a war xaf s itesri mghar zi tafernt (élection) ghar tafernt d awar nigh d tanebdat mahend mkur ijjen ad yawedv min yexs zeg ruqaq n uzaraf (jugement) ma x tmurt n tirawt oemmars ad yiri ca am rebda wapa. Amec amazighi wcin as tasghart di talgha n lmughrib am yijen weydud yudef d zi ca n rgens wapa, ca n timmar n “wazul” d reghnuj am axmi aydud a yecca yeswa yghra yessen war ghar s bu yemxumbar. Arni ghar s tilizvri (télévision) y yedjan d tisit n weydud tmazight mmewcen as ineghmisen yudrusen deg wmadval qao azyen ineghmisen nni x tmura n barra d yemxumbar nsent axmi iwdan nni imazighen i yedjan ires nsen walu ghar sen ineghmisen i ghad yetwannan. Mara tittvant itwaggen i ymezdagh n tmazirt a n Lmughrib amec d yusa x yirs n Ttufali Ttvpar teqqar lmughrib (??) i tegg 90% n imazighen, imazighen a ghar xezzvaren am ijj n weydud yudef d ghar tmazirt s tseqqar d tmewca ya d as yemmewcen ad day sent yeddar. Yuss d x yirs n yemgharen i tugha yeddaren ak uhewwas asebbanyu min ghad inigh nnan x as: belli tudart ak usebbanyu s marra min tugha day s twafit n izvbazv (possibilité) d tazyudvi n tzeddight s marra min yeyru wawar a n timsal yif tazeddight a umi neyyura, nteddar di walu, ntayem d zi walu, neswazzvadv ghar walu...

Ghar uneggar xsegh ad inigh awar i zi ssentigh u aqa oemmars ad tafed ca mebra ma ad xaf s tarzud nigh ad tawdvev mani mebra ma ad tuyûred..

(20-9-2002)

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Copyright 2002 Tawiza. All rights reserved.