Uttvun 82, 

Sinyûr  2004

(Février  2004)

Amezwaru

 (Page d'accueil) 

Tamazight

Imenzayen n "Tsertit tabarbarit" tamaynut

Mayd msen imazighen?

Xminni tudart teddakkûr d tira

Ixfawen n umazigh

Tamxsuyt

Abrid g nteddu

Tagharrabut n tadjest

Neccin d isudjas

Aghuyyi

Tafuyt

Sal, sal...

Ixef nnek a yaseggûs

Français

Imazighen de Hérodote(2)

Visite à une classe de tamazight

Point de vue d'un amazighiste

L'amaighité est un otage

Ainsi parlait le Sud-est

L'être à l'autre rive (2)

Aheddawi

Mohammed Choukri est bien connu  Rome

La reconnaissances des berbères de France

Sauvez les sites touristiques

Communiqué du MCA

Communiqué du Mak

Communiqué de Tilelli

Communiqué d'indignation

Communiqué 2 de "Azemz"

L'association Ziri

العربية

مبادئ السياسة البر برية الجديدة

الظاهرة الظلامية

الريف بين الهجرة وتشتيت الجماعات

آثار القلاع المحصنة بالأوراس

لسنا شرقيين ولا غربيين

هل هو السهو؟

نقطة نظام

جمعية تانوكرا تحتفل

بيان جمعية تانوكرا

إخبار لجمعية إزمز

بيان للحركة الأمازيغية ببرسلونة

بيان جمعية تاماينوت بإفني

بيان الاتحاد الوطني لطلبة المغرب

بيان الاتحاد الوطني لطلبة المغرب بالرشيدية

الحركة الطلابية الأمازيغية بوجدة

شكر وامتنان

تهنئة

تعزية

تعزية1

 

 

Ixfawen n umazigh

Yara t: Mimun amsbrid (Biljika)

 

Ijjen yixef:

Taddarin twettvant,

Igermamen teqquren,

Izveghran nnegh tazghen,

Ijdvidven tgujen,

Imughar tmettan,

Nigh s tewsar tbupruyen…

 

Mana wya?!

Mana wkud a i di d usigh!?

Usigh d ad ddaregh?

Nigh ad nedvregh tudart?!

Razv yekk d ssa,

Kkin ssa imenghan…

Maca war ggin min ggin isuggusa yad!

Iwdveghd aked ughelluy :

Ma ad ghelyegh, ma ad uyuregh ?

 

Ixef nnidven:

Ur tmettigh ca!

Ad uyuregh!

Ad uyuregh maca ad d dewregh!

Ad uyuregh huma ad d dewregh!

U waxxa war d dwiregh, ad ddaregh.

Ad ddaregh mani nnidven,

S ughir, s uxeyyeq, s imettvawen…

Maca ad ddaregh.

 

Ad ddaregh x wedwar,

Xf tirja n wedwar.

U imara war d dwiregh…

Ad sdewregh!

 

Ad d dewregh!

Ad awyegh aman zi manis ur llin,

Ad carzegh iyyran nnegh,

Ad zzvugh azemmur,

ad zzvugh tasrighwa,

Ad farsegh urtan nnegh,

Ad zbaregh tazayart,

Ad ysigh car i tzeghwin,

Ad ssarghegh tfawt,

Ad tagh ixxamen.

 

Ad uyuregh!

Ad uyuregh… maca ad d dewregh!

Ad awyegh d tfawt,

Ad azzregh x tillas nni da izedghen,

Ad arwren ibexcac n tallest,

Ad fardvegh ixemrawen,

Ad ssighegh timessi di ycuman n ixarriqen,

 Ad tedduqqes tidet: d attvas urid d icten.

Ad nnurzment tittvawin x tmurt, xf ujenna,

Xf yilel, x wazvri, x tcuni,

Xef tudart – da: urid mani nnidven.

 

Ad d dewregh!

Uyuregh… maca ad d dewregh.

Ad henncegh andver n baba,

Ad xaf s ksegh asennan.

At’ hdvigh zeg ussan,

Ad arcmegh di tudart, di tmektit n yewdan:

War yetwikkes, war yetwattu,

War yeddikkîr d car.

 

Ad d dewregh!

Uyuregh… maca ad d dewregh.

Ad kidi awyegh tira,

Ad zzaysent negg min war neggi:

Ad zzaysent necref awaren nnegh - war ttviwen,

Ad arrigh ismawen n yiyyran d ighezran,

Tiziwin d idurar, tisuwwa d tiyusar…

Ad ten arrigh amen d usin xf yires n yemma:

War twiffzven, war tefrighen,

War ten ucaren warsawen n yina d yinin.

Ad inigh ixf inu s wawaren n tmurt:

Imara nitni udrusen,

Aya zeg wya ad ten d ssarwegh:

Amen itemsarraw imendi, temsarrawen yeynidven.

 

 

 

Ad d dewregh!

Uyuregh… maca ad d dewregh!

Imara war d dwiregh, ad fesyegh d awaren,

Ad ten yeysi wadvu, ad ghemyen da, dipa,

Waxxa acar d amessas,

 Xaxxa tafuct d tasemmadvt.

Xaxxa d gha ghemyegh d asennan n ntzeggûrt.

(Mimun amsbrid,13-16/09/2002)

 

Copyright 2002 Tawiza. All rights reserved.