Uttvun 85, 

Semyur  2004

(Mai  2004)

Amezwaru

 (Page d'accueil) 

Tamazight

Max imughrabiyn tiffen innidven deg wsiwef islamawi?

Tizera i wessefru n leswran s tmazight

Lhusima ma d tameghrabect?

Tughallin n umusnaw

Mlilij

Taghuyyit n umcumer

Imzuren

Jar u jar

Ider

Tidett ur sar temmut

Asounda

Kradv itran

Uma g Arrif

Timmuzgha

Zvrut

Ur ipenna wul

Tabzvizvt d twettuft

Asefru

Français

Peut-on expliquer l'amazighité à un parlementaire?

A la recherche du sens perdu

Obscures divagations en plein "Innahar"

Le tourisme à Alhuceima

Quel avenir pour l'urbanisme à Alhuceima?

La discrimination reprend du service

Lettre à l'autre rive

Tifinagh-Ircam

L'islam politique au Québec

A monsieur le directeur de 2M

Plainte contre l'État marocain

Lettre ouverte à J.Chirac

Mallal et sa soeur Fatima exposent

العربية

لماذا أصبح المغاربية يبزّون غيرهم في الإرهاب الإسلاموي؟

من المقاومة الريفية إلى الجمهورية الريفية

صناعة الهوية

أشكالية خطاب الذات

مقامة التعزية في قمة تونس العربية

في معنى كلمة أمازيغ

بلزمة عبر العصور

أزمة النخبة المثقفة

صحافة الكارثة أم كارثة الصحافة؟

نظرية التعدد الإثني لشل التاريخ الأمازيغي

أنصفهم يا تاريخ

الإرث الثقافي احيدوس

لقد مللت هذه الاستفزازات

الشاعر لوسيور

حول حكاية تاسؤدونت ن يسنضال

مجلة العربي تسرق نصا من تاويزا

تحية للمرأة الأمازيغية في عيدها الأممي

طلب فتح تحقيق

جائزة الملتقى الثالث للمسرح الأمازيغي

إلى نوميديا بمكناس

بيان لجمعية تاماينوت

الاحتفال  بمعركة بوكافر

تأسيس جمعية آيث عبد الله

أنشطة ثقافية بثانوية الخوارزمي

الجمع العام لجمعية أناروز

تعزية

تعزية في وفاة عبد الله المؤذن

 

Lhusima ma d tameghrabect?

Tura t: Mayssa Racida EL MARRAKI (Bentveyyeb, Nnadvur)

Yeqqar ijj n umedya: "Ya rebbi wcc ayi drus n rattvan huma ad snegh reodu zi tawmat inu". Ammu i temsar i Lhusima rami tt yewta usenduddi n tmurt ass n 24/02/04. Yewcc as arebbi rattvan uca tezvra reodu, tezra tawmat.

Mara nuss d nessefsi talghut n tmurt nnegh yedrin (marra) ineghmisen i d tessiwedv zi Lhusima, d amezwar aneghmis n warjij n tmurt tenna t’ id Fransa di arradyawat nnes, tenna t’ id Sebbanya. Maca yarradyawat n Lmughrib dja oad ttvsen. Maca ttvsen x uneghmis n Lhusima wapa. Yennedvni oeddun d, war ssinegh min dja trajan oad ad yarjij i d ghad sseodun aneghmis, nigh ar ghad watvan marra idurar n Arrif ad dewren d rewdva x imezdagh nsen, u mara yeffud ca n yijjen i yneghmisen x Lhusima(marra iwdan ffuden) ad iraja ineghmisen n uoawed mkur ijj n wawlaf ad yeodu deg ineghmisen n 13 h ad ioawed deg (arwas) n uneghmis n tmazight ad itwaoawed ghar 20 h. Min yejjin marra imezdagh n Arrif, aryazen d timgharin uyuren ghar Lhusima mahend ad kksen
tifeqqeht n uneghmis u ad nedvren wi yemmuten ad xebcen x wi yeddaren ad seccen yenni yedjuzen.  Ggguren xef redcur d idurar. Deg wakud a, rmexzen dja yarezzu di (lxaritva) mani d tussa Lhusima d redcur nnes yetwattun  arami dewren ineghmasen n utilibizyun n Lmughrib war ssinen ad inin isemqaren n redcur amec djan, amec war ssinen mani d usin.

 Ssenni rami ssentan rwacunat mkur rwacun ibettva reowetc n taddart nnes ak yayetma s n Lhusima, yenni issakkûdven ufin imxumbar ak ubrid minzi ireqqa ten d rmexzen u ytekkes asen tighawsiwin i tawyen i Lhusima d redcur nnes arami dewren tekken ibriden n ucar d tourar tnarwaren mahend ad ssiwdven aswizi nsen ghar ifassen n imehdaj. Dewren kessin aswizi axmi kessin (trabandu) ghar Lhusima. U manaya awarni wami iqidvan i d yusin zi regnus d uswizi d dduri yedwer s watig n 500 dh i wqidvu n 100 dh i rkarcet min d yusin mebra watig ad yemmewc yedwer s watig yetmenza, u min war yemmenzen yetwacar yetwabdva jar imdvebren d imassayen, ina umi yemmut yiman, yemmut wur, min yejjin aydud n Lhusima temmarni tazzit jar as d d rmexzen. Arni ghar manaya marra nezvra dduri i d yusin zi Tvanja mammec yegga d mammec yecna maca min yetwabdvan x redcur d iqidvan d dduri war yecnin war itarin azghar, maca war nessin manis yekka dduri yecnan? Ura d mani yetwabdva??? Amenn d yetwanna di 2M min d yusin xef yires n uneghlaf n ugansu Nabil BENOABDLLa di wis 6 n wussan awarn i trata abarcan belli 5000 n iqidvan ig itwabdvan xef imezdagh n Lhusima d redcur nnes, mani dja d yenna deg wawar nnes nnedvni belli Lhusima day s 400000 n imezdagh umi 5000 zedghen iqidvan,  i 395000 mani ghad zedghen mani ghad ttawan deg unzvar d wedfer???

Deg wakudv d ijjen mani imezdagh n redcur n Lhusima arezzun sqadan ghar mika mani mma tedja tnuffaren day s yenni i tt yufin ma yenni di redcur yigwjen ghar barra zedghen sadu tseklut zedghen deg unedrar s razv d fad mebra yarrudv mebra dduri. Iwdan i d yusin zi regnus ad swizan war ufin min gh ad ggen, war ssinen mani gh ad fghen, min yejjin iwdan mmuten s wattvas awarni warjij  s tesmedv d razv d fad war yedji s warjij wapa arami dewren ayt bab Lhusima marra s yijj n wawar qqaren: War teqqes tenni yegga yarebbi anict
teqqes tenni yegga rmexzen. Rami dewren zeg ughezdis nnedvni xezzvaren di tudrin qao twacarent u nitni rpan ak unuri d reprac i day sen yejja warjij n tmurt. U manaya yeddakwar ghar (raman) war yedjin di Lhusima. Tetwagg ssiba nnedvni d tamaynut deg wagra d tidi n yewdan. U attvas zzay sen d imenneoraq yezvwan ghar barra war zdighen axmi war djin ioessasen d imxazniyyen axmi djan, min yejjin ihidriyyen n Lhusima temsedwaren xef uoessi hettvan agra n tmurt nsen. U tamsalt a tawey yayi ad oawdegh tanfust temsagar ak warjij nni n tmurt i twara tamezwarut nettat: Rami ssentan isebbunya xebcen xef yewdan sadu tudrin yepruran bedden yitvan ghar ict n taddart mahend ad xaf s xebcen ad ksen iwdan yemmuten, ssiwren ayt dcar nnan ase belli taddart nni war tezdigh ca, ayt bab nnes aqa yen deg urubba, maca waxxa yamenni isebbunya nnan asen: Aqa itvan war sxarriqen, aqa da iwdan mmuten di taddart a, umi gh ad xebcen sgeodend min d sgeoden ssentan tafen iwdan ufin amezwaru, wis sin… wis krad… arami d ksen 7 n iwdan, 7 n ihudreyyen ufin ten dja tacaren taddart nni deg wakudv d ijjen rami tarjij tmurt teghdver xaf sen taddart nni s min day s. Min yejjin isebbunya toawaden nnukta ya yessedvsan isrun ticti d icten.

Ad yiri nnigh d drus zeg wattvas n tidett d tirawt n Lhusima. Necc da temseqsigh mant adurri xef ssawaren yedjan sadu iqidvan d mika d tseklut ak wedfer yegga tiourar d wenzar itawdven 60/70 m?? Mant raman d yidves ak tukkardva d usuggi n imacaren x wagra nsen?? Ghar uneggaru afcad inu i marra tawmatt nnegh di lhusima, afcad di yenni yemmuten d yenni yeddaren.







 

 

 

Copyright 2002 Tawiza. All rights reserved.