Uttvun 86, 

Sedyur  2004

(Juin  2004)

Amezwaru

 (Page d'accueil) 

Tamazight

umi itwagg usinag n tussna tamazivt?

Ibriden n urum

Mayd as ran i wmazigh?

Adellis s tlimant xef tmazight

Tutlayt nnegh

Ur batvegh

Izmlan

Mlilij

Mlilij1

Righ...

Taziri

Lemmi

Lmughrib d tammurt d tamazight

Français

Un bla-bla qui trompe ses auteurs

La caravane à explorer le temps des imazighen

L'amazigh se met aux NTIC

Militantisme amazigh

La soupe de la coupe du monde

L'exigence amazighe

Quel bilan pour l'enseignement de tamazight?

Le silence des agneaux

Action judiciaire contre le ministère de l'éducation

Plainte contre le ministère de l'éducation

Halte à la répression antiamazighe au Maroc

Les  barbares

Bouwkeffous

La fête du travail divise imazighen

Le MCA du sud marocain célèbre le 1 mai

IdBelkacem représentant de l'Afrique

Lettre à l'ambassadeur du Maroc à Paris

Communiqué de l'IRCAM

Communiqué du Mak

Tamaynut dénonce

العربية

من المخاطب بظهير أجدير؟

القول الفصل في ما قالته حذام المغرب

التاريخ الأسود للأمويين

الظهير البربري

مولاي موحند

المواطنة في المغرب

الأمازيغية في مؤتمر الجمعية المغربية لحقوق الإنسان

هل المعهد الملكي تعويض عن سنوات النضال؟

حوار مع المناضل بوشطارت

المعهد الملكي للثقافة الأمازيغية

تاكورت: جرح أمازيغي غائر

من أجل حركة أمازيغية تصحيحية

بيان بمناسبة فاتح ماي

بيان الاتحاد الوطني لطلبة المغرب لوجدة

بيان حول الاعتداء على طلبة اكادير

غضب أمازيغي بأكادير

بيان استنكاري

بيان تنديدي

بيان جمعية تانوكرا

بيان لجمعية تاماينوت بفرنسا

بيان المجلس الوطني لتاماينوت

بيان الاتحاد الوطني للطلبة بأكادير

بيان الحركة الأمازيغية بالجنوب

جمعية أزمز تحتفل

جمعية تامازغا بالعروي

 

Ibriden n wrum

Yura t: Mimun Amsbrid (Biljika)

Kker ad narri! Nec, ijen wawar, cek nigh d cem, ijj n wawar; ghari, gharek/m, huma nessoufgh it ghar yijj n wbrid. Nigh huma yuzegh unessis n wawren.

Ca n twaratin, war ghari itiri min ghad arigh… nec tixsegh ad arigh! Tasent ayi d tira d timezwura, ixf inu yeccur s wawaren, maca war ghari min zi ten ghad ghensegh aya ghar uya… Ad ten d yregh amenni wapa mbra tasghunt n ca n yizri nigh n ca n tnfust, amacnaw tidmamin n tseddect nni iqedvwen, ad as tinim min yughin wa: ma yetjifjif nigh?!… Uca Kkaregh tmudvegh-fessyegh…

Ass ad, tugha ggigh ur tarigh ca… Nec gguregh aked wbrid, nec  ad acigh aked yijjen sin n wawaren mghar tmudjughen dayi: imicar n wrum!… Iwa min ghad ggegh? Aqa itxissva ad zzaysen sarwegh firu n ca n tnfust bac ad ten days ghensegh, nitni d wayraf n wawaren i dasen itenndven di tectawt inu!

Iwa min tennid? Ad kidi tarid?…  Min xafek/m d ssdvaran imicar n wrum? Mani tzeddghed, ad ac/m inigh! Deg wdrar nigh di temdint? Imara deg wdrar, aqa twarid min xef ssawaregh… Ca n tmeddit n wnbdu…Tezzredv xf worur deg wndrar, xef taqqa; ancer n wrum xef ubadu n undrar ytissiq adu tfawt n tziri… Iwdan ttvsen, advu yarsa; ajenna yudjegh, yiggêj, d azeyza ca n tuzzeyzewt tfsus, tudfit tmrer; itran anict n isvnnajen; jar ytran imuzzuren, itran izzdaden amacnaw taqqa n wrum ccuren ajenna… Tittvawin ggur ad qqnent, tsêkkdvedv deg wjenna, ttarjid ajenna…

Ajenna yebdva deg wzyen: yebdva t ijj n wbrid n yetran, ca d amuzzur am urum, ca d azzdad am taqqa d tizzin, zi yeffus ar zermedv: abrid n imicar n wrum! Amacnaw abrid itawyen ghar tyart deg wnbdu: yessu s wrum. Tiracciwin n wrum, ict tdveffar utcmas, ssuyusent rum awarnasent, yetghima yegga yabrid n urum: d abrid d ijjen, zi tmurt n tiyarza huma d adrar, mani djant tizeddagh. Abrid n urum di tmurt: abrid n wrum deg wjenna! Di tmurt, abrid n ayt bab urum; deg wjenna, abrid n imicar n urum. Ajenna d tisit n Tmurt, Tamurt d tisit n wjenna! Tittvawin azyen-qqnent, jar wabriwen, ttwarid imicar n urum: ticri tfsus, isvuraf d imiriwen, ijjen wdvar itawedv car, ijjen war t’ itiwedv, ighadjen nsen yemmuden ttvfen di tracciwin udvuf n udvarghar; tighessawin n yeryazen d ikidvaren tazrent s tidi; awar war yedji: war ttsrid mghar i wsudvi n wanzaren n ikidvaren d tusut n yeryazen: imicar n wrum tmarran ad awdven huma war d xafsen teggar tfuct. Imara teyred xafsen zzat ad awdven, ad ten tessefsi, nitni d ikidvaren nsen, d tiracciwin n wrum: ad tafed ca war teggin: ad tafed amxmi oemmars war ccuren tiracciwin, war tent ghnisen, war tent zeyyren s tmezwarut d tmeggarut huma war twettvint xminni taryen tsawent nigh ttvaren taysart…

Tiwecca, xminni  ghad tyar tfuct, xminni ghad irin iwdven nigh fsyen imicar n wrum n ujenna, ad kkren ayt bab n wrum n tmurt…War tmsehriten, war temsezrin, war tmsiwidven; maca ssnen ayawya zeg ibriden n wrum yetghiman awarnasen: deg wjenna ghar yina, di tmurt ghar yinin.

Di tmurt ad, ca yeqqen ghar ca, ca itemsvawadv aked ca, ca d tisisit n ca, ca d tiri n ca… War arezzu ad tebdvid huma ad tessned. Imara tebdvid, imara tqedvwed, imara tfsyed… war ttsned! War bettva jar ujenna d tmurt d yewdan d wawaren: da, war tzemmred ad tessned udem zi tisit…

Jar wabriwen inu yettvsen, twarigh ten deg wjenna, aked wbrid n wrum: baba, s whfad nnes n tinghi itizzaren-yetyuran aked isvuraf yetmarran, atcamer yudef deg whfad, iffassen dvefsen ar taghmart n wghir, yezruza azedjif nnes zi twarat ghar tennidven huma ad yeghdver tidi, bac war as ttidef di tittawin; s ufus azermadv yettvef di tracca, s wenni yafusi yeccat asrrankem n tsardunt nnegh tacemratc ca n tiyyita fsusent: _ rra a yedji, rra! Badi n Hemmu awarnas, itmughzar aked tracca nnes: asardun nnes d azeyrar, netta d amudrus, d aqudvadv. Yessawar ghar baba; baba war xafs itarra: yessen billa Badi itexs ad yessiwer uca yessawar, wardji yexs ad yini ca! Hemmadi n Qeddur, awarnasen ghar aggwaj; yessapnaci deg wghyur nnes abarbac, ict n twarat ad yacem deg wghezdvis, ict n twarat ad as yewc ict n tighrit ghar wddis: rra a yamareymu ya! ma neccin ad neqqim d imeggura n yewdan marra nigh?… Ad yessudv wghyur  n Qeddur s wanzaren, ad yeg amxmi yuzzer cwayt, maca war itekk ca uca ad yettu, ad yedwer ghar ticri nnes yezzupnen. _ ayenni ghad tegged!, ad as yini Qeddur. Ad yessek aghir nnes xf wghmbub: tidi tteg akids ighezran. _Rra a wen i dayi gha yenghen! Baba yessen billa Qeddur war yedji di ca. Xminni d as itarra taynit itarezzva d ghars: Qeddur das ur, ad xafs tekk ca n tijnewt, ad anegh yemmet aked wbrid…

Abrid n wrum d tayffart d ict n tracciwin, zeg wzghar ghar wdrar… Rexxu twarigh ten, jar wabriwen inu yeqqnen: d nitni: Qeddur, Badi, Baba, Mmuh u Oollal d marra innidven, s isvuraf nsen imiriwen, yefsusen, s ighadjen nsen yemmudven, s ihufad nsen n tinghi i di yetsudv wadvu n ticri yetmarran… twarigh ten s nnej inu, deg wjenna, aked wbrid n imicar n wrum. Tsrigh i tusut nsen yudjghen, i wsahrat n ikidvaren nsen…

Yekka xafi yidves, msagaren wabriwen n tittvawin inu, yemsagar wbrid n wrum n ujenna aked wbrid n urum n tmurt, fsyen di tirja inu n unebdu.

Kkigh d ssad d ssipa d…

 

Copyright 2002 Tawiza. All rights reserved.