Uttvun 87, 

Sayur  2004

(Juillet  2004)

Amezwaru

 (Page d'accueil) 

Tamazight

oli ãidqi azayku

Talalit n umjun

Mazuz

A yayllid

Arrif jar tawaghit d tafuli

Tufkin gef isserrifgen 

Ulid s wul inu

Lallas n tidbirin

Asmuymen

Français

Térence et l'héritage amazigh

La question amazighe et la constitution

L'arabe, emblème d'un apartheid linguistique

"Les yeux secs" entre amateurisme et manipulation

Ainsi parlait Dadda!

Berbère télévision et imazighen

Militantisme amazigh

Pourquoi ne pas dire la vérité?

Non  la violation du sacro-saint pacte de timmuzgha

L'élite de Fès

Grand-mère courage

Festival nationale du théâtre

Awal

Le prix internationale du roman

Appel à communication

العربية

علي صدقي أزايكو

مصحة اللسان

هل عشنا غرباء؟

الهوية وطنية

من يريد تحويل المغرب إلى ولاية تابعة للمشرق

حول مقال العشّاوي حفيظ

يهود تنغير

الجنوب الشرقي

ميثاق المطالب الأمازيغية

نقطة نظام لا بد منها

قافلة تيفيناغ

الأمازيغية والجهة

شراكة بين المعهد الأمازيغي وديوان المظالم

رد على مقال تاماينوت وكردستان المغرب

من أجل تجمع ديموقراطي

جمعية تاكمات تندد

بيان تنديدي

بيان مجموعات العمل الأمازيغي

بيان تانوكرا

بيان إلى الرأي العام

تعاز

تهنئةٍ

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Mazuz

Yura t: Mimun Amsbrid (Biljika)

Mazuz d ijen wdrar zeg idurar n Arrif:

Idvaren deg waman,

Azedjif deg wjenna.

Tighardvin iriwint,

Iri nnes d azeyrar.

Ighezdvisen qquren,

Ifadden d imeghta;

Aghembub nnes di tfuct:

Tiri war xafs ca.

***

Mazuz d ijen wdrar,

Di tmurt nnes yewta,

War yessin amuttvi,

War iteggêd, war itider.

Imara yessudv d wadvu,

War zzays itiwi ca:

Iticca s idmaren nnes,

Itarra t’ mays d yusa:

War itider, war ixennes,

War yeddikkîr ghar deffar.

***

Izzvifen n uMazuz zeg ineppimen n wajjaj,

Awaren n uMazuz zeg wadvu deg ifran,

Xminni yessawar, d tamurt i yessawaren.

***

Irs nnes war yemsebdvi,

Incucen war tnedrifen.

Awar nnes yefra,

War yennidv, war yarriz.

Iteffegh d zeg idmaren yarghin s tudart;

S warcti n tidet yetwagw wawar nnes.

S wntun n arrimet tinbiyen wawaren:

Tarzvigen nigh tizvidven  - oemmars war temsisen.

***

Awaren n uMazuz dduqzen d zeg ydmrawen,

Amacnaw tariwin, amacnaw inssisen.

War djin d arettvar,

War djin d imarwasen,

Usin d zeg idv nnat-

Idv nnat i yigwjen;

Qqimen taryen-ttvaren jar tiziwin d ighzran,

Jar imawen d izilalen,

Jar imura d isummar.

***

Zzaysen i yessiwer Btulimius d Abuli,

Zzaysen i yesmun uMasin iryazen,

Zzaysen i mmenghen tarwa nnes d wayyawen,

Zzaysen i yekkûr Yughurtva Irumiyyen,

Zzaysen i yezzenz Bukkuc advekkûr,

Zzaysen i ybarreh Ziri d Yeghmurasen,

Zzaysen i itizzvif Tjedjit n Wdrar:

Ffghem a yeryazen!

Mmtem x tmurt nwem, imara txsem ad teddarem!

Zzaysen i ssiwren ijedjad,

Aked waydud n imazighen;

Ssiryen tigelditin,

Nnan: ssa i nedja!

***

Ffghend zi tmijja n Wmghar Muhand Amezyan,

Deg wass n Tmzida, s tmulla tudumen :

« Wen yexsen ad yeddar, yeffegh – war xafs ca !

Wen yexsen ad yemmet d amjaped, ibed da ! »

***

Ghar Tasirt n Wghbal, umi yesmun tiqebbal,

Zzasen i yessiwer Mmis n Oebd Krim:

Kkrem a yeryazen ad tewtem x ucar nwem!

War tedji d tudart, tudart s wadday nsen!

Zzaysen i ysghuy Muha u Hemmu n Zvayan:

Imazighen n Watvlas beddem xf idvaren nwem!

Afransis yir ad yawi lalla tamurt nnegh!

***

Zzaysen i yemmudv izran nnes Umedyaz,

Zzaysen i turja tahenjirt ahenjir,

Daysen i tessyem yemmas, mmis ar d yemghar,

Teggas «pella raru» di tbambast n tajerst,

Tessecna s ghar ujenna itran d taziri:

«Sst a mmi, sst a yedji,

Babam war da yedji!

Yezvwa yajemmadvin: war ssinegh min d gha yawi!»

***

Zzaysen i tettru tmghart aked tasirt;

Deg ur n tallest tettru - 

Tettru x wxxam nnes:

«A yur inu mmi,

A wen ndvregh nnit,

Ksegh aryam n wûrgh,

Arrigh din tawaryit,

Ksegh aryam n ûrgh,

Arrigh din tawaryit…»

***

D nitni d awaren imezwura i zi ssiwregh:

Zzaysen i yarzugh x waman d wghrum,

D aysen i yenndref yirs inu x umzwar,

Remdegh ten aked ûmurdi d ticri d ubeddi.

Tesseyem ayi yemma xf tmuziqit nsen,

Xafsen i tettvsegh, zzaysen id tekkaregh.

Oemmars war tghiregh nitni d awaren!

War xafsen ssqsigh, war xafsen ssiwregh:

Man wen yetseqsan x ufus nnes nigh d idvaren?!

Am tazwut n tudart,

Di arrimet ttari-tettvar:

War xafs bu wawar, maca zzays i neddar!

***

Mazuz apya Mazuz a yamghar n Wdrar!

Swazzadvegh gharek: wca yi d afus nnec!

Itawi yi wannay, teggwdegh ad wdvigh;

Yeqdvu d ghari wazir, qedvwen d imerzva.

Tfawt texsi xafi, iweddver ayi wbrid;

Di tadjest steftufegh amacnaw advarghar:

Ad arnigh ghar zzat, nigh ad dewregh ghar deffar?!

Ghar tfiqqit d nec tmurudegh d amûrdi,

Teggwdegh xafs ad teghri, teggwdegh xafs ad texsi;

Ad fesyegh di tadjest, ad twaksegh war tirigh:

S wudem nnec a Mazuz i djigh, mara djigh.

***

Ttvef day a Mazuz, war day tejja ad wdvigh!

Susfay deg qemmum, atagh ad ggenfigh!

Ad yeggenfa yires,

War yetghimi yebdva!

Ad zzays inigh awaren ddaren d imizidven;

Ad cek zzay sen inigh i yin war cek yessinen:

Ad asen inigh: Mazuz yeddar,

War yedji wi t’ ghad yenghen.

Imara war t’ ttwirim,

D knniw d idvargharen!

Imar war s ttsrim,

Kenniw d idvardvuren!

 

 

Copyright 2002 Tawiza. All rights reserved.