uïïun  96, 

kuçyur  2005

(Avril  2005)

Amezwaru

 (Page d'accueil) 

Tamazight

tamazivt d usgzi n wufuv zi lirkam s tiçëi taorabt n usmsi

Aoettvib n lhusima

Abrid

Taghyuli!

Rar leoqel

Tawarggit n idvgam

Français

Les "yeux secs" ou la reconnaissance impossible

Lorsque les langues se sacralisent

Une répudiation annonce

Communiqu du CMA

A quand tawada?

العربية

االأمازيغية وعاهة التفسير العروبي

البديل الفيديرالي بالمغرب

آخر فصل من مسرحية المعهد

ليركام أو نهاية الوهم

نظرية العجز عند الطفل الأمازيغي

جلاء الأمازيغ عبر جلاء اللغة والهوية

العقلية المخزنية في الإدارة المغربية

تدريس اللغة الأمازيغية

الأمازيغيون واليساريون

المرأة الأمازيغية ومظاهر الحيف والتمييز

الأمازيغية والاتحاد الاشتراكي

الاتحاد الاشتراكي والعودة إلى 1994

تيفاوين الأمازيغية تقدم بالعربية

الأمازيغية كما يراها برنامج تيفاوين

أن نكون أو لا نكون

المغرب والعربي والوهم

محمد خير الدين

المعهد الملكي في مفترق الطرق

المساجد بين الخطاب الرسمي وممارسة الأئمة

الأمازيغية تستغيث

دور القطاع النسائي في التنمية

حدث وطني في أقصى الجنوب الشرقي

حوار مع الفنان آيت بوها أوعلي

الأمثال الأمازيغية

ثماني  سنوات من ثاويزا

بيان جمعية تانوكرا

الذكرى 42 لوفاة مولاي موحند

بلاغ الجمعيات بالريف

بيان كنفيديرالية الجنوب

بلاغ لتامونت ن يفّوس

تهانئ

 

Aoettvib n Lhusima
Yura t: Koujout Hassan (ouarzazate)
Je dédie ces petits mots à nos frères imazighen du Rif morts dans le tremblement de terre survenu le 23 février 2004 à ELHOUCIMA

Taghax tixt s-urjaj, yaghen timizar n lhusayma
tbrey ul i wxatar d umezzan, tbrit dix i tiourma
usar nttvsvi a yazmez, nekttva dik tazamma
irjaj wakal ig ifxsan, rdlen igudar d tigumma
innegwdem ugddim iolulan, tut tfikect lbatvima
inbuttel ignna, ghuf tmizar d igherman n tawima
yagh wafa g wakal, aggu n uzapur ayd-nekma
mmuten medden igllin, ddaw tidderwin n ssima
unna iddern iga ahiyzun, negh titufit ioma
yiwttv urba amezzvan, inna-k lahi mma
loil day ttelghatt s lazv, lawla aghghu issumma
mas ittawy atu nnes, askka mag itghima
otan i wijiln igllin, lah asn ibba d imma
tamttvudvt tenna wiyha, manza widda nssegma
lawla arraw dda tirw, iffegh as d urgaz irrumma
xlan medden d uctal, awd asklu illumma
tulla tittv inw idammen, ar tru tin n utma
igjayn n ddaw tittv, imghid digsen ulma
yulla uottva g luttva n dades, tazagurt d blaghma
yulla g ulnif, d ayt yaflman g gulmima
asif n ziz, ingi d s imttvawen n ayt gerrama
iswa dera ssirden issen imawen d iqma
ay agllid axatar, n trak gax lepna d lherma
roeb i tudert tutlla, dat as yaghul s tama
afddam aflla nes iona ka, ijjey issigl iojjuma
dghi yamum umcum, immir n ticci iferma
zund igris n tagrest, iquman iy irrgis g tama
asggûs iddex ambark lefdviht ayd as nsemma
ayamazan kid ineghmisen, mayteona i lhusayma
irifiyn mmuten, isemtal ayd ak tga lhusayma
oafak a yatvadv, heyya terra ur tkkes lguma
uru g idmaren a tawengimt, mid ammas i taghma
ukren ax warraw lmwasa, dax izzvemma
a yakuc grex zvark urawn, gi lehna d lherma
ttugayi tmaddit, kyyin ayagllid ara ghifi yhama
amxib inewwettv lhenna, afus nnes ayffas ighma
yuzen d urumy tarzzift, seg baris d ruma
igras itnan imiker, ad yasey agensu tihzzuma
yusey ioban yawegh g uksum ally idduxemma
awijil ihrem zvars uqiydur d idukan n tissuma
war axam d ihruyn, i wijelen ur ten ihemma
a yanhlalam, ally temmenyart tmxibin d tinhlulma
ifssus ak ufus, tkkit attayn leowin d icumma
tssektert ilghman, tjjujit aggû xef icmuma
timxibin g swass, lah mayd innan hcuma
uzengh aken tirggam, akkin yagh ugari n rrma
atk mayk iwakal, adur di tughult msalma
axub n urifiy igulan uottva, ssaren yiwt mma
ghaln is n dduhda, mid niwegh i wseklu n lebtima
terzag tamimt n wughran, tisent dix tezzumma
awa ysul uottvib n sus, ulinew ag iqquma
immut umyisa, g ugadir d igherman n wellama
dat ikttix issaghi tawla issigh iwtar asleghma
izzerzig iman i ywessar, izzerzig t i tifudma
afa n tudert a yarraw yuger azlbagh japnnama
ismex digs ak azuzzer aman inwan g lberma
isswak win mars, akram nsen isemma
nnigh ak innbet imhan, icqqa innbet oalama
a tudert msellmin, imayd am itvfen ilguma
nsul nroeb abayn, nsul da ghifm nttemxamma
tsakkatax xef wezzal, tecwwa ttelima
zuztex ad irsu wakal, naf aydda nedma
asmun n wul inew ifrurs, yaghul iggumma
asvmmitv g unbdu, tqqim aghd tagrest tehma
ujjan aghul djan, awd attvu nsen imma
ka da yal g leozat, ka ar ittagh lherma
aken ozzax ay imrrukiyn, seg smara ar lhusayma
ula imezdagh n dera d tmizar n ktama
loar nnun d svber, adig amenzu ay ayt ma
ihdvar ubrid ayhlu, nzghu afrag i lhusayma
tsul tirrugza ayamazigh, isul wuddur d lpimma
tirud ankert adlal, nkkes as anaghur ngas utma
ngas izriran i tmazirt, ar tseghruţ a fadvma
ig lhal tameghra, mun g ugdal kullu idhma
nagh ahiydus g lemhamid ammas n ayt ghnima
nehdver ahwac g ugadir, naght g warraw n tayma
ihlu wawal i ymazighen seg assa ar nnayma
nrar d sebta d mlilya d tigzirin n la palma
yughul d wawal amazigh, sawal is tisilt i xyarmma
iwseo lxater imlil, iwadda mi yenyama
(di 15/04/2004)

Copyright 2002 Tawiza. All rights reserved.